ಚಿಕನ್ ಬಿರಿಯಾನಿ ಸೇರಿ ನಿಮ್ಮ Favourite Food ಜೀರ್ಣಿಸಿಕೊಳ್ಳಲು ನೀವೆಷ್ಟು ಹೊತ್ತು ವಾಕಿಂಗ್ ಮಾಡ್ಬೇಕು?

ನಿಮ್ಮ ವೇಗ ಮತ್ತು ದೇಹದ ತೂಕವನ್ನು ಅವಲಂಬಿಸಿ, ಗಂಟೆಗೆ 5 ಕಿಮೀ ನಡಿಗೆಯು ನಿಮಿಷಕ್ಕೆ ಸುಮಾರು 4–7 ಕಿಲೋಕ್ಯಾಲರಿಗಳನ್ನು ಸುಡುತ್ತದೆ .ಅಂದರೆ 400 ಕಿಲೋ ಕ್ಯಾಲರಿ ಊಟ ಮಾಡಿದ್ರೆ, ಸರಿಸುಮಾರು 60–90 ನಿಮಿಷಗಳ ನಡಿಗೆ ಅತ್ಯವಾಗಿದೆ. ಹಾಗಿದ್ರೆ ನೀವು ನಿಮ್ಮ ಇಷ್ಟದ ಆಹಾರ ಸೇವಿಸಿದ್ರೆ ಎಷ್ಟು ವಾಕಿಂಗ್ ಮಾಡಬೇಕು ನೋಡಿ.

• 1 ಬೌಲ್ ಅನ್ನ : ಒಂದು ಬೌಲ್ ಅನ್ನದಲ್ಲಿ ಸುಮಾರು 242 ಕ್ಯಾಲರಿ ಇರುತ್ತೆ. ಇದು ಜೀರ್ಣವಾಗಬೇಕು ಅಂದ್ರೆ 53 ನಿಮಿಷ ವಾಕ್ ಮಾಡಬೇಕು.
• 3 ಚಪಾತಿ : ಮೂರು ಚಪಾತಿ ಸುಮಾರು 360 ಕ್ಯಾಲರಿ ಇರುತ್ತೆ. ಇದನ್ನ ಕರಗಿಸಲು 70 ನಿಮಿಷ ವಾಕಿಂಗ್ ಅಗತ್ಯ.

• 2 ಗೋಧಿ ಪರೋಟ : ನೀವು ಹೆಲ್ತಿ ಎಂದು ತಿನ್ನುವ ಗೋಧಿ ಪರೋಟದಲ್ಲಿ 380ಕ್ಯಾಲರಿ ಇರುತ್ತವೆ. ಇದನ್ನು ಕರಗಿಸಲು 70 ನಿಮಿಷ ವಾಕಿಂಗ್ ಬೇಕು.
• 1 ಬೌಲ್ ಚಿಕನ್ ಬಿರಿಯಾನಿ: ಜನ ಇಷ್ಟಪಟ್ಟು ತಿನ್ನುವ ಒಂದು ಬೌಲ್ ಚಿಕನ್ ಬಿರಿಯಾನಿಯಲ್ಲಿ 420ಕ್ಯಾಲರಿ ಇದೆ. ಇದನ್ನ ಜೀರ್ಣವಾಗಲು 79 ನಿಮಿಷ ವಾಕ್ ಮಾಡಲೇಬೇಕು.

• 2 ಸಮೋಸ: ಎರಡು ಸಮೋಸ ತಾನೇ ಎಂದು ಇಗ್ನೋರ್ ಮಾಡಬೇಡಿ. ಇದರಲ್ಲಿ ಬರೋಬ್ಬರಿ 522 ಕ್ಯಾಲರಿ ಇದ್ದು, ಇದು ಕರಗಲು 135 ನಿಮಿಷ ವಾಕಿಂಗ್ ಮಾಡುವುದು ಅನಿವಾರ್ಯ.
• ಆಲೂ-ಪೂರಿ : ಬಾಯಿಗೆ ರುಚಿ ನೀಡುವ ಪೂರಿ ಭಾಜಿಯಲ್ಲಿ ಸುಮಾರು 444 ಕ್ಯಾಲರಿ ಇದ್ದು, ಅದನ್ನು ಬರ್ನ್ ಮಾಡಲು 85 ನಿಮಿಷ ವಾಕ್ ಮಾಡಬೇಕು,

• ಸ್ಯಾಂಡ್ ವಿಚ್: ಸ್ಯಾಂಡ್ ವಿಚ್ ಲೈಟ್ ಆಗಿರುತ್ತೆ ಎಂದು ನಿಮಗೆ ಅನಿಸಬಹುದು. ಆದರೆ ಇದರಲ್ಲೂ ಸುಮಾರು 242 ಕ್ಯಾಲರಿ ಇದ್ದು, ಅದನ್ನು ಕರಗಿಸಲು ದಿನದಲ್ಲಿ 53 ನಿಮಿಷ ಆದ್ರು ನಡೆಯಬೇಕು.
• 1 ಬರ್ಗರ್ : ವೆಜೀಸ್, ನಾನ್ ವೆಜ್ ಎಲ್ಲಾ ಸೇರಿರುವ ಬರ್ಗರ್ ನಲ್ಲಿ 360 ಕ್ಯಾಲರಿ ಇದೆ. ಇದನ್ನು ನೀವು ತಿಂದರೆ ಮಿಸ್ ಮಾಡದೇ 75 ನಿಮಿಷ ವಾಕ್ ಮಾಡಿ.

• ಫ್ರೆಂಚ್ ಫ್ರೈಸ್ : 292 ಕ್ಯಾಲರಿ ಹೊಂದಿರುವ ಫ್ರೆಂಚ್ ಫ್ರೈಸ್ ತಿಂದರೆ ಒಂದು ಗಂಟೆ ವಾಕ್ ಮಾಡಲೇಬೇಕು.
• ದಹಿ ಚಾಟ್: ನೀವು ದಹಿ ಚಾಟ್ ಆರೋಗ್ಯಕ್ಕೆ ತುಂಬಾನೆ ಒಳ್ಳೆಯದು ಎಂದು ಅಂದುಕೊಂಡಿರಬಹುದು, ಆದರೆ ಇದರಲ್ಲಿ ಬರೋಬ್ಬರಿ 450 ಕ್ಯಾಲರಿ ಇದೆ. ಇದನ್ನು ಜೀರ್ಣಿಸಲು 115 ನಿಮಿಷ ವಾಕ್ ಮಾಡಬೇಕು.
• ಇನ್’ಸ್ಟಂಟ್ ನೂಡಲ್ಸ್: ಟೈಮ್ ಪಾಸ್ ಗೆ ತಿನ್ನುವ ಇನ್’ಸ್ಟಂಟ್ ನೂಡಲ್ಸ್ ನಲ್ಲಿ 400 ಕ್ಯಾಲರಿ ಇದ್ದು, 80 ನಿಮಿಷಗಳ ವಾಕ್ ಅಗತ್ಯ.