ದಕ್ಷಿಣ ಭಾರತದ ಶ್ರೀಮಂತ ನಟಿ ಸಮಂತಾ ರುತ್ ಪ್ರಭು ಒಟ್ಟು ಆಸ್ತಿ ಎಷ್ಟಿದೆ?

ದಕ್ಷಿಣ ಭಾರತದ ನಟಿಯರಲ್ಲಿ ಸಮಂತಾ ಬಹು ಬೇಡಿಕೆಯ ನಟಿ. ಮದುವೆ, ವಿಚ್ಚೇದನೆ, ಆರೋಗ್ಯ ಸೇರಿ ಹಲವು ಕಾರಣಗಳಿಂದ ಸಮಂತಾ ಸಿನಿಮಾಗಳಿಂದ ದೂರ ಉಳಿದು ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದ್ದರು. ಆದರೆ ಸಮಂತಾ ಸಿನಿಮಾದಿಂದ ದೂರ ಉಳಿದರೂ ಆದಾಯಕ್ಕೆ ಕೊರತೆಯಾಗಿಲ್ಲ.  ಸಮಂತಾ ಸುಮಾರು 101 ಕೋಟಿ ರೂಪಾಯಿ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ. ಅವರ ಆದಾಯದ ಮುಖ್ಯ ಮೂಲಗಳು ಚಲನಚಿತ್ರಗಳು ಮತ್ತು ಬ್ರ್ಯಾಂಡ್ ಪ್ರಮೋಶನ್. 

ಸಮಂತಾ 2017 ರಲ್ಲಿ ಟಾಲಿವುಡ್ ನಟ ನಾಗ ಚೈತನ್ಯ ಅವರನ್ನು ಮದುವೆಯಾದರು. ಹಲವು ಕಾರಣಗಳಿಂದ ಈ ಮದುವೆ ಮುಂದುವರಿಯಲಿಲ್ಲ. ಸಂಬಂಧದಲ್ಲಿ ಬಿರುಕು ಮೂಡಿದ ಕಾರಣ ಇಬ್ಬರು ಪರಸ್ಪರ ಒಪ್ಪಿಗೆ ಮೇರೆಗೆ ದೂರವಾದರು.  2021 ರಲ್ಲಿ ಸಮಂತಾ ಹಾಗೂ ನಾಗಚೈತನ್ಯ ವಿಚ್ಛೇದನ ಪಡೆದರು.

ಸಮಂತಾ ಪ್ರತಿ ಚಿತ್ರಕ್ಕೆ 3.5 ರಿಂದ 5 ಕೋಟಿ ರೂಪಾಯಿಗಳನ್ನು ಚಾರ್ಚ್ ಮಾಡುತ್ತಿದ್ದರು.  ಗರಿಷ್ಠ ಅಂದರೆ ಸಮಂತಾ 10 ಕೋಟಿ ರೂಪಾಯಿ ಸಂಭಾವನೆ ಕೂಡ ಪಡೆದಿದ್ದಾರೆ. ಸಮಂತಾ ಸಿನಿಮಾ ಮೂಲಕವೇ ಹೆಚ್ಚಿನ ಆದಾಯ ಪಡೆದಿದ್ದಾರೆ. ಇದರ ಜೊತೆಗೆ ಇತರ ಕ್ಷೇತ್ರಗಳಿಂದಲೂ ಆದಾಯ ಪಡೆಯುತ್ತಿದ್ದಾರೆ. 

ಸಮಂತಾ ಅವರ ರಿಯಲ್ ಎಸ್ಟೇಟ್‌ನಲ್ಲಿನ ಹೂಡಿಕೆಗಳು ಅವರ ಆಸ್ತಿಗಳ ಪ್ರಮುಖ ಭಾಗವಾಗಿದೆ. ಅವರ ಆಸ್ತಿಗಳಲ್ಲಿ 7.8 ಕೋಟಿ ರೂಪಾಯಿ ಮೌಲ್ಯದ ಐಷಾರಾಮಿ ಅಪಾರ್ಟ್ಮೆಂಟ್ ಸೇರಿದೆ. ಸಮಂತಾ ರಿಯಲ್ ಎಸ್ಟೇಟ್‌ನಿಂದ ಉತ್ತಮ ಆದಾಯಗಳಿಸುತ್ತಿದ್ದಾರೆ. ಸಿನಿಮಾದಿಂದ ದೂರ ಉಳಿದರೂ ಪ್ರತಿ ತಿಂಗಳ ಆದಾಯಕ್ಕೆ ಯಾವುದೇ ಕೊರತೆ ಇಲ್ಲ. 

ಸಮಂತಾ ರುತ್ ಪ್ರಭು ಆಕರ್ಷಕ ಕಾರು ಸಂಗ್ರಹವನ್ನು ಹೊಂದಿದ್ದಾರೆ. ಅವರು ಬಿಎಂಡಬ್ಲ್ಯು 7-ಸರಣಿ, ಜಾಗ್ವಾರ್ ಎಕ್ಸ್‌ಎಫ್, ಆಡಿ ಕ್ಯೂ 7 ಅನ್ನು ಹೊಂದಿದ್ದಾರೆ. ಸಮಂತಾಗೆ ಕಾರು ಕ್ರೇಜ್ ಹೆಚ್ಚಿಲ್ಲ. ಆದರೆ ಅಗತ್ಯಕ್ಕೆ ತಕ್ಕಂತೆ ಕಾರು ಖರೀದಿಸಿದ್ದಾರೆ. 

ಈ ನಟಿ ಸುಸ್ಥಿರ ಜೀವನದ ಮುಖ್ಯ ಕಲ್ಪನೆಯೊಂದಿಗೆ ಅನೇಕ ಬ್ರ್ಯಾಂಡ್‌ಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ಸಮಂತಾ 'ಸಾಕಿ' ಎಂಬ ಬಟ್ಟೆ ಬ್ರ್ಯಾಂಡ್ ಅನ್ನು ಪ್ರಾರಂಭಿಸಿದರು. ಸಮಂತಾ ಕೆಲ ಕ್ಷೇತ್ರದಲ್ಲಿ ಹೂಡಿಕೆ ಮಾಡಿದ ಆದಾಯಗಳಿಸುತ್ತಿದ್ದಾರೆ.