ಕನ್ನಡತಿ ಭುವನೇಶ್ವರಿ v/s ಕರ್ಣ ಸೀರಿಯಲ್ ನಿಧಿ: ಕಿರಣ್​ ರಾಜ್​ಗೆ ಯಾರಿಷ್ಟ ಕೇಳಿದ್ದಕ್ಕೆ ನಟ ಹೇಳಿದ್ದೇನು?

ಸದ್ಯ ಕರ್ಣ ಸೀರಿಯಲ್​ ಮೂಲಕ ಎಲ್ಲರ ಮನಸ್ಸನ್ನು ಗೆದ್ದು, ಕದ್ದವರ ಕರ್ಣ ಮತ್ತು ನಿಧಿ ಜೋಡಿ. ಕರ್ಣ ಪಾತ್ರಧಾರಿಯಾಗಿ ಕಿರಣ್​ ರಾಜ್​ ಹಾಗೂ ನಿಧಿಯಾಗಿ ಭವ್ಯಾ ಗೌಡ ಅಭಿನಯಿಸುತ್ತಿದ್ದಾರೆ. ಸೀರಿಯಲ್​ನಲ್ಲಿ ಇದೀಗ ಅರ್ಜುನ್​ (ಗಗನ್​ ಚಿನ್ನಪ್ಪ) ಎಂಟ್ರಿಯಾಗಿದೆ. ಆದರೆ ಕರ್ಣ ಮತ್ತು ನಿಧಿ ಯಾವತ್ತೂ ದೂರ ಆಗಬಾರದು ಎಂದು ಸೀರಿಯಲ್​ ಪ್ರೇಮಿಗಳು ಹಂಬಲಿಸುತ್ತಿದ್ದಾರೆ. ಇವರ ಕೆಮೆಸ್ಟ್ರಿಗೆ ಸೀರಿಯಲ್​​ ವೀಕ್ಷಕರು ಫಿದಾ ಆಗಿದ್ದಾರೆ.

ಅಂದಹಾಗೆ ಕಿರಣ್​ ರಾಜ್​ ಅವರು ಇದಕ್ಕೂ ಕನ್ನಡತಿ ಸೀರಿಯಲ್​ನಲ್ಲಿ ಹರ್ಷ ಪಾತ್ರ ಮಾಡಿದ್ದರು. ಇದರಲ್ಲಿ ನಾಯಕಿಯಾಗಿ ರಂಜಿನಿ ರಾಘವನ್​ ಅವರು ಭುವನೇಶ್ವರಿ ಪಾತ್ರ ಮಾಡಿದ್ದರು. ಈ ಸೀರಿಯಲ್​ನಲ್ಲಿ ಈ ಜೋಡಿಯನ್ನು ವೀಕ್ಷಕರು ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದರು.

ಅಷ್ಟಕ್ಕೂ ಒಂದು ಸೀರಿಯಲ್​ನಲ್ಲಿ ಅಥವಾ ಒಂದು ರಿಯಾಲಿಟಿ ಷೋನಲ್ಲಿ ಒಂದು ಜೋಡಿಯನ್ನು ವೀಕ್ಷಕರು ಇಷ್ಟಪಟ್ಟರು ಎಂದರೆ, ಅವರಿಬ್ಬರ ಮದುವೆ ರಿಯಲ್​ ಲೈಫ್​ನಲ್ಲಿ ಆಗಿರಲಿಲ್ಲವೆಂದರೆ, ಅವರನ್ನು ಮದುವೆಯೇ ಮಾಡಿಸಿಬಿಡುತ್ತಾರೆ. ಜೊತೆಗೆ ಈ ಎಐ ಯುಗದಲ್ಲಿ ಮದ್ವೆ ಮಾಡಿಸಿ ಮಕ್ಕಳನ್ನೂ ಮಾಡಿಸಿಬಿಡುತ್ತಾರೆ ಅಭಿಮಾನಿಗಳು.

