Japan Hitech Washroom ವಿಶೇಷತೆ ಕಂಡು ಬೆಚ್ಚಿ ಬೆರಗಾದ ಕನ್ನಡದ Bhagyalakshmi Serial ನಟ; ಅಂಥದ್ದೇನಿದೆ?

ಜಪಾನ್‌ನಲ್ಲಿ ತಂತ್ರಜ್ಞಾನ ಎನ್ನೋದು ಕೇವಲ ಬುಲೆಟ್ ಟ್ರೈನ್ ಅಥವಾ ರೋಬೋಟ್‌ಗಳಿಗೆ ಸೀಮಿತವಾಗಿಲ್ಲ. ಅಲ್ಲಿ ಇರುವ ಶೌಚಾಲಯಗಳಲ್ಲಿಯೂ ಕೂಡ ತಂತ್ರಜ್ಞಾನ ಇದೆ. ಅಲ್ಲಿನ ಶೌಚಾಲಯಗಳು ನಿಜಕ್ಕೂ ವಿಶ್ವದ ಅತ್ಯಂತ ಸ್ವಚ್ಛ, ಹೈಟೆಕ್ ಸೌಲಭ್ಯಗಳು ಎಂದು ಹೇಳಲಾಗುತ್ತದೆ.

ಅಲ್ಲಿನ ಶೌಚಾಲಯಗಳಲ್ಲಿ 'ವಾಶ್ಲೆಟ್' ಎಂಬ ಆಪ್ಶನ್‌ ಇರುತ್ತದೆ. ಅಲ್ಲಿ ಗುಂಡಿ ಒತ್ತಿದ ತಕ್ಷಣ ನೀರು ಚಿಮ್ಮಿ ಅಲ್ಲಿರೋದೆಲ್ಲ ಕ್ಲೀನ್‌ ಆಗುವುದು. ನಮಗೆ ಬೇಕಾದಂತೆ ಬಿಸಿ, ತಣ್ಣೀರು ಎಂದು ಮಾಡಿಕೊಳ್ಳಬಹುದು.

ಚಳಿಗಾಲದಲ್ಲಿ ಶೌಚಾಲಯದ ಸೀಟ್ ಮೇಲೆ ಕೂರೋದು ಕಷ್ಟ. ಆದರೆ ಜಪಾನ್‌ನಲ್ಲಿ ಸೀಟ್‌ಗಳು ಮೊದಲೇ ಬಿಸಿ ಇರುತ್ತವೆ. ನಾವು ನಮಗೆ ಬೇಕಾದ ತಾಪಮಾನಕ್ಕೆ ಇದನ್ನು ಸೆಟ್ ಮಾಡಿಕೊಳ್ಳಬಹುದು. ಅಲ್ಲಿನ ಜನರಿಗೆ ಹೆಚ್ಚಿನ ಆರಾಮ ಆಗುವುದು

ಶೌಚಾಲಯ ಬಳಸಿದಾಗ ಸೌಂಡ್‌ ಆದರೆ ಮುಜುಗರ ಆಗುವುದಂತೆ. ಹೀಗಾಗಿ 'ಓಟೋಹಿಮೆ' ವ್ಯವಸ್ಥೆ ಇರುತ್ತದೆ. ಇದರ ಬಟನ್‌ ಪ್ರೆಸ್‌ ಮಾಡಿದಾಗ, ನೀರು ಹರಿಯುವ ಶಬ್ದದ ಬದಲು ಹಕ್ಕಿಗಳ ಕಲರವ ಆಗುವುದಂತೆ.

ನೀವು ಶೌಚಾಲಯದ ಹತ್ತಿರ ಹೋಗುತ್ತಿದ್ದಂತೆ ಸೆನ್ಸಾರ್‌ ಆಗಿ ಮುಚ್ಚಳ ತೆಗೆಯುವುದು, ಆಮೇಲೆ ಕ್ಲೋಸ್‌ ಆಗುವುದು. ಇದನ್ನು ಕೈಯಿಂದ ಮುಟ್ಟುವ ಅಗತ್ಯವೇ ಇರುವುದಿಲ್ಲ, ಇದು ನೈರ್ಮಲ್ಯದ ದೃಷ್ಟಿಯಿಂದ ಉತ್ತಮ.

ಇತ್ತೀಚೆಗೆ ಟೋಕಿಯೊದಂತಹ ನಗರಗಳಲ್ಲಿ ಪಾರದರ್ಶಕ ಗೋಡೆಗಳಿರುವ ಸಾರ್ವಜನಿಕ ಶೌಚಾಲಯ ಮಾಡಲಾಗಿದೆ. ಇವು ಹೊರಗಿನಿಂದ ನೋಡಲು ಗಾಜಿನಂತೆ ಪಾರದರ್ಶಕವಾಗಿರುತ್ತವೆ. ಆದರೆ ಒಳಗೆ ಹೋಗಿ ಬಾಗಿಲು ಲಾಕ್ ಮಾಡಿದ ತಕ್ಷಣ, ಆ ಗಾಜುಗಳು ಅಪಾರದರ್ಶಕವಾಗುತ್ತವೆ. ಇವೆಲ್ಲವೂ ಐಷಾರಾಮಿ ಸೌಲಭ್ಯಗಳಲ್ಲ, ಅವುಗಳು ಹಿರಿಯ ನಾಗರಿಕರಿಗೆ, ದೈಹಿಕವಾಗಿ ಅಶಕ್ತರಾದವರಿಗೆ ಸ್ವತಂತ್ರವಾಗಿ ಶೌಚಾಲಯ ಬಳಸಲು ಸಹಕಾರಿಯಾಗಿವೆ.

ನೀರಿನಿಂದ ಕೈ ಅಥವಾ ಅಂಗಾಂಗ ತೊಳೆದ ಬಳಿಕ ಪೇಪರ್‌ನಲ್ಲಿ ಒರೆಸಿಕೊಳ್ಳಬೇಕು ಅಂತೇನಿಲ್ಲ. ಅಲ್ಲಿ ಬಿಸಿ ಗಾಳಿಯ ಡ್ರೈಯರ್ ಇರುತ್ತದೆ. ಇದು ಚರ್ಮವನ್ನು ಮೃದುವಾಗಿ ಒಣಗಿಸುತ್ತದೆ, ಇದರಿಂದ ಟಾಯ್ಲೆಟ್ ಪೇಪರ್ ಬಳಕೆ ಕಡಿಮೆಯಾಗುವುದು

ದುರ್ವಾಸನೆ ಬರಲ್ಲ

ಶೌಚಾಲಯ ಬಳಸಿದ ತಕ್ಷಣ ಅಲ್ಲಿನ ಗಾಳಿಯನ್ನು ಫಿಲ್ಟರ್ ಮಾಡಿ ದುರ್ವಾಸನೆಯನ್ನು ಹೋಗಲಾಡಿಸಲಾಗುತ್ತದೆ. ಇದು ಸ್ವಯಂಚಾಲಿತ ವ್ಯವಸ್ಥೆಯಾಗಿದೆ.