ಭಾರತದ ರಫೆಲ್ ಮುಂದೆ ಪಾಕಿಸ್ತಾನದ ಎಫ್‌16 ಏನೇನೋ ಇಲ್ಲ: ಎರಡರ ನಡುವಣ ವ್ಯತ್ಯಾಸವೇನು ?

ಆಪರೇಷನ್ ಸಿಂದೂರ್ ಕಾರ್ಯಾಚರಣೆ ವೇಳೆ ಪಾಕಿಸ್ತಾನ ಮತ್ತು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದ ಒಂಬತ್ತು ಸ್ಥಳಗಳನ್ನು ಧ್ವಂಸಗೊಳಿಸಲು ಭಾರತವೂ ರಾಫೆಲ್‌ ಜೆಟ್‌ಗಳನ್ನು ಬಳಸಿದೆ ಎಂದು ವರದಿಯಾಗಿದೆ. ಇವು ಸ್ಕಲ್ಪ್ (ಸ್ಟಾರ್ಮ್ ಶ್ಯಾಡೋ) ಕ್ಷಿಪಣಿಗಳಿಂದ ಶಸ್ತ್ರಸಜ್ಜಿತವಾದ ಮತ್ತು ಹೈಲಿ ಅಗೈಲ್ ಮಾಡ್ಯುಲರ್ ಮ್ಯುನಿಷನ್ ಎಕ್ಸ್‌ಟೆಂಡೆಡ್ ರೇಂಜ್ (ಹ್ಯಾಮರ್) ನಿಖರ ಬಾಂಬ್‌ಗಳಿಂದ ಶಸ್ತ್ರಸಜ್ಜಿತವಾಗಿತ್ತು. ಒಂದು ವೇಳೆ ಭಾರತದ ಮೇಲೆ  ದಾಳಿಗೆ ಪಾಕಿಸ್ತಾನವೂ ಇದೇ ರೀತಿಯ ಪ್ರತಿದಾಳಿ ನಡೆಸಿದರೆ, ಅದು ತನ್ನ ಎಫ್‌-16 ಯುದ್ಧ ವಿಮಾನವನ್ನು ಬಳಸಬಹುದು ಎಂದು ವಿಶ್ಲೇಷಿಸಲಾಗುತ್ತಿದೆ. ಹೀಗಾಗಿ ಪಾಕಿಸ್ತಾನದ ಎಫ್‌16 ಹಾಗೂ ಭಾರತದ ರಫೇಲ್‌ ಯುದ್ಧ ವಿಮಾನಗಳ ಶಕ್ತಿ ಸಾಮರ್ಥ್ಯದ ಬಗ್ಗೆ ಈಗ ಹೋಲಿಕೆ ಮಾಡಲಾಗುತ್ತಿದೆ. ಆದರೆ ಭಾರತದ ರಫೇಲ್ ಜೆಟ್‌ಗಳು ಪಾಕಿಸ್ತಾನದ ಎಫ್‌-16ಗಿಂತ ಬಹಳ ಭಿನ್ನವಾಗಿದ್ದು, ಅವುಗಳನ್ನು ಎದುರಿಸಲು ಸಮರ್ಥವಾಗಿವೆ. ಅವುಗಳ ನಡುವಣ ವ್ಯತ್ಯಾಸದ ಬಗ್ಗೆ ಇಲ್ಲಿದೆ ಮಾಹಿತಿ

ಭಾರತದ ರಫೇಲ್ ಜೆಟ್‌ಗಳನ್ನು ಫ್ರಾನ್ಸ್‌ನ ಡಸಾಲ್ಟ್ ಏವಿಯೇಷನ್ ​​ಸಂಸ್ಥೆ ತಯಾರಿಸಿದೆ. ಹಾಗೆಯೇ ಫೈಟಿಂಗ್ ಫಾಲ್ಕನ್ಸ್ ಎಂದೂ ಕರೆಯಲ್ಪಡುವ ಪಾಕಿಸ್ತಾನದ ಎಫ್ -16 ಗಳನ್ನು ಅಮೆರಿಕಾದ ಜನರಲ್ ಡೈನಾಮಿಕ್ಸ್ ಸಂಸ್ಥೆ ಅಭಿವೃದ್ಧಿಪಡಿಸಿದೆ. ಜನರಲ್ ಡೈನಾಮಿಕ್ಸ್ ಸಂಸ್ಥೆಯೂ ಅಮೆರಿಕದ ಶಸ್ತ್ರಾಸ್ತ್ರ ತಯಾರಕ ಸಂಸ್ಥೆಯಾಗಿರುವಲಾಕ್‌ಹೀಡ್ ಮಾರ್ಟಿನ್‌ನ ಒಂದು ಭಾಗವಾಗಿದೆ.ಭಾರತದ ರಫೇಲ್ ಜೆಟ್‌ಗಳು 4.5ನೇ ತಲೆಮಾರಿನ ಯಂತ್ರವನ್ನು(engines) ಹೊಂದಿದ್ದರೆ, ಪಾಕಿಸ್ತಾನದ ಎಫ್ -16 ಗಳು ನಾಲ್ಕನೇ ತಲೆಮಾರಿನ ಯುದ್ಧವಿಮಾನಗಳಾಗಿವೆ. ರಫೇಲ್ ಅವಳಿ ಎಂಜಿನ್‌ಗಳನ್ನು ಹೊಂದಿದ್ದರೆ ಎಫ್ -16 ಒಂದೇ ಎಂಜಿನ್ ಹೊಂದಿರುವ ಕ್ರಾಫ್ಟ್ ಆಗಿದೆ.

