ಜಸ್ಪ್ರೀತ್ ಬುಮ್ರಾ ಇಲ್ಲದೇ ಇಂಗ್ಲೆಂಡ್ ಎದುರು ಟೆಸ್ಟ್ ಗೆಲ್ಲಲು ಸಾಧ್ಯವೇ ಇಲ್ಲವಾ?

ಲೀಡ್ಸ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ನಲ್ಲಿ ಇಂಗ್ಲೆಂಡ್ 5 ವಿಕೆಟ್‌ಗಳಿಂದ ಗೆದ್ದಿತು. 371 ರನ್‌ಗಳ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ 5ನೇ ದಿನದ ಕೊನೆಯ ಅರ್ಧ ಗಂಟೆ ಬಾಕಿ ಇರುವಂತೆಯೇ ಗೆಲುವಿನ ನಗೆ ಬೀರಿತು. ರಿಷಭ್ ಪಂತ್ 2 ಶತಕ, ಕೆ.ಎಲ್.ರಾಹುಲ್, ಜೈಸ್ವಾಲ್, ಗಿಲ್ ಶತಕ ಬಿಟ್ಟರೆ ಭಾರತಕ್ಕೆ ಬೇರೆ ಧನಾತ್ಮಕ ಅಂಶಗಳಿರಲಿಲ್ಲ.

ಭಾರತದ ಫೀಲ್ಡಿಂಗ್ ತುಂಬಾ ಹೀನಾಯವಾಗಿತ್ತು. 6 ಕ್ಯಾಚ್ ಬಿಟ್ಟರು. ಜೈಸ್ವಾಲ್ ಒಬ್ಬರೇ 4 ಕ್ಯಾಚ್ ಬಿಟ್ಟರು. ಬುಮ್ರಾ ಬಿಟ್ಟರೆ ಬೇರೆ ಬೌಲರ್‌ಗಳು ಸರಿಯಾಗಿ ಬೌಲ್ ಮಾಡ್ಲಿಲ್ಲ. ಕೆಳ ಕ್ರಮಾಂಕದವರು ರನ್ ಮಾಡದೇ ಇದ್ದುದು ಸೋಲಿಗೆ ಕಾರಣ. ಎರಡನೇ ಟೆಸ್ಟ್ ಎಡ್ಜ್‌ಬಾಸ್ಟನ್‌ನಲ್ಲಿ ನಡೆಯುತ್ತೆ. ಬುಮ್ರಾ ಆಡೋದಿಲ್ಲ ಅಂತ ಗೊತ್ತಾಗಿದೆ. ಅವರು ಪ್ರಾಕ್ಟೀಸ್‌ನಲ್ಲಿ ಬೌಲಿಂಗ್ ಮಾಡಿಲ್ಲ. ಬುಮ್ರಾ ಇಲ್ಲದಿದ್ದರೆ ಭಾರತಕ್ಕೆ ದೊಡ್ಡ ಹಿನ್ನಡೆ.

ಮೊದಲ ಟೆಸ್ಟ್‌ನಲ್ಲಿ ಬುಮ್ರಾ 44 ಓವರ್‌ಗಳಲ್ಲಿ 5 ವಿಕೆಟ್ ಪಡೆದರು, 8 ಮೇಡನ್ ಹಾಕಿದ್ರು. ಆದ್ರೆ ಬೇರೆ ಬೌಲರ್‌ಗಳು 92 ಓವರ್‌ಗಳಲ್ಲಿ 482 ರನ್ ಬಿಟ್ಟು ಕೇವಲ 1 ಮೇಡನ್ ಹಾಕಿದ್ರು. ಬುಮ್ರಾ ಇಲ್ಲದೆ ಭಾರತ 26 ಟೆಸ್ಟ್ ಆಡಿದ್ದು 18 ಗೆಲುವು, 5 ಸೋಲು, 3 ಡ್ರಾ. ವಿದೇಶಗಳಲ್ಲಿ 8 ಟೆಸ್ಟ್ ಆಡಿ 4 ಗೆಲುವು, 3 ಸೋಲು, 1 ಡ್ರಾ. SENA ರಾಷ್ಟ್ರಗಳಲ್ಲಿ 4 ಟೆಸ್ಟ್ ಆಡಿ 3 ಸೋಲು, 1 ಗೆಲುವು.

