ಸೌಂದರ್ಯ ಜೊತೆ ವೆಂಕಟೇಶ್ ರೊಮ್ಯಾನ್ಸ್.. ಶಾಕ್ ಕೊಟ್ಟ ರಾಮಾನಾಯ್ಡು.. ಏನ್ ಮಾಡಿದ್ರು ಗೊತ್ತಾ?

ವಿಕ್ಟರಿ ವೆಂಕಟೇಶ್ ಟಾಲಿವುಡ್‌ನ ಫ್ಯಾಮಿಲಿ ಹೀರೋ. ಚಿರಂಜೀವಿ, ಬಾಲಯ್ಯ, ನಾಗಾರ್ಜುನ ಜೊತೆಗೆ ಇವರೂ ತೆಲುಗು ಚಿತ್ರರಂಗದ ಆಧಾರಸ್ತಂಭ. ಟಾಲಿವುಡ್‌ನಲ್ಲಿ ರೀಮೇಕ್ ಸಿನಿಮಾಗಳ ರಾಜ ಎಂದೇ ಇವರು ಫೇಮಸ್.

ರೀಮೇಕ್ ಚಿತ್ರಗಳಾದರೂ, ವೆಂಕಟೇಶ್ ಅವರ ಪ್ರತಿಯೊಂದು ಸಿನಿಮಾದಲ್ಲೂ ವಿಭಿನ್ನ ಕಥೆಯಿರುತ್ತದೆ ಎಂದು ಪ್ರೇಕ್ಷಕರು ನಂಬಿದ್ದರು. ಹಾಗಾಗಿಯೇ ಅವರ ಚಿತ್ರಗಳನ್ನು ನೋಡಲು ಆಸಕ್ತಿ ತೋರುತ್ತಿದ್ದರು. ಫ್ಯಾಮಿಲಿ ಆಡಿಯನ್ಸ್ ಹೆಚ್ಚು.

ವೆಂಕಟೇಶ್ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರೊಂದಿಗೆ ಅತಿ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ ನಾಯಕಿ ಸೌಂದರ್ಯ. ಈ ಜೋಡಿಗೆ ಬೆಳ್ಳಿತೆರೆಯಲ್ಲಿ ಭಾರಿ ಬೇಡಿಕೆಯಿತ್ತು. ಇವರಿಬ್ಬರ ಕಾಂಬಿನೇಷನ್ ಚಿತ್ರಕ್ಕೆ ಮಿನಿಮಮ್ ಗ್ಯಾರಂಟಿ ಇತ್ತು.

ವೆಂಕಟೇಶ್ ಚಿತ್ರಗಳಲ್ಲಿ ಸೌಂದರ್ಯ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದ್ದರು. ಇಬ್ಬರ ನಡುವೆ ಉತ್ತಮ ಸ್ನೇಹವಿತ್ತು. ಆದರೆ ಪ್ರೇಕ್ಷಕರು ಇವರನ್ನು ನಿಜವಾದ ಗಂಡ-ಹೆಂಡತಿ ಎಂದು ಭಾವಿಸಿದ್ದರು. ಇಬ್ಬರೂ ಮದುವೆಯಾಗಿದ್ದಾರೆಂಬ ವದಂತಿಗಳೂ ಹಬ್ಬಿದ್ದವು.

ಈ ವದಂತಿಗಳು ಹೆಚ್ಚಾಗುತ್ತಿದ್ದಂತೆ, ಈ ವಿಚಾರ ವೆಂಕಟೇಶ್ ತಂದೆ, ಸ್ಟಾರ್ ನಿರ್ಮಾಪಕ ರಾಮಾನಾಯ್ಡು ಅವರ ಬಳಿ ಹೋಯಿತು. ಆಗ ಅವರೇ ಖುದ್ದು ಅಖಾಡಕ್ಕಿಳಿದರು. ಈ ಗಾಸಿಪ್‌ಗಳು ವೆಂಕಟೇಶ್ ವೃತ್ತಿಜೀವನಕ್ಕೆ ಹಾನಿ ಮಾಡಬಹುದೆಂದು ಭಾವಿಸಿದರು.

ಇಬ್ಬರ ನಡುವೆ ಇರುವುದು ಸ್ನೇಹ ಮಾತ್ರ, ಪ್ರೀತಿಯಲ್ಲ ಎಂದು ಸಾಬೀತುಪಡಿಸಲು ರಾಮಾನಾಯ್ಡು ಒಂದು ಪ್ಲಾನ್ ಮಾಡಿದರು. ವೆಂಕಟೇಶ್-ಸೌಂದರ್ಯ ನಟಿಸುತ್ತಿದ್ದ ಸಿನಿಮಾ ಸೆಟ್‌ನಲ್ಲಿ ಸೌಂದರ್ಯ ಕೈಯಿಂದ ವೆಂಕಟೇಶ್‌ಗೆ ರಾಖಿ ಕಟ್ಟಿಸಿದರು.

ಈ ಘಟನೆಯ ಬಗ್ಗೆ ಯಾರೂ ಅಧಿಕೃತವಾಗಿ ಹೇಳಿಲ್ಲವಾದರೂ, ಆಗ ಟಾಲಿವುಡ್‌ನಲ್ಲಿ ಈ ಸುದ್ದಿ ವೈರಲ್ ಆಗಿತ್ತು. ಇನ್ನು ಸೌಂದರ್ಯ 2004ರಲ್ಲಿ ಹೆಲಿಕಾಪ್ಟರ್ ಅಪಘಾತದಲ್ಲಿ ನಿಧನರಾದರು. ಅವರ ಸ್ಥಾನವನ್ನು ಯಾರೂ ತುಂಬಲು ಸಾಧ್ಯವಾಗಲಿಲ್ಲ.