ದೇಶದ ಪ್ರಧಾನಿ ನರೇಂದ್ರ ಮೋದಿಯವರ ಪಿಎ ನಿಧಿ ತಿವಾರಿ ಯಾರು? ತಿಂಗಳ ವೇತನ ಎಷ್ಟು?

ಪ್ರಧಾನಿ ಮೋದಿಯವರ ಪರ್ಸನಲ್ ಸೆಕ್ರೆಟರಿ ಒಬ್ಬ ಮಹಿಳೆ. ಯಾರಿವರು? ಏನು ಹೆಸರು? ಈ ಹುದ್ದೆ ಹೇಗೆ ಸಿಕ್ತು ಅನ್ನೋದು ಎಲ್ಲರ ಪ್ರಶ್ನೆ. ಆದರೆ ಇವರ ಸಾಧನೆ ಮಾತ್ರ ಅದ್ಭುತ.

ಇವರ ವೃತ್ತಿಜೀವನ ಬೆಳವಣಿಗೆ ಉನ್ನತ ಮಟ್ಟದ್ದು. ಹಾಗಾಗಿಯೇ ವಿದೇಶಾಂಗ ಸಚಿವಾಲಯದ ಸದಸ್ಯೆಯಾಗಿ ಮೋದಿಯವರ ಪಿಎ ಆಗಿದ್ದಾರೆ. ಈ ಹುದ್ದೆಗೆ ಮೊದಲು ಪಿಎಂಒನಲ್ಲಿ ಡೆಪ್ಯುಟಿ ಸೆಕ್ರೆಟರಿಯಾಗಿದ್ದರು.

ಡೆಪ್ಯುಟಿ ಸೆಕ್ರೆಟರಿಯಾಗಿದ್ದಾಗ ಅಜಿತ್ ಧೋವಲ್ ಜೊತೆ ಕೆಲಸ ಮಾಡಿದ ಅನುಭವ ಇದೆ. ಈಗ ಪ್ರಧಾನಿ ಮೋದಿಯವರ ಪರ್ಸನಲ್ ಸೆಕ್ರೆಟರಿಯಾಗಿ ನೇಮಕಗೊಂಡಿದ್ದಾರೆ. ಪ್ರಧಾನ ಮಂತ್ರಿಗಳ ದಿನನಿತ್ಯದ ಕೆಲಸಗಳನ್ನು ನಿರ್ವಹಿಸುತ್ತಾರೆ.

ಪ್ರಧಾನ ಮಂತ್ರಿಗಳ ಸಭೆಗಳು ಮತ್ತು ಇತರ ಕೆಲಸಗಳನ್ನು ನಿರ್ವಹಿಸುವುದು ಇವರ ಕೆಲಸ. ದೇಶದ ಕೆಲಸದಲ್ಲಿ ಪ್ರಧಾನಿಗಳಿಗೆ ಸಹಾಯ ಮಾಡುತ್ತಾರೆ. ಈ ಕೆಲಸಕ್ಕೆ ವಿದ್ಯೆ ಮತ್ತು ಅರ್ಹತೆ ಮುಖ್ಯ. ನಿಧಿ ತಿವಾರಿ ಎರಡರಲ್ಲೂ ಪ್ರತಿಭಾವಂತರು. 2013ರಲ್ಲಿ ಸಿವಿಲ್ ಸರ್ವಿಸ್ ಪರೀಕ್ಷೆಯಲ್ಲಿ 96ನೇ ರ‍್ಯಾಂಕ್ ಪಡೆದಿದ್ದಾರೆ.

ಯುಪಿಎಸ್‌ಸಿ ಪರೀಕ್ಷೆಯಲ್ಲೂ ಉತ್ತೀರ್ಣರಾಗಿದ್ದಾರೆ.  2014ರಲ್ಲಿ ವಿದೇಶಾಂಗ ಸಚಿವಾಲಯದ ಅತ್ಯುತ್ತಮ ಅಧಿಕಾರಿ ಪ್ರಶಸ್ತಿ ಪಡೆದಿದ್ದಾರೆ. ಡೆಪ್ಯುಟಿ ಸೆಕ್ರೆಟರಿಯಾಗಿದ್ದಾಗ ವಿದೇಶಾಂಗ ಮತ್ತು ಭದ್ರತಾ ವಿಭಾಗದಲ್ಲಿ ಕೆಲಸ ಮಾಡಿದ್ದಾರೆ. ಈಗ ಇವರ ಕುಟುಂಬ ದೆಹಲಿಯಲ್ಲಿದೆ. ಮೂಲತಃ ವಾರಣಾಸಿಯವರು.

ಪ್ರಧಾನ ಮಂತ್ರಿಗಳ ಪರ್ಸನಲ್ ಸೆಕ್ರೆಟರಿಯ ವೇತನ ತಿಂಗಳಿಗೆ 1,44,200 ರೂ. ಎಂದು ವರದಿಯಾಗಿದೆ. ಮೂಲ ವೇತನದ ಜೊತೆಗೆ ಮನೆ ಬಾಡಿಗೆ, ತುಟ್ಟಿಭತ್ಯೆ, ಪ್ರಯಾಣ ಭತ್ಯೆ ಮತ್ತು ಇತರ ಭತ್ಯೆಗಳನ್ನು ನೀಡಲಾಗುತ್ತದೆ. ನಿಧಿ ತಿವಾರಿ ತಮ್ಮ ಕೆಲಸದ ಮೂಲಕ ಮಹಿಳೆಯರ ಸಾಮರ್ಥ್ಯವನ್ನು ತೋರಿಸಿಕೊಟ್ಟಿದ್ದಾರೆ.