ವಿವಾಹಿತನೊಬ್ಬ ಇನ್ಸ್ಟಾಗ್ರಾಮ್ನಲ್ಲಿ ಯುವತಿಯೊಬ್ಬಳನ್ನು ಫ್ರೆಂಡ್ ಮಾಡಿಕೊಂಡು, ಡ್ರೀಮ್ಗರ್ಲ್ ಸಿಕ್ಕಳೆಂದು ಚಾಟ್ ಮಾಡಿದ್ದೇ ಮಾಡಿದ್ದು... ಆಮೇಲೆ ನೋಡಿದ್ರೆ ಅವಳು.....! ಆಗಿದ್ದೇನು ನೋಡಿ!
ಮನೆಯಲ್ಲಿಯೇ ಮೃಷ್ಟಾನ್ನಭೋಜನ ಸಿಕ್ಕರೂ, ಮನಸ್ಸು ಮತ್ತೆಲ್ಲೋ ಹೋಗುವುದು ಬಹುತೇಕರ ಮನಸ್ಥಿತಿಯಾಗಿದೆ. ಇದು ಸಂಬಂಧಗಳ ವಿಷಯದಲ್ಲಿ ಸಾಬೀತಾಗುತ್ತಿದೆ. ಮನೆಯಲ್ಲಿ ಒಳ್ಳೆಯ ಹೆಂಡತಿ- ಗಂಡ ಇದ್ದರೂ ಇನ್ನೊಬ್ಬರಿಗಾಗಿ ಮನಸ್ಸು ಹಂಬಲಿಸುವ, ಇದಕ್ಕಾಗಿ ಇಲ್ಲಸಲ್ಲದ ಅಪರಾಧಗಳನ್ನೂ ಮಾಡುವ ಘಟನೆಗಳನ್ನು ಮೇಲಿಂದ ಮೇಲೆ ಕೇಳುತ್ತಲೇ ಇರುತ್ತೇವೆ. ಹಾಗೆಂದು ಅದು ಇಂದು ನಿನ್ನೆಯ ಮಾತಲ್ಲ, ಈ ಅಕ್ರಮ ಸಂಬಂಧ ಎನ್ನುವುದು ತಲೆತಲಾಂತರಗಳಿಂದಲೂ ನಡೆದುಕೊಂಡೇ ಬಂದಿದೆ. ಮನೆಯಲ್ಲಿ ಸುಂದರವಾದ ಪತಿ-ಪತ್ನಿಯಿದ್ದರೂ ಮತ್ತೊಬ್ಬರಿಗಾಗಿ ಹಾತೊರೆದವರು ಹಿಂದೆಯೂ ಇದ್ದರೂ ಈಗಲೂ ಇದ್ದಾರೆ. ಪುರುಷ-ಮಹಿಳೆ ಬೇಧವಿಲ್ಲದೇ ಇದು ಯಾವಾಗಲೂ ನಡೆಯುತ್ತಲೇ ಇರುತ್ತದೆ. ಅದರಲ್ಲಿಯೂ ಇದೀಗ ಸೋಷಿಯಲ್ ಮೀಡಿಯಾ ಈ ಪರಿಯಲ್ಲಿ ಬೆಳೆಯುತ್ತಿರುವ ಸಂದರ್ಭದಲ್ಲಿ ಸಂಬಂಧಗಳು ಮಾಡಿಕೊಳ್ಳುವುದು ದೊಡ್ಡ ವಿಷಯವೇ ಅಲ್ಲವಾಗಿಬಿಟ್ಟಿದೆ.
ಸೋಷಿಯಲ್ ಮೀಡಿಯಾದಲ್ಲಿ ನಕಲಿ ಪ್ರೊಫೈಲ್ಗಳನ್ನು ಮಾಡಿದವರನ್ನೇ ನಂಬಿಕೊಂಡು ಮೋಸ ಹೋದವರಿಗೆ ಲೆಕ್ಕವೇ ಇಲ್ಲ. ಜಾಲತಾಣದಲ್ಲಿ ಪರಿಚಯವಾದ ಮಾತ್ರಕ್ಕೆ ಹಿಂದೆ- ಮುಂದೆ ಯೋಚನೆ ಮಾಡದೇ ಮನೆಯನ್ನು ಅಷ್ಟೇ ಏಕೆ ದೇಶವನ್ನೇ ಬಿಟ್ಟು ಆ ಕಾಣದ ಪ್ರಿಯತಮ-ಪ್ರೇಯಸಿಯನ್ನು ಹುಡುಕಿ ಹೋಗಿರುವ ಘಟನೆಗಳೂ ನಡೆಯುತ್ತಲೇ ಇವೆ. ಎಷ್ಟೋ ಹೆಣ್ಣುಮಕ್ಕಳು ಇಂಥ ಪ್ರೀತಿಯಲ್ಲಿ ಬಿದ್ದು, ಜೀವನವನ್ನೇ ನರಕ ಮಾಡಿಕೊಂಡಿರುವುದೂ ನಡೆದಿದೆ, ನಡೆಯುತ್ತಲೇ ಇದೆ. ಮತ್ತೆ ಕೆಲವರು ಅತಿಯಾಗಿ ಮುಂದುವರೆಯದಿದ್ದರು ಚಾಟ್ಗಳನ್ನು ಮಾಡುವ ಮೂಲಕ ತಮ್ಮ ಆಸೆಗಳನ್ನು ತೀರಿಸಿಕೊಳ್ಳುತ್ತಿರುತ್ತಾರೆ.