ಎಲೆಕ್ಟ್ರಾನಿಕ್ಸ್ ಮತ್ತು ಶಸ್ತ್ರಾಸ್ತ್ರಗಳು
ವಿಯಾನ್(Wion)ವರದಿಯ ಪ್ರಕಾರ, ರಫೇಲ್ ಜೆಟ್‌ಗಳು ತಮ್ಮ ಅರೆ ರಹಸ್ಯ ಏರ್‌ಫ್ರೇಮ್‌ನಿಂದಾಗಿ(semi-stealth airframe)ಕಡಿಮೆ ರಾಡಾರ್ ವೀಕ್ಷಣಾ ಸಾಮರ್ಥ್ಯವನ್ನು ಹೊಂದಿವೆ. ಜೊತೆಗೆ ಅವುಗಳು ಸುಧಾರಿತ AESA ರಾಡಾರ್ (RBE2-AA) ಅನ್ನು ಸಹ ಹೊಂದಿವೆ.

ಮೊದಲೇ ಹೇಳಿದಂತೆ, ಈ ರಫೇಲ್ ಜೆಟ್‌ಗಳು ಸ್ಕಲ್ಪ್ (ಸ್ಟಾರ್ಮ್ ಶ್ಯಾಡೋ) ಕ್ಷಿಪಣಿಗಳು ಮತ್ತು ಹ್ಯಾಮರ್ ಬಾಂಬ್‌ಗಳೊಂದಿಗೆ ಸಜ್ಜುಗೊಂಡಿವೆ. ಅಂಗ್ಲ ಮಾಧ್ಯಮ ಇಂಡಿಯಾ ಟುಡೇ ವರದಿ ಮಾಡಿದಂತೆ ಭಾರತಕ್ಕಾಗಿ ಉತ್ಪಾದಿಸಲ್ಪಟ್ಟ ರಫೇಲ್‌ಗಳು ನಿರ್ದಿಷ್ಟವಾದ 13 ಸುಧಾರಣೆಗಳೊಂದಿಗೆ ಸಿದ್ಧಗೊಂಡಿವೆ. ಇದರಲ್ಲಿ ಮೆಟಿಯರ್ ಬಿಯಾಂಡ್-ವಿಶುವಲ್-ರೇಂಜ್ (BVR) ಕ್ಷಿಪಣಿ, ಸುಧಾರಿತ ಎಲೆಕ್ಟ್ರಾನಿಕ್ ವಾರ್ಫೇರ್ ಸೂಟ್‌ಗಳು, ಉನ್ನತ ರಾಡಾರ್ ಮತ್ತು ಸಂವಹನ ವ್ಯವಸ್ಥೆಗಳು ಸೇರಿವೆ. ರಫೇಲ್‌ ಸರಣಿಯಲ್ಲಿ ರಫೇಲ್‌ನ SPECTRA EW ಸೂಟ್‌ ಅತ್ಯುತ್ತಮದ್ದಾಗಿದೆ. ಇದು ಸಕ್ರಿಯ ಜಾಮಿಂಗ್, ಬೆದರಿಕೆ ಗುರುತಿಸುವಿಕೆ, ರಾಡಾರ್ ಡಿಕಾಯ್‌ಗಳು(radar decoys) ಮತ್ತು ನೆಲದಿಂದ ಆಕಾಶಕ್ಕೆ ಚಿಮ್ಮುವ ಕ್ಷಿಪಣಿಗಳು ಮತ್ತು ಶತ್ರು ರಾಡಾರ್‌ಗೆ ಹಾನಿ ಮಾಡುವ ಸಾಮರ್ಥ್ಯ ಹೊಂದಿದೆ. 

