ನಮೃತಾ ಗೌಡ

‘ಕರ್ಣ’ ಧಾರಾವಾಹಿಯಲ್ಲಿ ನಿತ್ಯಾ ಪಾತ್ರದ ಮೂಲಕ ವೀಕ್ಷಕರೆ ಮನ ಸೆಳೆಯುತ್ತಿರುವ ನಟಿ ನಮೃತಾ ಗೌಡ, ಇದೀಗ ತಮ್ಮ ಬ್ಯುಸಿ ಶೆಡ್ಯೂಲ್ ನಿಂದ ಬ್ರೇಕ್ ತೆಗೆದುಕೊಂಡು ಟ್ರಾವೆಲ್ ಮಾಡುತ್ತಿದ್ದಾರೆ.

ಸದ್ಯ ಕರ್ಣ ಧಾರಾವಾಹಿ ಕನ್ನಡ ಕಿರುತೆರೆಯ ನಂ 1 ಧಾರಾವಾಹಿಗಳಲ್ಲಿ ಒಂದಾಗಿದೆ. ಈ ಧಾರಾವಾಹಿಯಿಂದ ಕೊಂಚ ಬ್ರೇಕ್ ತೆಗೆದುಕೊಂಡಿರುವ ನಮೃತಾ ಶ್ರೀಲಂಕಾಕ್ಕೆ ಹಾರಿದ್ದಾರೆ.

ನಮೃತಾ ತಮ್ಮ ಶ್ರೀಲಂಕಾ ವೆಕೇಶನ್ ನ ಒಂದಷ್ಟು ಫೋಟೊಗಳನ್ನು ಹಂಚಿಕೊಂಡಿದ್ದು, ಆ ಫೋಟೊಗಳಲ್ಲಿ ತಾವು ಶ್ರೀಲಂಕಾದಲ್ಲಿ ಇರುವುದಾಗಿ ತಿಳಿಸಿದ್ದಾರೆ.

ನಮೃತಾ ಗೌಡ ಕೇಸರಿ ಮತ್ತು ಬಿಳಿ ಬಣ್ಣದ ಆಫ್ ಶೋಲ್ಡನ್ ಶಾರ್ಟ್ಸ್ ಧರಿಸಿ, ವಿವಿಧ ಫೋಸ್ ರೀತಿಯಲ್ಲಿ ಪೋಸ್ ಕೊಟ್ಟು ಫೋಟೊ ತೆಗೆಸಿಕೊಂಡಿದ್ದಾರೆ. ತುಂಬಾನೆ ಮುದ್ದಾಗಿ ಕಾಣಿಸುತ್ತಿದ್ದಾರೆ.

ಫೋಟೊಗಳಿಗೆ ಕಾಮೆಂಟ್ ಮಾಡಿದ್ದ ಭವ್ಯಾ ಗೌಡ ಯಾರೋ ನಿನ್ನನ್ನು ಸುಂದರವಾಗಿ ಕ್ಯಾಪ್ಚರ್ ಮಾಡಿದ್ದಾರೆ, ಅವರ ತಾಳ್ಮೆಗೆ ಒಂದು ಮೆಚ್ಚುಗೆ ಎನ್ನುವಂತೆ ನಮೃತಾ ಕಾಲೆಳೆದಿದ್ದಾರೆ.

ಭವ್ಯಾ ಗೌಡ ಕಾಮೆಂಟ್ ನೋಡಿ ಅಭಿಮಾನಿಗಳು, ನಮ್ಮು ಫೋಟೊ ಕ್ಯಾಪ್ಚರ್ ಮಾಡಿದ್ದು ಯಾರು ಎಂದು ನಮಗೆ ಗೊತ್ತಿದೆ ಎಂದು ಹೇಳಿ ನಕ್ಕಿದ್ದಾರೆ.

ಈ ಹಿಂದೆ ನಮ್ಮು ಥೈಲ್ಯಾಂಡ್ ಫೋಟೊಗಳನ್ನು ಹಂಚಿಕೊಂಡಾಗ, ಅವರ ಜೊತೆ ಕಾರ್ತಿಕ್ ಮಹೇಶ್ ಕೂಡ ಇದ್ದಾರೆ ಎಂದು ಜನ ಹೇಳಿದ್ದರು. ಈವಾಗ ಭವ್ಯಾ ಕಾಮೆಂಟ್ ನೋಡಿ ಮತ್ತೆ ಅದು ಕನ್ಪರ್ಮ್ ಆಗಿದೆ.

ಹೆಚ್ಚಾಗಿ ನಮೃತಾ ಗೌಡ ಮತ್ತು ಕಾರ್ತಿಕ್ ಮಹೇಶ್ ಜೊತೆಯಾಗಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಹಾಗಾಗಿ ಈ ಜೋಡಿ ಪ್ರೀತಿಯಲ್ಲಿ ಬಿದ್ದಿದೆ ಎಂದು ಹೇಳಲಾಗುತ್ತಿದೆ. ಆದರೆ ಇದನ್ನು ಇಬ್ಬರೂ ದೃಢಪಡಿಸಿಲ್ಲ.

ಅಂದ ಹಾಗೆ ಧಾರಾವಾಹಿಯಲ್ಲಿ ನಿತ್ಯಾ ಮುಂದೆ ನಿಂತು ಕರ್ಣ-ನಿಧಿ ಮದುವೆ ಮಾಡಿಸಿದ ಪ್ರೊಮೋ ರಿಲೀಸ್ ಆಗಿತ್ತು. ಹಾಗಾಗಿ ಇಬ್ಬರ ಮದುವೆ ಮಾಡಿ, ನಿತ್ಯಾ ಶ್ರೀಲಂಕ್ಕಾಕ್ಕೆ ಹಾರಿದ್ರಾ?