Cleaning Tips:ಕೊಳಕಾಗಿರುವ ಹಳೆಯ ಪ್ಲಾಸ್ಟಿಕ್ ವಸ್ತುವನ್ನು ಕೇವಲ 5 ನಿಮಿಷದಲ್ಲಿ ಹೀಗೆ ಕ್ಲೀನ್ ಮಾಡಿ!

ಇತ್ತೀಚಿನ ದಿನಗಳಲ್ಲಿ ಮನೆಯಲ್ಲಿ ಪ್ಲಾಸ್ಟಿಕ್ ವಸ್ತುಗಳ ಬಳಕೆ ತುಂಬಾ ಹೆಚ್ಚಾಗಿದೆ. ವಿಶೇಷವಾಗಿ ಪ್ಲಾಸ್ಟಿಕ್ ಬಕೆಟ್‌ಗಳು ಮತ್ತು ಮಗ್‌ಗಳನ್ನು ಸ್ನಾನಗೃಹಗಳಲ್ಲಿ ಬಳಸಲಾಗುತ್ತದೆ. ಇನ್ನು ಅಡುಗೆಮನೆಯಲ್ಲಿ ಪ್ಲಾಸ್ಟಿಕ್ ಪಾತ್ರೆಗಳನ್ನು ಸಹ ಬಳಸಲಾಗುತ್ತದೆ. ಜನರು ಸಾಮಾನ್ಯವಾಗಿ ಈ ಪ್ಲಾಸ್ಟಿಕ್‌ಗಳನ್ನು ಸ್ವಚ್ಛಗೊಳಿಸುವ ಬಗ್ಗೆ ಗಮನ ಹರಿಸುವುದಿಲ್ಲ, ಇದರ ಪರಿಣಾಮವಾಗಿ ಅವುಗಳ ಮೇಲೆ ಕೊಳಕು ಸಂಗ್ರಹವಾಗುತ್ತದೆ. ಇವು ನಿಮ್ಮ ಸ್ವಚ್ಛವಾದ ಸ್ನಾನಗೃಹ ಮತ್ತು ಅಡುಗೆಮನೆಯ ನೋಟವನ್ನೇ ಹಾಳುಮಾಡುತ್ತವೆ. ಕೊನೆಗೊಂದು ದಿನ ಯಾವುದೇ ಅತಿಥಿ ನಿಮ್ಮ ಮನೆಗೆ ಬಂದರೆ, ಇದು ಮುಜುಗರಕ್ಕೆ ಕಾರಣವಾಗುತ್ತವೆ. ಆದ್ದರಿಂದ ಪ್ಲಾಸ್ಟಿಕ್ ವಸ್ತುಗಳನ್ನು ಸ್ವಚ್ಛಗೊಳಿಸಲು ನೀವು ಈ ಟಿಪ್ಸ್‌ ಅನುಸರಿಸಬಹುದು. 

ಬಕೆಟ್ ಅಥವಾ ಮಗ್‌ನಲ್ಲಿ ಪಾಚಿ ಸಂಗ್ರಹವಾಗಿದ್ದರೆ, ಅದನ್ನು ತೆಗೆದುಹಾಕಲು ಸಾಕಷ್ಟು ಶ್ರಮ ಪಡಬೇಕಾಗುತ್ತದೆ. ಆದರೂ ಅದನ್ನು ಸರಿಯಾಗಿ ಸ್ವಚ್ಛಗೊಳಿಸಲು ಸಾಧ್ಯವಾಗುವುದಿಲ್ಲ. ಹಾಗಾಗಿ ಅದನ್ನು ಸ್ವಚ್ಛಗೊಳಿಸಲು, ಬಕೆಟ್‌ಗೆ ಉಗುರು ಬೆಚ್ಚಗಿನ ನೀರನ್ನು ಸುರಿಯಿರಿ. ಈಗ ಅದರಲ್ಲಿ ಡಿಟರ್ಜೆಂಟ್ ಮಿಶ್ರಣ ಮಾಡಿ. ಇದನ್ನು ಸುಮಾರು 10 ರಿಂದ 15 ನಿಮಿಷಗಳ ಕಾಲ ಬಿಡಿ. ಆಗ ನೀರಿನಿಂದ ಕೊಳಕು ಹೊರಬಂದು ತೆಗೆದುಹಾಕಲು ಸುಲಭವಾಗುತ್ತದೆ.