ರಫೇಲ್‌ನ ಈ ವ್ಯವಸ್ಥೆಗೆ 145 ಕಿಲೋಮೀಟರ್ ವ್ಯಾಪ್ತಿಯಲ್ಲಿ 40 ಗುರಿಗಳನ್ನು ಗುರುತಿಸುವ ತಾಕತ್ತಿದೆ. ಜೊತೆಗೆ ಈ ವ್ಯವಸ್ಥೆಯು ಶತ್ರು ರಾಡಾರ್ ಅನ್ನು ಜಾಮ್ ಮಾಡಬಹುದು ಮತ್ತು ಕಾಫಿ ಮಾಡಬಹುದು. ಹೀಗಾಗಿ (ಪಾಕಿಸ್ತಾನದ ಬಳಿ ಇರುವ) F-16 ಜೆಟ್‌ಗೆ ಅದರ ರಾಡಾರ್‌ ರೀಡ್‌ ಮಾಡುವುದಕ್ಕೆ ಕಷ್ಟವಾಗಿಸುತ್ತದೆ. ಭಾರತೀಯ ರಫೇಲ್ ಯುದ್ಧವಿಮಾನಗಳು ಎಕ್ಸ್-ಗಾರ್ಡ್ ಫೈಬರ್-ಆಪ್ಟಿಕ್ ಟೋಡ್ ಡಿಕಾಯ್ ವ್ಯವಸ್ಥೆಯನ್ನು ಸಹ ಹೊಂದಿವೆ. ಇವು ಗಾಳಿಯಿಂದ ಗಾಳಿಗೆ ಮತ್ತು ನೆಲದಿಂದ ಗಾಳಿಗೆ ಕ್ಷಿಪಣಿಗಳನ್ನು ಹಾರಿಸಲು ಅನುವು ಮಾಡಿಕೊಡುತ್ತದೆ. ಇವು ಭಾರತದ ರಫೇಲ್‌ನ ವಿಶಿಷ್ಟತೆಗಳಾಗಿವೆ.
 

ಪಾಕಿಸ್ತಾನದ ಬಳಿ ಇರುವ  F-16 ವಿಮಾನಗಳ ಸಾಮರ್ಥ್ಯ
ಹಾಗೆಯೇ ಪಾಕಿಸ್ತಾನದ ಬಳಿ ಇರುವ F-16 ವಿಮಾನಗಳು AIM-120C5 ಅಡ್ವಾನ್ಸ್ಡ್ ಮೀಡಿಯಂ ರೇಂಜ್ ಏರ್-ಟು-ಏರ್ ಕ್ಷಿಪಣಿ (AMRAAM) ಕ್ಷಿಪಣಿಗಳು ಮತ್ತು ಜಂಟಿಯಾಗಿ ನೇರ ದಾಳಿ ಯುದ್ಧಸಾಮಗ್ರಿಗಳನ್ನು (JDAM ಗಳು) ಹೊಂದಿದೆ.

ಯಾವ ಯುದ್ಧ ವಿಮಾನ ಉತ್ತಮ?
ಯಾವ ಯುದ್ಧ ವಿಮಾನ ಅಂತ ಹೋಲಿಸಲು ಹೋದರೆ ಯಾವುದೇ ಸಂಶಯವಿಲ್ಲದೇ ಭಾರತ ಬಳಸುತ್ತಿರುವ ರಫೇಲ್ ಶ್ರೇಷ್ಠವಾದ ಯುದ್ಧ ವಿಮಾನ ಎನಿಸಿದೆ. ಪಾಕಿಸ್ತಾನದ ಎಫ್-16ರ AMRAAM ಭಾರತವನ್ನು ಆರಂಭದಲ್ಲಿ ಚಿಂತೆಗೀಡು ಮಾಡಿದರೂ, ಬಿವಿಆರ್ ಕ್ಷಿಪಣಿಯೊಂದಿಗೆ ಆಗಮಿಸಿದ ರಫೇಲ್ ಭಾರತದ ಚಿಂತೆಯನ್ನು ಸಂಪೂರ್ಣವಾಗಿ ಕಡಿಮೆ ಮಾಡಿತು.

