ತಾತನ ಮಾರ್ಗದಲ್ಲಿ ಯತೀಶ್ವರ್ ರಾಜ: ಇಳಯರಾಜ ಮೊಮ್ಮಗ ಸಂಗೀತ ಲೋಕಕ್ಕೆ ಪಾದಾರ್ಪಣೆ

ತಮಿಳು ಚಿತ್ರರಂಗದಲ್ಲಿ ಇಳಯರಾಜ ಕುಟುಂಬ ಸಂಗೀತ ಕುಟುಂಬವಾಗಿದೆ. ಇಳಯರಾಜ ಅವರ ಹಿರಿಯ ಮಗ ಕಾರ್ತಿಕ್ ರಾಜ, ಕಿರಿಯ ಮಗ ಯುವನ್ ಶಂಕರ್ ರಾಜ, ಮಗಳು ಭವತಾರಿಣಿ, ಇಳಯರಾಜ ಅವರ ತಮ್ಮ ಗಂಗೈ ಅಮರನ್, ಅವರ ಪುತ್ರರು ಎಲ್ಲರೂ ಸಂಗೀತ ಕ್ಷೇತ್ರದಲ್ಲಿದ್ದಾರೆ.

ಇಳಯರಾಜ ಅವರ ಮೊಮ್ಮಗ ಯತೀಶ್ವರ್ ರಾಜ ಭಕ್ತಿಗೀತೆ ಸಂಯೋಜಿಸಿ ಬಿಡುಗಡೆ ಮಾಡಿದ್ದಾರೆ. ಇಳಯರಾಜ ಅವರ ಹಿರಿಯ ಮಗ ಕಾರ್ತಿಕ್ ರಾಜ ಅವರ ಮಗ ಯತೀಶ್ವರ್ ರಾಜ. ಸಿನಿಮಾದಲ್ಲಿ ಅವಕಾಶಕ್ಕಾಗಿ ಹುಡುಕುತ್ತಿರುವ ಅವರು ತಿರುವಣ್ಣಾಮಲೈನಲ್ಲಿ ಭಕ್ತಿಗೀತೆ ಬಿಡುಗಡೆ ಮಾಡಿದ್ದಾರೆ.

ಇಳಯರಾಜ ಆಗಾಗ್ಗೆ ಭೇಟಿ ನೀಡುವ ತಿರುವಣ್ಣಾಮಲೈ ರಮಣ ಆಶ್ರಮದಲ್ಲಿ ಈ ಹಾಡನ್ನು ಬಿಡುಗಡೆ ಮಾಡಲಾಗಿದೆ. ಚಿಕ್ಕಂದಿನಿಂದಲೂ ಸಂಗೀತದಲ್ಲಿ ಆಸಕ್ತಿ ಹೊಂದಿದ್ದೆ. ಲಂಡನ್‌ನಲ್ಲಿ ಸಂಗೀತದಲ್ಲಿ ಉನ್ನತ ಶಿಕ್ಷಣ ಪಡೆಯಲು ಹೊರಟಿದ್ದೇನೆ. ಮೊದಲ ಹಾಡು ಭಕ್ತಿಗೀತೆಯಾಗಿರಬೇಕೆಂದುಕೊಂಡಿದ್ದೆ. ತಾತ ಇಳಯರಾಜ ಅವರ ಸಲಹೆ ಪಡೆದಿದ್ದೇನೆ. ಅಪ್ಪ ಕಾರ್ತಿಕ್ ರಾಜ ಸಾಹಿತ್ಯ ಬರೆಯಲು ಸಹಾಯ ಮಾಡಿದರು. ತಾತ, ಅಪ್ಪನಂತೆ ನನಗೂ ಸಿನಿಮಾದಲ್ಲಿ ಸಂಗೀತ ಸಂಯೋಜಿಸುವ ಆಸಕ್ತಿ ಇದೆ. ಒಳ್ಳೆಯ ಅವಕಾಶಕ್ಕಾಗಿ ಕಾಯುತ್ತಿದ್ದೇನೆ ಎಂದರು.

ತಿರುವಣ್ಣಾಮಲೈ ಗಿರಿವಲಂ ಹೋದಾಗ ಭಕ್ತಿಗೀತೆಗಳನ್ನು ಕೇಳಿದ ಯತೀಶ್ವರ್, ತಾನೂ ಹಾಗೆ ಒಂದು ಹಾಡು ರಚಿಸಬೇಕೆಂದು ಆಸೆಪಟ್ಟರು. ಅದರ ಆಧಾರದ ಮೇಲೆ ಅವರು ಈ ಹಾಡನ್ನು ರಚಿಸಿದ್ದಾರೆ. ನಮ್ಮ ಕುಟುಂಬದಿಂದ ಮತ್ತೊಬ್ಬ ಸಂಗೀತ ನಿರ್ದೇಶಕ ಬಂದಿರುವುದು ನಮಗೆ ಸಂತೋಷ, ಹೆಮ್ಮೆ. ಮತ್ತೊಂದೆಡೆ ಭಯವೂ ಇದೆ. ಇಲ್ಲಿ ಜನರೇ ನ್ಯಾಯಾಧೀಶರು, ಈ ಹಾಡನ್ನು ಕೇಳಿ ಎಲ್ಲರೂ ನನ್ನ ಮಗನಿಗೆ ಶುಭ ಹಾರೈಸಬೇಕು ಎಂದರು.