ಅಂಥದ್ದೇ ಒಂದು ಕುತೂಹಲದ ಘಟನೆ ದೆಹಲಿಯಲ್ಲಿ ನಡೆದಿದೆ. ನಕಲಿ ಪ್ರೊಫೈಲ್ ನಂಬಿ ವಯಸ್ಸಾದವರನ್ನು ಯುವಕ-ಯುವತಿ ಎಂದು ನಂಬಿ ಲವ್ ಮಾಡಿದವರ ಬಗ್ಗೆ ಇದಾಗಲೇ ಸಾಕಷ್ಟು ಸುದ್ದಿಗಳು ಬಂದಿವೆ. ಡಿಪಿಯಲ್ಲಿ ಸುಂದರ ಯುವಕ- ಯುವತಿಯ ಫೋಟೋ ಹಾಕಿ ಕೊನೆಗೆ ಅಸಲಿ ಬಣ್ಣವನ್ನು ಬಯಲು ಮಾಡಿದಾಗ ಬೇಸ್ತಾದವರು ಇದ್ದಾರೆ. ಆದರೆ ಇದಕ್ಕಿಂತ ತುಸು ಭಿನ್ನ ಸ್ಟೋರಿ ಇದು. ಇಲ್ಲೊಬ್ಬ ವಿವಾಹಿತ ಇನ್ಸ್ಟಾಗ್ರಾಮ್ನಲ್ಲಿ ಕನಸಿನ ಕನ್ಯೆಯನ್ನು ಫ್ರೆಂಡ್ ಮಾಡಿಕೊಂಡು ದಿನವೂ ಚಾಟ್ ಮಾಡುತ್ತಿದ್ದ. ಆ ಯುವತಿ ಕೂಡ ಈತನ ಜೊತೆ ಅಷ್ಟೇ ಚೆನ್ನಾಗಿ ಚಾಟ್ ಮಾಡುತ್ತಿದ್ದಳು. ಕೆಲವೇ ದಿನಗಳಲ್ಲಿ ಇಬ್ಬರೂ ತುಂಬಾ ಕ್ಲೋಸ್ ಆದರು. ಈತ ತನಗೆ ಮದುವೆಯಾಗಿಲ್ಲ ಎಂದು ಪೋಸ್ ಕೊಟ್ಟು ಅವಳ ಜೊತೆ ಮಾತನಾಡಿದ್ದರೆ, ಆ ಯುವತಿ ಕೂಡ ಅಷ್ಟೇ ಚೆನ್ನಾಗಿ ಮಾತನಾಡುತ್ತಿದ್ದಳು.
Related Articles
ಹೀಗೆ ಮಾತುಕತೆ ಮುಂದುವರೆದಾಗ ಅದೊಂದು ದಿನ ಈ ಪತಿ ಮಹಾಶಯನಿಗೆ ಆಕಾಶವೇ ಕಳಚಿಬಿದ್ದ ಅನುಭವವಾಯ್ತು. ಏಕೆಂದ್ರೆ ಯಾರನ್ನು ತನ್ನ ಕನಸಿನ ಕನ್ಯೆಯಿಂದ ದಿನನಿತ್ಯವೂ ಜಾಲತಾಣದಲ್ಲಿ ಮಾತನಾಡುತ್ತಾ ಟೈಮ್ಪಾಸ್ ಮಾಡುತ್ತಿದ್ದನೋ, ಆಕೆ ಬೇರೆ ಯಾರೂ ಅಲ್ಲ, ತನ್ನ ಧರ್ಮಪತ್ನಿ ಎಂದು ತಿಳಿಯಿತು! ಆಕೆ ಕೂಡ ನಕಲಿ ಪ್ರೊಫೈಲ್ ಮಾಡಿಕೊಂಡು ಈತನ ಜೊತೆ ಮಾತನಾಡುತ್ತಿದ್ದಳು. ಆದರೆ ಆಕೆಗೆ ಈ ವಿಷಯ ಗೊತ್ತಿತ್ತೋ ಅಥ್ವಾ ಅವಳೂ ಯಾರನ್ನೋ ತನ್ನಡ್ರೀಮ್ಬಾಯ್ ಎಂದುಕೊಂಡು ಚಾಟ್ ಮಾಡುತ್ತಿದ್ದಳೋ ಗೊತ್ತಿಲ್ಲ. ಒಂದು ವೇಳೆ ಆಕೆ ತನ್ನ ಗಂಡನನ್ನು ಪರೀಕ್ಷೆ ಮಾಡಲು ಆತನ ಜೊತೆ ಮಾತನಾಡುತ್ತಿದ್ದರೆ ಮಾತ್ರ ಅವನ ಭವಿಷ್ಯ ಬೇರೆ ಹೇಳೋದು ಬೇಡ ಬಿಡಿ. ಹಾಗೆ ಆಗದಿರಲಿ ದೇವರೇ ಎಂದು ಗಂಡನ ಪರವಾಗಿ ಹಲವು ಪುರುಷರು ಸೋಷಿಯಲ್ ಮೀಡಿಯಾದಲ್ಲಿ ಪ್ರಾರ್ಥಿಸುತ್ತಿದ್ದಾರೆ!