ಬುಮ್ರಾ ಇದ್ದಾಗ ಭಾರತ 46 ಟೆಸ್ಟ್ ಆಡಿ 20 ಗೆಲುವು, 22 ಸೋಲು, 4 ಡ್ರಾ. ವಿದೇಶಗಳಲ್ಲಿ 34 ಟೆಸ್ಟ್ ಆಡಿ 12 ಗೆಲುವು, 18 ಸೋಲು, 4 ಡ್ರಾ. SENA ರಾಷ್ಟ್ರಗಳಲ್ಲಿ 32 ಟೆಸ್ಟ್ ಆಡಿ 10 ಗೆಲುವು, 18 ಸೋಲು, 4 ಡ್ರಾ. ಬುಮ್ರಾ ಬರುವ ಮುನ್ನ SENA ರಾಷ್ಟ್ರಗಳಲ್ಲಿ 113 ಟೆಸ್ಟ್ ಆಡಿ 18 ಗೆಲುವು ಮಾತ್ರ. ಬುಮ್ರಾ ಬಂದ್ಮೇಲೆ ಗೆಲುವಿನ ಪ್ರಮಾಣ ಡಬಲ್ ಆಗಿದೆ. 2021ರಲ್ಲಿ ಬುಮ್ರಾ ಇಲ್ಲದೆ ಬ್ರಿಸ್ಬೇನ್‌ನಲ್ಲಿ ಭಾರತ ಗೆದ್ದಿತ್ತು. ಆಗ ನಟರಾಜನ್, ಸಿರಾಜ್, ಶೈನಿ ಚೆನ್ನಾಗಿ ಬೌಲ್ ಮಾಡಿದ್ರು.

ಆದ್ರೆ ಆಸ್ಟ್ರೇಲಿಯಾ ತರ ಇಂಗ್ಲೆಂಡ್‌ನಲ್ಲಿ ಬುಮ್ರಾ ಇಲ್ಲದೆ ಗೆಲ್ಲೋದು ಕಷ್ಟ. ಬುಮ್ರಾ ಬಿಟ್ಟರೆ ಸಿರಾಜ್ ಮಾತ್ರ 37 ಟೆಸ್ಟ್ ಆಡಿದ್ದಾರೆ. ಬೇರೆ ಬೌಲರ್‌ಗಳಿಗೆ ಅನುಭವ ಇಲ್ಲ. ಇಂಗ್ಲೆಂಡ್‌ನ 'ಬಜ್‌ಬಾಲ್' ಸ್ಟೈಲ್ ಆಟವನ್ನು ಎದುರಿಸೋದು ಕಷ್ಟ. ಮೊದಲ ಟೆಸ್ಟ್‌ನಲ್ಲೇ ಬುಮ್ರಾ ಬಿಟ್ಟರೆ ಬೇರೆ ಬೌಲರ್‌ಗಳು ರನ್ ಬಿಟ್ಟಿದ್ರು. ಒಳ್ಳೆ ತಂಡ ಒಬ್ಬ ಆಟಗಾರನ ಮೇಲೆ ಅವಲಂಬಿತರಾಗಬಾರದು. ಎಲ್ಲರೂ ಮ್ಯಾಚ್ ವಿನ್ನರ್‌ಗಳಾಗಿರಬೇಕು. ಬುಮ್ರಾ ಇಲ್ಲದೆ ಭಾರತ ಹೇಗೆ ಆಡುತ್ತೆ ಅಂತ ನೋಡಬೇಕು.