ರವಿಚಂದ್ರನ್ ಅಶ್ವಿನ್ ಬಾಲ್ ಟ್ಯಾಂಪರಿಂಗ್ ಮಾಡಿದ್ರಾ? ಅಷ್ಟಕ್ಕೂ ಏನಿದು ಗಂಭೀರ ಆರೋಪ?

ಈ ನಡುವೆ ರವಿಚಂದ್ರನ್ ಅಶ್ವಿನ್ ಮೇಲೆ ಬಾಲ್ ಟ್ಯಾಂಪರಿಂಗ್ ಮಾಡಿದ್ದಾರೆ ಎಂದು ದೂರು ನೀಡಲಾಗಿತ್ತು. ಜೂನ್ 14 ರಂದು ಸೇಲಂನಲ್ಲಿ 11ನೇ ಲೀಗ್ ಪಂದ್ಯ ನಡೆಯಿತು. ದಿಂಡಿಗಲ್ ಡ್ರ್ಯಾಗನ್ಸ್ ಮತ್ತು ಎನ್ ಎಸ್ ಚತುರ್ವೇದ್ ನಾಯಕತ್ವದ ಸೀಚೆಮ್ ಮಧುರೈ ಪ್ಯಾಂಥರ್ಸ್ ತಂಡಗಳು ಪರಸ್ಪರ ಮುಖಾಮುಖಿಯಾದವು. ಮೊದಲು ಬ್ಯಾಟಿಂಗ್ ಮಾಡಿದ ಮಧುರೈ ಪ್ಯಾಂಥರ್ಸ್ 8 ವಿಕೆಟ್ ಕಳೆದುಕೊಂಡು 150 ರನ್ ಗಳಿಸಿತು. ಆದಿಕ್ ಉರ್ ರೆಹಮಾನ್ 50 ರನ್ ಗಳಿಸಿದರು. ನಂತರ ಸುಲಭ ಗುರಿ ಬೆನ್ನಟ್ಟಿದ ದಿಂಡಿಗಲ್ ಡ್ರ್ಯಾಗನ್ಸ್ 12.3 ಓವರ್‌ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 151 ರನ್ ಗಳಿಸಿ 9 ವಿಕೆಟ್‌ಗಳ ಅಂತರದಿಂದ ಗೆಲುವು ಸಾಧಿಸಿತು. ಅಶ್ವಿನ್ 49 ರನ್ ಗಳಿಸಿ ಔಟಾದರು. ಶಿವಂ ಸಿಂಗ್ 86 ರನ್ ಗಳಿಸಿ ಅಜೇಯರಾಗುಳಿದರು. ಇದರಿಂದ ಮಧುರೈ ಪ್ಯಾಂಥರ್ಸ್ 9 ವಿಕೆಟ್‌ಗಳ ಅಂತರದಿಂದ ಸೋಲನುಭವಿಸಿತು. ಅಶ್ವಿನ್ ನೇತೃತ್ವದ ಡ್ರ್ಯಾಗನ್ಸ್ ತಂಡ ವಿಶೇಷ ಟವೆಲ್‌ಗಳನ್ನು ಬಳಸಿ ಚೆಂಡಿನ ಸ್ಥಿತಿಯನ್ನು ಬದಲಾಯಿಸಿದೆ ಎಂದು ಮಧುರೈ ಪ್ಯಾಂಥರ್ಸ್ ತಂಡ ಆರೋಪಿಸಿತ್ತು.

ನಮ್ಮ ತಂಡ ಬ್ಯಾಟಿಂಗ್ ಮಾಡುವಾಗ ಚೆಂಡಿನ ಸ್ಥಿತಿ ತುಂಬಾ ಕೆಟ್ಟದಾಗಿತ್ತು. ಇದರಿಂದ ಬ್ಯಾಟ್ಸ್‌ಮನ್‌ಗಳು ಸರಿಯಾಗಿ ಬ್ಯಾಟಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ಪವರ್‌ಪ್ಲೇ ನಂತರ ಬ್ಯಾಟ್ಸ್‌ಮನ್‌ಗಳು ಹೊಡೆದ ಪ್ರತಿಯೊಂದು ಶಾಟ್‌ನಲ್ಲೂ ಕಲ್ಲು ಹೊಡೆಯುವಂತೆ ಶಬ್ದ ಬರುತ್ತಿತ್ತು. ದಿಂಡಿಗಲ್ ಡ್ರ್ಯಾಗನ್ಸ್ ತಂಡದವರು ವಿಶೇಷ ರಾಸಾಯನಿಕವಿರುವ ಟವೆಲ್‌ಗಳನ್ನು ಬಳಸಿ ಚೆಂಡನ್ನು ಹಾಳು ಮಾಡಿದ್ದಾರೆ ಎಂದು ದೂರು ನೀಡಿದ್ದರು. ಮೊದಲಿಗೆ ಈ ದೂರನ್ನು ಸಿಇಒ ಪೂಜಾ ದಾಮೋದರನ್ ಅವರಿಗೆ ಕಳುಹಿಸಲಾಯಿತು. ನಂತರ, TNPL ಗೆ ಕಳುಹಿಸಿದ ದೂರಿನಲ್ಲಿ ವಿವರವಾಗಿ ತಿಳಿಸಿದ್ದರು.