ಆದರೆ, ನಟರಿಗೆ ಅದು ನಟನೆಯಷ್ಟೇ. ಇಂದು ಒಬ್ಬರ ಜೊತೆ, ನಾಳೆ ಇನ್ನೊಬ್ಬರ ಜೊತೆ. ಆದರೂ ಕೆಲವು ನಟರಿಗೆ ಕೆಲವರ ಜೊತೆ ಆ್ಯಕ್ಟ್​ ಮಾಡುವುದು ಕಂಫರ್ಟ್​ ಎನ್ನಿಸಿರುತ್ತದೆ. ಇದೀಗ ಅದೇ ಪ್ರಶ್ನೆಯನ್ನು ನಟ ಕಿರಣ್​ ರಾಜ್​ ಅವರಿಗೆ ಕೇಳಲಾಗಿದೆ. ಕನ್ನಡತಿಯ ಭುವನೇಶ್ವರಿ ಇಷ್ಟನೋ, ಕರ್ಣ ಸೀರಿಯಲ್​​ ನಿಧಿ ಇಷ್ಟನೋ ಎಂದು araginientertainment ಚಾನೆಲ್​ನಲ್ಲಿ ಅವರಿಗೆ ಪ್ರಶ್ನಿಸಲಾಗಿದೆ.

ಅದಕ್ಕೆ ನಟ ಕಿರಣ್​ ರಾಜ್​ ಅವರು, ಸೀರಿಯಲ್​ನಲ್ಲಿ ತುಂಬಾ ದೀರ್ಘ ಅವಧಿಯವರೆಗೆ ಒಬ್ಬರ ಜೊತೆ ನಟಿಸುವಾಗ ಬಾಂಡಿಂಗ್​ ಬೇಳೆಯುತ್ತದೆ. ಆ ಪಾತ್ರದ ಜೊತೆ ಸೈಕಾಲಾಜಿಕಲಿ ಆಗಿಯೂ ನಾವು ಕನೆಕ್ಟ್​ ಆಗಿಬಿಡುತ್ತೇವೆ. ಆ ಸೀರಿಯಲ್​ ಮುಗಿದು ಇನ್ನೊಂದು ಸೀರಿಯಲ್​​ ಬಂದಾಗ, ಅಲ್ಲಿರುವ ಪಾತ್ರದ ಜೊತೆಗೂ ಹೀಗೆಯೇ ಆಗುತ್ತದೆ ಎಂದಿದ್ದಾರೆ.

ಕಿರಣ್​ ರಾಜ್​ ಹೇಳಿದಂತೆ, ಅವರಿಷ್ಟ ಇವರಿಷ್ಟ ಅಲ್ಲ. ಯಾವುದೋ ಒಂದು ಸೀರಿಯಲ್​ನಲ್ಲಿ ಪಾತ್ರ ಮಾಡಿ, ಆ ಸೀರಿಯಲ್​​ ಮುಗಿದಾಗ ಆ ಸೆಂಟಿಮೆಂಟ್​, ಕನೆಕ್ಷನ್​ ಅಲ್ಲಿಗೇ ಮುಗಿದು ಹೋಗುತ್ತದೆ. ಅದು ಫೇಡ್​ ಆಗುತ್ತದೆ. ಹೊಸ ಪಾತ್ರಗಳ ಜೊತೆ ಕನೆಕ್ಷನ್​ ಉಂಟಾಗುತ್ತದೆ, ಅದು ಮುಗಿದರೆ ಇನ್ನೊಂದು, ಮತ್ತೊಂದು, ಇನ್ನೊಬ್ಬರು, ಮತ್ತೊಬ್ಬರು ಅಷ್ಟೇ. ಇದರಲ್ಲಿ ಇಷ್ಟ, ಕಷ್ಟ ಬರುವುದಿಲ್ಲ ಎಂದು ಸೂಚ್ಯವಾಗಿ ಜಾಣ್ಮೆಯಿಂದ ಉತ್ತರಿಸಿದ್ದಾರೆ. ಇದು ತಮಗೊಬ್ಬರಿಗೇ ಅಲ್ಲದೇ ಎಲ್ಲರಿಗೂ ಆಗುವುದು ಹೀಗೆಯೇ ಎಂದಿದ್ದಾರೆ.