ಕಂಪನಿಯಿಂದ 174 ಕೋಟಿ ಕದ್ದ ಪತ್ನಿ, ಕಂಪನಿಯ ಮಾಲೀಕನನ್ನೇ ಕಿಡ್ನಾಪ್‌ ಮಾಡಿದ ಪತಿ!

ನ್ಯೂಯಾರ್ಕ್‌ (ಫೆ.26): ಕೆಲಸ ಮಾಡುತ್ತಿದ್ದ ಸಂಸ್ಥೆಯಿಂದ ಕೋಟ್ಯಂತರ ರೂಪಾಯಿ ದೋಚಿ, ಕೊನೆಗೆ ಕಂಪನಿ ಮಾಲೀಕರನ್ನೇ ಅಪಹರಿಸಿದ ದಂಪತಿಗಳ ವಿರುದ್ಧ ಪ್ರಕರಣ ದಾಖಲಾಗಿದೆ. ನ್ಯೂಯಾರ್ಕ್ ಪೋಸ್ಟ್ ವರದಿ ಪ್ರಕಾರ, ಏಳು ವರ್ಷಗಳಿಂದ ನಡೆಯುತ್ತಿದ್ದ ವಂಚನೆಯ ಆಘಾತಕಾರಿ ಮಾಹಿತಿಗಳು ಈಗ ಹೊರಬಂದಿವೆ. ಕಂಪನಿಯಿಂದ ಕದ್ದ ಹಣವನ್ನು ಮಹಿಳೆ ಐಷಾರಾಮಿ ವಸ್ತುಗಳಿಗಾಗಿ ಖರ್ಚು ಮಾಡಿದ್ದಾಳೆ ಎಂದು ಲಾಸ್ ವೇಗಾಸ್ ಮೆಟ್ರೋಪಾಲಿಟನ್ ಪೊಲೀಸ್ ವರದಿ ಮಾಡಿದೆ. ಗಿಲ್ಮೋರ್ ಕನ್‌ಸ್ಟ್ರಕ್ಷನ್ ಎಲ್‌ಎಲ್‌ಸಿ ಕಂಪನಿಯಲ್ಲಿ ಈ ದೊಡ್ಡ ವಂಚನೆ ನಡೆದಿದೆ. ಕಂಪನಿಯ ಹಣಕಾಸು ನಿಯಂತ್ರಕಿಯಾಗಿ ಕೆಲಸ ಮಾಡುತ್ತಿದ್ದ 46 ವರ್ಷದ ಸಿಂಥಿಯಾ ಸಿಂಡಿ ಮರಾಬೆಲ್ಲಾ ಎಂಬ ಮಹಿಳೆ ಈ ವಂಚನೆಗೆ ಕಾರಣ. ಕಳೆದ ಏಳು ವರ್ಷಗಳಲ್ಲಿ ಕಂಪನಿಯಿಂದ 20 ಮಿಲಿಯನ್ ಡಾಲರ್ ಹಣವನ್ನು ಇವರು ವಿವಿಧ ಸಂದರ್ಭಗಳಲ್ಲಿ ಗೆದ್ದಿದ್ದಾರೆ. ಅಂದರೆ ಸುಮಾರು 174 ಕೋಟಿ ರೂಪಾಯಿ! ಈ ಹಣವನ್ನೆಲ್ಲಾ ಅವರು ಐಷಾರಾಮಿ ವಸ್ತುಗಳನ್ನು ಖರೀದಿಸಲು ಬಳಸಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.

ಈ ವಂಚನೆಯ ಬಗ್ಗೆ ಕಂಪನಿಯ ಮಾಲೀಕ ಲಾರಿ ಗಿಲ್ಮೋರ್ ಅವರ ಗಮನಕ್ಕೆ ಬಂದ ಬಳಿಕ, ಸಿಂಥಿಯಾಳ ಗಂಡ ವಿಲಿಯಂ ಕೋಸ್ಟಾ ಕಂಪನಿ ಮಾಲೀಕರನ್ನು ಅಪಹರಿಸಿ ಬೆದರಿಕೆ ಹಾಕಿದ್ದಾನೆ.

Mangaluru: ಸಿಸೇರಿಯನ್‌ ಬಳಿಕ ಹೊಟ್ಟೆಯಲ್ಲೇ ಬಟ್ಟೆ ಉಂಡೆ ಬಿಟ್ಟ ವೈದ್ಯ!

ಸಿಂಥಿಯಾ ಕಂಪನಿಯಿಂದ ಕದ್ದ ಹಣವನ್ನು ಲಾರಿ ಗಿಲ್ಮೋರ್ ಉಡುಗೊರೆಯಾಗಿ ನೀಡಿದ್ದಾರೆ ಎಂದು ಎಲ್ಲರಿಗೂ ಹೇಳಬೇಕು ಎಂದು ಆತ ಒತ್ತಾಯಿಸಿದ್ದ. ಆದರೆ, 42 ವರ್ಷದ ವಿಲಿಯಂನನ್ನು ನೆವಾಡಾದಲ್ಲಿ ಪೊಲೀಸರು ಬಂಧಿಸಿದ್ದಾರೆ. ಅಪಹರಣ, ಅಪಹರಣಕ್ಕೆ ಸಂಚು, ಬಲವಂತದಂತಹ ಅಪರಾಧಗಳನ್ನು ಆತನ ಮೇಲೆ ಹೊರಿಸಲಾಗಿದೆ.

ಸಿದ್ದರಾಮಯ್ಯ ಬೆಂಕಿ ಇದ್ದಂತೆ, ಯಾರಿಗೂ ಮುಟ್ಟೋಕಾಗಲ್ಲ, ಮುಟ್ಟಿದ್ರೆ ಭಸ್ಮ ಗ್ಯಾರಂಟಿ: ಜಮೀರ್‌ ಅಹ್ಮದ್‌!