ಶೂಟಿಂಗ್​ನಲ್ಲಿ Darshan​ ನನ್ನ ಎತ್ತಿದಾಗ ಸುಸ್ತಾಗಿ ಮಲಗಿಬಿಟ್ಟರು! ಶಾಕಿಂಗ್​ ಘಟನೆ ನೆನೆದ Devil ನಾಯಕಿ Rachana Rai

ನಟ ದರ್ಶನ್​ ಮತ್ತು ನಟಿ ರಚನಾ ರೈ ಅಭಿನಯದ ಡೆವಿಲ್ ಚಿತ್ರದ (Devil Movie) ಬಿಡುಗಡೆಯಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಇದಾಗಲೇ ಇದರ ಪ್ರಚಾರ ಕೂಡ ಶುರುವಾಗಿದೆ. ಇದಾಗಲೇ ರಚನಾ ಅವರು ಈ ವಿಷಯದ ಬಗ್ಗೆ ಹಲವು ಅನುಭವಗಳನ್ನು ಶೇರ್​ ಮಾಡಿಕೊಂಡಿದ್ದಾರೆ. ಈ ಚಿತ್ರ ನೋಡಿದವರಿಗೆ ಸಿಕ್ಕಾಪಟ್ಟೆ ಅಚ್ಚರಿ ಇದೆ. ಇದೊಂದು ರೀತಿಯಲ್ಲಿ ಔಟ್ ಆಫ್‌ ದಿ ಬಾಕ್ಸ್ ಚಿತ್ರವಾಗಿದೆ ಎಂದು ನಟಿ ಹೇಳಿಕೊಂಡಿದ್ದಾರೆ.

ಇದರ ನಡುವೆಯೇ, ದರ್ಶನ್​ ಅವರ ಬೆನ್ನುನೋವಿನ ಬಗ್ಗೆ ತುಂಬಾ ಚರ್ಚೆಯಾಗುತ್ತಲೇ ಇದೆ. ಇದೇ ಕಾರಣಕ್ಕೆ, ದರ್ಶನ್​ ಅವರು ಈ ಹಿಂದೆ ಮಧ್ಯಂತರ ಜಾಮೀನು ಪಡೆದುಕೊಂಡಿದ್ದರು. ಬೆನ್ನು ನೋವಿನ ಆಪರೇಷನ್​ ಎಂದು ಹೇಳಿದ್ದರು. ಇದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಹಲವರು ಇವೆಲ್ಲಾ ಕುಂಟುನೆಪವಷ್ಟೇ ಎಂದು ಕೂಡ ಹೇಳಿದ್ದರು.

ಆದರೆ ಡೆವಿಲ್ ಚಿತ್ರದಲ್ಲಿ, ನಾಯಕಿ ರಚನಾ ರೈ ಅವರನ್ನು ದರ್ಶನ್​ ಅವರು ಸಲೀಸಾಗಿ ಎತ್ತುಕೊಂಡಿದ್ದಾರೆ. ಇದನ್ನು ನೋಡಿದ ಮೇಲೆ ದರ್ಶನ್​ ವಿರುದ್ಧ ಕೆಲವರು ಟೀಕೆಗಳನ್ನೂ ಮಾಡಿದ್ದರು. ಇದರ ಅಸಲಿಯತ್ತನ್ನು ತೆರೆದಿಟ್ಟಿದ್ದಾರೆ ನಟಿ ರಚನಾ.

ದರ್ಶನ್​ ಅವರು ಏನೂ ನೆಪ ಹೇಳಲಿಲ್ಲ. ಅವರಿಗೆ ಬೆನ್ನು ನೋವು ಇದ್ದಿದ್ದು ಸತ್ಯ. ಅವರು ಶೂಟಿಂಗ್​ನಲ್ಲಿ ನನ್ನನ್ನು ಎತ್ತಿಕೊಳ್ಳುವ ದೃಶ್ಯ ಇದ್ದರೂ, ಆ ಸಮಯದಲ್ಲಿ ಅದನ್ನು ನಿಭಾಯಿಸಿದರು. ಆದರೆ ಆಗಲೂ ಅವರಿಗೆ ಬೆನ್ನುನೋವುಕಾಡುತ್ತಿತ್ತು ಎಂದಿದ್ದಾರೆ.

ನನ್ನನ್ನು ಎತ್ತಿಕೊಳ್ಳುವ ದೃಶ್ಯ ಮಾಡುವಾಗ ನೆಲದ ಮೇಲೆ ಬಿದ್ದು ಮಲಗಿಬಿಟ್ಟಿದ್ರು. ಅಷ್ಟು ನೋವು ಅವರಿಗೆ ಕಾಡುತ್ತಿತ್ತು ಎಂದಿದ್ದಾರೆ. ಆ ದೃಶ್ಯದ ಶೂಟಿಂಗ್​ ವೇಳೆ, ನಿರ್ದೇಶಕರು ತೊಂದರೆ ತೆಗೆದುಕೊಳ್ಳಬೇಡಿ ಎಂದರೂ ಎತ್ತಿಕೊಳ್ಳುವೆ ಎಂದರು. ಆ ದೃಶ್ಯ ಮುಗಿದಾಗ ಕಟ್ ಹೇಳಿದ ಬಳಿಕ ನನ್ನನ್ನ ಹಾಗೆ ಕೆಳಕ್ಕಿಳಿಸಿ ಬೆನ್ನುನೋವಾಗಿ ಹಾಗೇ ನೆಲದ ಮೇಲೆ ಬಿದ್ದು ಮಲಗಿಬಿಟ್ಟರು ಎಂದಿದ್ದಾರೆ.

ಸರ್​ಗೆ ಶೂಟಿಂಗ್​ ಸಮಯದಲ್ಲಿಯೂ ಬೆನ್ನುನೋವು ಕಾಣಿಸಿಕೊಳ್ತಿತ್ತು. ತುಂಬಾ ಸಲ ನಾನು ನೋಡಿದ್ದೇನೆ. ಮಾತ್ರೆಗಳನ್ನು ತೆಗೆದುಕೊಳ್ತಾ ಇದ್ದರು. ಅವರೇನೂ ನಾಟಕ ಮಾಡಿಲ್ಲ ಎಂದು ನಟಿ ರಚನಾ ಸ್ಪಷ್ಟಪಡಿಸಿದ್ದಾರೆ.