ಸಂಗೀತಾ ಶೃಂಗೇರಿ

ಕನ್ನಡ ಕಿರುತೆರೆ ಮತ್ತು ಹಿರಿತೆರೆಯಲ್ಲಿ ಮಿಂಚಿದ ನಟಿ ಸಂಗೀತಾ ಶೃಂಗೇರಿ ಅವರ ತಾಯಿ 51ನೇ ವಯಸ್ಸಲ್ಲಿ ಮಾಡಿದಂತಹ ಸಾಹಸದ ಕುರಿತು ನಟಿ ಹೆಮ್ಮೆಯಿಂದ ಮಾಹಿತಿ ಹಂಚಿಕೊಂಡಿದ್ದಾರೆ.

ಸಂಗೀತಾ ತಾಯಿ ಭವಾನಿ ಶಿವಕುಮಾರ್ ತಮ್ಮ 51ನೇ ವಯಸ್ಸಲ್ಲಿ ಸ್ಕ್ಯೂಬಾ ಡೈವಿಂಗ್ ಮಾಡಿ, ಹೊಸ ಅನುಭವವನ್ನು ಪಡೆದರು. ಆ ಮೂಲಕ ಏಜ್ ಈಸ್ ಜಸ್ಟ್ ಎ ನಂಬರ್ ಎನ್ನುವುದನ್ನು ತೋರಿಸಿದರು.

ನನ್ನ ತಾಯಿ 51 ನೇ ವಯಸ್ಸಿನಲ್ಲಿ ಸ್ಕೂಬಾ ಡೈವಿಂಗ್‌ಗೆ ಹೋದರು, ನಾನು ಜೀವನವನ್ನು ಹೇಗೆ ನಡೆಸುವುದು ಎಂಬುದರ ಕುರಿತು ಅಧಿಕೃತವಾಗಿ ನೋಟ್ಸ್ ತೆಗೆದುಕೊಳ್ಳುತ್ತಿದ್ದೇನೆ! ಎಂದಿದ್ದಾರೆ ಸಂಗೀತಾ.

ಏಪ್ರಿಲ್ 21 ನನಗೆ ಎಂದಿಗೂ ಮರೆಯಲಾಗದ ಒಂದು ಅವಿಸ್ಮರಣೀಯ ನೆನಪುಗಳನ್ನು ನೀಡಿದ ದಿನವಾಯಿತು. ಅಮ್ಮನ ಡೇರಿಂಗ್ ಮತ್ತು ಜೀವನವನ್ನು ಪ್ರೀತಿಸುವ ರೀತಿ ಖುಷಿ ಕೊಟ್ಟಿದೆ ಎಂದಿದ್ದಾರೆ.

ಅಮ್ಮ ಸಾಗರಕ್ಕೆ ಧುಮುಕುವುದನ್ನು ನೋಡಿದಾಗ ನನಗೆ ತುಂಬಾ ಆಳವಾದ ಒಂದು ವಿಷಯ ಅರಿವಾಯಿತು: ನಾನು ಅವಳಿಗೆ ಇಡೀ ಪ್ರಪಂಚವನ್ನು ತೋರಿಸಲು ಬಯಸುವೆ ಎಂದಿದ್ದಾರೆ.

ನಾನು ನೋಡಿದ ಪ್ರತಿಯೊಂದು ಸುಂದರ ಸೂರ್ಯಾಸ್ತ ಮತ್ತು ನಾನು ಇನ್ನೂ ನೋಡಿರದ ಹಿಡನ್ ಜೆಮ್ ಎಲ್ಲವನ್ನೂ ಒಮ್ಮೆ ನಾನು ಅಮ್ಮನೊಂದಿಗೆ ಅನುಭವಿಸಲು ಬಯಸುತ್ತೇನೆ ಎಂದಿದ್ದಾರೆ ಸಿಂಹಿಣಿ.

​ನನ್ನ ಬಗ್ಗೆ ಗೊತ್ತಿರುವವರು ಮತ್ತು ಇದನ್ನು ಓದುವವರು ಗಮನಿಸಿ: ನಿಮ್ಮ ಹೆತ್ತವರೊಂದಿಗೆ ಹೆಚ್ಚು ಪ್ರಯಾಣಿಸಿ. ಆ ನೆನಪುಗಳನ್ನು ಜೀವನಪರ್ಯಂತ ಹಿಡಿದಿಟ್ಟುಕೊಳ್ಳಿ ಎಂದು ಸಲಹೆ ನೀಡಿದ್ದಾರೆ.

ಸಂಗೀತಾ ತಾಯಿ ಹರ್ಬಲ್ ವೆಲ್ ನೆಸ್ ಕೋಚ್ ಆಗಿದ್ದು, ನಟಿಯ ಪೋಸ್ಟ್ ನೋಡಿ ನಿಮಗೆ ಇಷ್ಟು ಧೈರ್ಯ ಎಲ್ಲಿಂದ ಬಂತು ಎಂದು ಈಗ ಗೊತ್ತಾಯ್ತು ಸಿಂಹಿಣಿ ಎಂದಿದ್ದಾರೆ ಸಂಗೀತಾ ಶೃಂಗೇರಿ ಫ್ಯಾನ್ಸ್.