ಬಾವ-ಬಾಮೈದ ಆಗಿದ್ದರೂ ನಾಗಾರ್ಜುನ-ವೆಂಕಟೇಶ್ ಒಟ್ಟಿಗೆ ನಟಿಸಿದ ಏಕೈಕ ಸಿನಿಮಾ ಯಾವುದು?

ನಾಗಾರ್ಜುನ ಮತ್ತು ವೆಂಕಟೇಶ್ ಇಂಡಸ್ಟ್ರಿಯ ಟಾಪ್ ಹೀರೋಗಳು. ಇಬ್ಬರೂ ಬಾವ-ಬಾಮೈದ. ವೆಂಕಿ ತಂಗಿ ಲಕ್ಷ್ಮಿಯನ್ನ ನಾಗಾರ್ಜುನಗೆ ಮದುವೆ ಮಾಡಿಕೊಟ್ಟರು. ಅವರಿಗೆ ಹುಟ್ಟಿದ್ದು ನಾಗ ಚೈತನ್ಯ. ನಂತರ ನಾಗ್, ಲಕ್ಷ್ಮಿ ದೂರಾದ್ರು. ಸ್ವಲ್ಪ ಸಮಯದ ನಂತರ ನಟಿ ಅಮಲಾರನ್ನ ಮದುವೆಯಾದ್ರು ನಾಗಾರ್ಜುನ. ಆದರೆ ಬಾವ-ಬಾಮೈದ ಆಗಿದ್ದರೂ ಒಟ್ಟಿಗೆ ಒಂದೇ ಸಿನಿಮಾ ಮಾಡಿಲ್ಲ. ಆದರೆ ಒಂದು ಸಿನಿಮಾದಲ್ಲಿ ಮಾತ್ರ ಇಬ್ಬರೂ ಮಿಂಚಿದ್ದಾರೆ. ಬಾಮೈದಗಾಗಿ ಬಾವ ದೊಡ್ಡ ಮನಸ್ಸು ಮಾಡಿದ್ರು.

ವೆಂಕಟೇಶ್, ನಾಗಾರ್ಜುನ ಒಟ್ಟಿಗೆ ಕಾಣಿಸಿಕೊಂಡ ಸಿನಿಮಾ `ತ್ರಿಮೂರ್ತಿಗಳು`. ವೆಂಕಟೇಶ್, ಅರ್ಜುನ್, ರಾಜೇಂದ್ರ ಪ್ರಸಾದ್ ಹೀರೋಗಳಾಗಿ ನಟಿಸಿದ್ದ ಚಿತ್ರ. ಕೆ. ಮುರಳಿ ಮೋಹನ ರಾವ್ ನಿರ್ದೇಶನ. 1987 ರಲ್ಲಿ ರಿಲೀಸ್ ಆಯ್ತು. ಇದರಲ್ಲಿ ಇಂಡಸ್ಟ್ರಿಯ ದೊಡ್ಡ ಹೀರೋಗಳು, ಹೀರೋಯಿನ್ಸ್ ಎಲ್ಲರೂ ಕಾಣಿಸಿಕೊಂಡಿದ್ದಾರೆ. ಒಂದು ಸೀನ್ ಗಾಗಿ ಇಡೀ ಇಂಡಸ್ಟ್ರಿಯನ್ನೇ ಇಳಿಸಿದ್ರು. ಹೀಗೆ ಬಾಮೈದ ವೆಂಕಟೇಶ್ ಗಾಗಿ ಬಾವ ನಾಗಾರ್ಜುನ ಕೂಡ ನಟಿಸಲು ಒಪ್ಪಿಕೊಂಡ್ರು.