ಬಿವಿಆರ್ ಯುದ್ಧದಲ್ಲಿ(ದೃಶ್ಯ ವ್ಯಾಪ್ತಿಯ ಮೀರಿ ನಡೆಯುವ ಯುದ್ಧ) ಭಾರತದ ಬಳಿ ಇರುವ ರಫೇಲ್, ಪಾಕಿಸ್ತಾನದ ಎಫ್ -16 ಗಿಂತ ಹೆಚ್ಚಿನ ಪ್ರಾಬಲ್ಯ ಹೊಂದಿದೆ. ರಫೇಲ್‌ನ ಮೆಟಿಯೋರ್(Rafale’s Meteor) ಅತಿ ದೊಡ್ಡ ತಪ್ಪಿಸಿಕೊಳ್ಳಲಾಗದ ವ್ಯಾಪ್ತಿಯನ್ನು ಹೊಂದಿದೆ. ಇದರ ಗುರಿಯಿಂದ ಒಂದು ಪ್ರದೇಶ ತಪ್ಪಿಸಿಕೊಳ್ಳುವುದು ಸಾಧ್ಯವಾಗದ ಮಾತು.ಎಫ್‌ 16ನ AMRAAM 100 ಕಿಲೋಮೀಟರ್‌ಗಳಿಗೆ ಹೋಲಿಸಿದರೆ ರಫೇಲ್‌ನ ಮೆಟಿಯೋರ್ 120 ಕಿಲೋಮೀಟರ್‌ಗಳ ವ್ಯಾಪ್ತಿಯನ್ನು ಹೊಂದಿದೆ.

F-16 ತನ್ನ ಹಗುರವಾದ ಏರ್‌ಫ್ರೇಮ್ ಮತ್ತು ಹೆಚ್ಚಿನ ಒತ್ತಡ-ತೂಕದ ಅನುಪಾತದಿಂದಾಗಿ ಮಿಲಿಟರಿ ವಿಮಾನಗಳ ನಡುವಿನ ನಿಕಟ ಕಾದಾಟಗಳಲ್ಲಿ ಉತ್ತಮವಾಗಿದ್ದರೂ, F-16 ಗಳಿಗೆ ದೂರವನ್ನು ಕಡಿಮೆ ಮಾಡುವುದು ದೊಡ್ಡ ಸವಾಲಾಗಿರುತ್ತದೆ. ರಫೇಲ್‌ನ ಎಲೆಕ್ಟ್ರಾನಿಕ್ಸ್ ಮತ್ತು ರಹಸ್ಯತೆಯು ಕೂಡ ಎಫ್ -16 ಗಿಂತ ಹೆಚ್ಚಿನ ಪ್ರಯೋಜನವನ್ನು ನೀಡುತ್ತದೆ. ಹಾಗೆಯೇ ರಫೆಲ್‌ನ ಮುಂದುವರಿದ AESA ರಾಡಾರ್, ಎಫ್-16 ಗಳಿಗಿಂತ ಮೊದಲ ಶಾಟ್ ಹೊಡೆಯಲು ಅನುವು ಮಾಡಿಕೊಡುತ್ತದೆ.

ಈ ನಡುವೆ ಪಾಕಿಸ್ತಾನವು ತನ್ನ ಹಳೆಯ ಎಫ್ 16 ವಿಮಾನಗಳ ಸಮೂಹವನ್ನು ನಿರ್ವಹಿಸುವಲ್ಲಿ ಹಲವಾರು ಸವಾಲುಗಳನ್ನು ಎದುರಿಸುತ್ತಿದೆ ಎಂದು ವರದಿಯಾಗಿದೆ.ಪಾಕಿಸ್ತಾನ ಸುಮಾರು 75 ಯುದ್ಧವಿಮಾನಗಳನ್ನು ಹೊಂದಿದ್ದರೂ ಪಾಕಿಸ್ತಾನದ ಆರ್ಥಿಕ ಸಮಸ್ಯೆಗಳು ಮತ್ತು ರಕ್ಷಣಾತ್ಮಕ ಸಾಮರ್ಥ್ಯದಲ್ಲಿ ಮಾತ್ರ ಬಳಸಬೇಕು ಎಂಬ ಕಟ್ಟುನಿಟ್ಟಿನ ಅಮೆರಿಕದ ನಿಯಮಗಳಿಂದಾಗಿ ನಿರ್ವಹಣಾ ಸವಾಲುಗಳನ್ನು ಎದುರಿಸುತ್ತಿದೆ. ಮತ್ತೊಂದೆಡೆ, ಭಾರತವು ತನ್ನ ರಫೇಲ್ ಯುದ್ಧವಿಮಾನಗಳೊಂದಿಗೆ ಅಂತಹ ಯಾವುದೇ ನಿರ್ಬಂಧಗಳನ್ನು ಹೊಂದಿಲ್ಲ. ಹಾಗೆಯೇ ನ್ಯಾಟೋ ವ್ಯಾಯಾಮಗಳನ್ನು ಹೊರತುಪಡಿಸಿ ರಫೇಲ್ ಮತ್ತು ಎಫ್ -16 ಎಂದಿಗೂ ಪರಸ್ಪರ ಎದುರಾಗಿಲ್ಲ.