Bigg Boss ಆಫರ್​ ರಿಜೆಕ್ಟ್​ ಮಾಡಿದ್ದೇಕೆ ನಟಿ Jyothi Rai? ಶಾಕಿಂಗ್​ ಹೇಳಿಕೆ ಕೊಟ್ಟ ಹಾಟ್​ ಬ್ಯೂಟಿ

ಇದಾಗಲೇ ಬಿಗ್​ಬಾಸ್​ ಕನ್ನಡ ಶುರುವಾಗಿ ತಿಂಗಳ ಮೇಲಾಗಿದೆ. Bigg Boss ಶುರುವಾಗುವ ಮುನ್ನ ಹಲವರ ಹೆಸರು ಕೇಳಿಬಂದಿತ್ತು. ಆ ಪೈಕಿ ಮಾದಕ ಚೆಲುವೆ ಜ್ಯೋತಿ ರೈ ಕೂಡ ಒಬ್ಬರು. ಆದರೆ ಅವರು ಕೊನೆಗೆ ಕನ್ನಡದ ಬಿಗ್​ಬಾಸ್​ಗೆ ಹೋಗಲಿಲ್ಲ. ತೆಲುಗು ಬಿಗ್​ಬಾಸ್​ನಲ್ಲಿಯೂ ಇವರ ಹೆಸರು ಕೇಳಿಬಂದಿತ್ತಾದರೂ ಅದಕ್ಕೂ ನಟಿ ಎಂಟ್ರಿ ಕೊಡಲಿಲ್ಲ.

ಇದೀಗ ಅವರು ತಾವು ಬಿಗ್​ಬಾಸ್​ಗೆ ಏಕೆ ಹೋಗಿಲ್ಲ ಎನ್ನುವ ಬಗ್ಗೆ ಸ್ಪಷ್ಟಪಡಿಸಿದ್ದಾರೆ. ಅಷ್ಟಕ್ಕೂ ಜ್ಯೋತಿ ರೈ ಬಿಗ್‌ ಬಾಸ್‌ಗೆ ಬರುತ್ತಾರೆಂಬ ಊಹಾಪೋಹಗಳು ಕಳೆದ ಸೀಸನ್‌ ಸಮಯದಲ್ಲೂ ಕೇಳಿ ಬಂದಿತ್ತು. ಈ ಬಾರಿಯೂ ಮತ್ತೆ ಹೆಸರು ಮುನ್ನೆಲೆಗೆ ಬಂದಿತ್ತು. ಆಫರ್​ ಬಂದಿರುವುದು ನಿಜ ಎನ್ನುತ್ತಲೇ ರಿಜೆಕ್ಟ್​ ಮಾಡಿರುವ ಕಾರಣವನ್ನು ಹೇಳಿದ್ದಾರೆ.

ನಾನು ಇದಾಗಲೇ ಸಾಕಷ್ಟು ಹೆಸರು ಗಳಿಸಿದ್ದೇನೆ. ಬಿಗ್​ಬಾಸ್​ನಲ್ಲಿ ನಾಲ್ಕು ಗೋಡೆಗಳ ನಡುವೆ ಸ್ಕ್ರಿಪ್ಟೆಡ್​ ಕೊಟ್ಟಿದ್ದನ್ನು ಮಾತನಾಡಿ ನನ್ನತನವನ್ನು ಕಳೆದುಕೊಳ್ಳಲು ನನಗೆ ಇಷ್ಟವಿಲ್ಲ. ಅಲ್ಲಿ ನಮ್ಮತನನೂ ಇರುವುದಿಲ್ಲ. ಅಲ್ಲಿ ಉಳಿದುಕೊಳ್ಳುವುದಕ್ಕಾಗಿ ಇನ್ನಾರೋ ಬರೆದುಕೊಟ್ಟಿದ್ದನ್ನು ಹೇಳಿ ಬದುಕುವ ಇಷ್ಟ ನನಗಿಲ್ಲ ಎಂದಿದ್ದಾರೆ ನಟಿ.

ಈ ಮೂಲಕ ಬಿಗ್​ಬಾಸ್​ನಲ್ಲಿ ವೀಕ್ಷಕರು ಏನು ನೋಡ್ತಾರೋ ಅದು ಜಗಳ, ಪ್ರೀತಿ ಪ್ರೇಮ, ಮಿತಿಮೀರುತ್ತಿರುವ ಅಶ್ಲೀಲತೆ, ಅಸಹ್ಯ ಎಲ್ಲವೂ ಸ್ಕ್ರಿಪ್ಟೆಡ್​ ಎನ್ನುವ ವಾದಕ್ಕೆ ನಟಿ ಪುಷ್ಟಿ ನೀಡಿದ್ದಾರೆ! ಸೀರಿಯಲ್​ಗಳು ಕೂಡ ಸ್ಕ್ರಿಪ್ಟೆಡ್​ ಆದರೂ ಅದು ಸ್ಕ್ರಿಪ್ಟೆಡ್​ ಎನ್ನುವುದು ಎಲ್ಲರಿಗೂ ತಿಳಿದಿರುತ್ತದೆ. ಆದರೆ ಇಂಥ ಷೋಗಳನ್ನು ರಿಯಾಲಿಟಿ ಷೋ ಎನ್ನುವ ಮೂಲಕ, ಹೇಳಿಕೊಟ್ಟದ್ದನ್ನು ಹೇಳಿ ತಮ್ಮತನವನ್ನು ಕಳೆದುಕೊಳ್ಳಲು ಇಷ್ಟವಿಲ್ಲ ಎಂದು ಖಡಾಖಂಡಿತವಾಗಿ ನುಡಿದಿದ್ದಾರೆ ಜ್ಯೋತಿ ರೈ.

ಇನ್ನು ನಟಿಯ ಕುರಿತು ಹೇಳುವುದಾದರೆ, ಇದಾಗಲೇ ನಟಿ ಸುಮಾರು 20 ಕನ್ನಡ ಸೀರಿಯಲ್​ಗಳನ್ನು ಮೇಲೆ ಫೇಮಸ್​ ಆಗಿದ್ದಾರೆ. ಅನುರಾಗ ಸಂಗಮ, ಜೋಗುಳ, ಗೆಜ್ಜೆಪೂಜೆ, ಲವಲವಿಕೆ, ಕನ್ಯಾದಾನ, ಗೆಜ್ಜೆಪೂಜೆ, ಪ್ರೇರಣಾ, ಕಿನ್ನರಿ, ಮೂರು ಗಂಟು, ಕಸ್ತೂರಿ ನಿವಾಸ ಸೇರಿ ಅನೇಕ ಸೀರಿಯಲ್​ ಮೂಲಕ ಜನಮೆಚ್ಚುಗೆ ಗಳಿಸಿದ್ದಾರೆ.

ಇವರ ಸದ್ಯ ತೆಲುಗು ಕಿರುತೆರೆ ಮತ್ತು ಚಿತ್ರರಂಗದಲ್ಲಿ ಬ್ಯುಸಿಯಾಗಿರುವ ಇವರು ತೆಲುಗು ನಿರ್ದೇಶಕ ಸುಕು ಪೂರ್ವಜ್ ಅವರ ಜೊತೆ ಮದುವೆಯಾಗಿ ಅಲ್ಲಿಯೇ ಬದುಕು ರೂಪಿಸಿಕೊಂಡಿದ್ದಾರೆ.