ಈ ಸಿನಿಮಾದಲ್ಲಿ ವೆಂಕಟೇಶ್, ಅರ್ಜುನ್, ರಾಜೇಂದ್ರ ಪ್ರಸಾದ್ ಜೊತೆಗೆ ನಾಗಾರ್ಜುನ ಅತಿಥಿ ಪಾತ್ರ ಮಾಡಿದ್ರು. ಇವರು ಮಾತ್ರ ಅಲ್ಲ, ಚಿರಂಜೀವಿ, ಬಾಲಯ್ಯ, ಕೃಷ್ಣಂರಾಜು, ಕೃಷ್ಣ, ಶೋಭನ್ ಬಾಬು, ವಿಜಯಶಾಂತಿ, ಚಂದ್ರಮೋಹನ್, ಮುರಳಿ ಮೋಹನ್, ಪರುಚೂರಿ ಬ್ರದರ್ಸ್, ಗೊಲ್ಲಪೂಡಿ, ಪದ್ಮನಾಭಂ, ರಾಧಾ, ಭಾನುಪ್ರಿಯ, ರಾಧಿಕಾ, ಶಾರದಾ, ಜಯಮಾಲಿನಿ, ಅನುರಾಧಾ, ವೈ. ವಿಜಯ ಮುಂತಾದವರು ಮಿಂಚಿದ್ರು. ಇವರೆಲ್ಲ ಒಂದು ಹಾಡಿನಲ್ಲಿ ಅತಿಥಿ ಪಾತ್ರ ಮಾಡಿದ್ರು. ಒಂದು ಪಾರ್ಟಿ ಹಾಡಿನಲ್ಲಿ ಹೀರೋಗಳೆಲ್ಲ ತಮ್ಮ ಜೋಡಿಗಳ ಜೊತೆ ಬಂದು ಮಿಂಚಿದ್ರು. ಇವರಿಗೆಲ್ಲ ವೆಂಕಟೇಶ್ ಸೇವಕನಾಗಿ ಸೇವೆ ಮಾಡಿದ್ದು ವಿಶೇಷ.

ಆಗ ಇಡೀ ಇಂಡಸ್ಟ್ರಿ ನಟಿಸಿದ ಸಿನಿಮಾ ಅಂತ ಇದು ದಾಖಲೆ ನಿರ್ಮಿಸಿತ್ತು. ಸಂಚಲನ ಕೂಡ ಆಗಿತ್ತು. ಇಡೀ ಇಂಡಸ್ಟ್ರಿಯ ಕಣ್ಣು ಈ ಚಿತ್ರದ ಮೇಲಿತ್ತು. ಆದರೆ 1987 ರಲ್ಲಿ ರಿಲೀಸ್ ಆದ ಈ ಸಿನಿಮಾ ಪ್ರೇಕ್ಷಕರನ್ನ ಆಕರ್ಷಿಸುವಲ್ಲಿ ಸಕ್ಸಸ್ ಆಗಲಿಲ್ಲ. ಹಾಡಲ್ಲಿ ಸ್ಟಾರ್ಸ್ ಹವಾ ಇತ್ತು, ಆದರೆ ಸಿನಿಮಾದಲ್ಲಿ ಕಂಟೆಂಟ್ ಇಲ್ಲದ್ದರಿಂದ ಪ್ರೇಕ್ಷಕರು ಮುಖ ಸಿಂಡರಿಸಿಕೊಂಡ್ರು. ಸಿನಿಮಾ ಭಾರೀ ಸೋಲು ಕಂಡಿತು. ಹೀಗೆ ನಾಗಾರ್ಜುನ, ವೆಂಕಟೇಶ್ ಒಟ್ಟಿಗೆ ಈ ಒಂದೇ ಸಿನಿಮಾದಲ್ಲಿ ನಟಿಸಿದ್ರು.

ಸ್ವಲ್ಪ ವರ್ಷಗಳ ನಂತರ `ಪ್ರೇಮಂ`(2016) ಸಿನಿಮಾದಲ್ಲಿ ಮಿಂಚಿದ್ರು. ನಾಗ ಚೈತನ್ಯ ಹೀರೋ ಆಗಿದ್ದ ಈ ಚಿತ್ರಕ್ಕೆ ಚಂದೂ ಮೊಂಡೇಟಿ ನಿರ್ದೇಶಕ. ಈ ಸಿನಿಮಾದಲ್ಲಿ ಚೈತು ತಂದೆಯಾಗಿ ನಾಗ್ ಮಿಂಚಿದ್ರು. ಹಾಗೇ ಚೈತು ಅಂಕಲ್ ಆಗಿ ಎಸಿಪಿ ರಾಮಚಂದ್ರ ಪಾತ್ರದಲ್ಲಿ ವೆಂಕಟೇಶ್ ಕಾಣಿಸಿಕೊಂಡ್ರು. ಆದರೆ ಇದರಲ್ಲಿ ನಾಗಾರ್ಜುನ, ವೆಂಕಟೇಶ್ ನಡುವೆ ಸೀನ್ಸ್ ಇರಲಿಲ್ಲ. ಇಬ್ಬರೂ ಬೇರೆ ಬೇರೆ ಸೀನ್ ನಲ್ಲಿ ಕಾಣಿಸಿಕೊಂಡ್ರು.