ಕಲೆಗಳನ್ನು ತೆಗೆದುಹಾಕಲು ನಿಂಬೆಹಣ್ಣನ್ನು ಅನೇಕ ವರ್ಷಗಳಿಂದ ಬಳಸಲಾಗುತ್ತಿದೆ. ಪ್ಲಾಸ್ಟಿಕ್ ಪಾತ್ರೆಗಳು, ಬಕೆಟ್‌ಗಳು ಮತ್ತು ಮಗ್‌ಗಳು ಹೊಸದಾಗಿ ಹೊಳೆಯಬೇಕೆಂದು ನೀವು ಬಯಸಿದರೆ ನಿಂಬೆ ರಸವನ್ನು ಬಳಸಿ. ಇದು ವಾಸನೆಯನ್ನು ಸಹ ತೆಗೆದುಹಾಕುತ್ತದೆ.

ಅಡುಗೆಮನೆಯಲ್ಲಿ ಆಗಾಗ್ಗೆ ಎಣ್ಣೆ ಚಿಮ್ಮುತ್ತದೆ, ಇದರಿಂದಾಗಿ ಪ್ಲಾಸ್ಟಿಕ್ ಪಾತ್ರೆಗಳು ಹಾನಿಗೊಳಗಾಗುತ್ತವೆ ಮತ್ತು ಅವುಗಳ ಮೇಲೆ ಕಲೆಗಳು ಕಾಣಿಸಿಕೊಳ್ಳುತ್ತವೆ. ಅಷ್ಟೇ ಅಲ್ಲ, ಸ್ನಾನಗೃಹದಲ್ಲಿ ನಿರಂತರ ನೀರು ಹರಿಯುವುದರಿಂದ, ಬಕೆಟ್‌ಗಳು ಮತ್ತು ಮಗ್‌ಗಳು ಕಲೆಯಾಗುತ್ತವೆ. ಈ ಕಲೆಗಳನ್ನು ತೆಗೆದುಹಾಕಲು ಅಡುಗೆ ಸೋಡಾ ಬಳಸಿ. ನೀವು ಅಡುಗೆ ಸೋಡಾ ಮತ್ತು ವಿನೆಗರ್ ಮಿಶ್ರಣ ಮಾಡಿ. ಈ ಪೇಸ್ಟ್ ಅನ್ನು ಹಚ್ಚಿ ಸ್ಕ್ರಬ್ ಸಹಾಯದಿಂದ ಉಜ್ಜಿ, ನಂತರ ನೀರಿನಿಂದ ಸ್ವಚ್ಛಗೊಳಿಸಿ.

ಪ್ಲಾಸ್ಟಿಕ್ ಪಾತ್ರೆಯ ಮೂಲೆಗಳನ್ನು ಸರಿಯಾಗಿ ಸ್ವಚ್ಛಗೊಳಿಸಲು ಬ್ರಷ್ ಅಥವಾ ಸ್ಕ್ರಬ್ ಬಳಸಿ. ಆಗಾಗ್ಗೆ, ಪ್ಲಾಸ್ಟಿಕ್ ಪಾತ್ರೆಯಲ್ಲಿ ಕೆಲವು ವಸ್ತುಗಳನ್ನು ಇಡುವುದರಿಂದ, ಮೂಲೆಗಳಲ್ಲಿ ಕಲೆಗಳು ಕಾಣಿಸಿಕೊಳ್ಳುತ್ತವೆ. ಇದನ್ನು ತೆಗೆದುಹಾಕಲು, ಡಿಟರ್ಜೆಂಟ್ ಸಹಾಯದಿಂದ ಸ್ವಚ್ಛಗೊಳಿಸಿ.