Nagarjuna Son's Wedding: ಹೊಸ ಮನೆಯಲ್ಲೇ ಶಾಸ್ತ್ರೋಕ್ತವಾಗಿ ಮಗ ಅಖಿಲ್‌ ಅಕ್ಕಿನೇನಿ ಮದುವೆ ಮಾಡಿದ ನಟ ನಾಗಾರ್ಜುನ

ಯುವ ನಟ ಅಖಿಲ್ ಅಕ್ಕಿನೇನಿ ಮದುವೆಯಾಗಿದ್ದಾರೆ. ಪ್ರಸಿದ್ಧ ಉದ್ಯಮಿ zulfi ravdjee ಅವರ ಪುತ್ರಿ zainab ravdjee ಅವರನ್ನು ವಿವಾಹವಾದರು. ಶುಕ್ರವಾರ (ಜೂನ್ 6) ಬೆಳಿಗ್ಗೆ ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಕಳೆದ ವರ್ಷ ನವೆಂಬರ್ 26 ರಂದು ನಿಶ್ಚಿತಾರ್ಥ ನಡೆದಿತ್ತು.

ಜೂಬ್ಲಿ ಹಿಲ್ಸ್‌ನಲ್ಲಿರುವ ನಾಗಾರ್ಜುನ ಅವರ ಹೊಸ ಮನೆಯಲ್ಲಿ ಈ ವಿವಾಹ ಸಮಾರಂಭ ನಡೆಯಿತು. ಬಂಧುಮಿತ್ರರು ಮತ್ತು ಕೆಲವು ಗಣ್ಯರು ಮಾತ್ರ ಈ ಸಮಾರಂಭದಲ್ಲಿ ಭಾಗವಹಿಸಿದ್ದರು.

ನಟ ಚಿರಂಜೀವಿ, ಸುರೇಶ್, ರಾಮ್ ಚರಣ್, ಉಪಾಸನಾ ಕೊನಿಡೆಲ ಮುಂತಾದವರು ಭಾಗವಹಿಸಿದ್ದರು. ದಗ್ಗುಬಾಟಿ ಕುಟುಂಬದವರು ಕೂಡ ಹಾಜರಿದ್ದರು. ವೆಂಕಟೇಶ್, ರಾಣಾ, ಸುರೇಶ್ ಬಾಬು ಮುಂತಾದವರು ಈ ವಿವಾಹ ಸಮಾರಂಭದಲ್ಲಿ ಭಾಗವಹಿಸಿದ್ದರು.

ನಾಗಾರ್ಜುನ ತಮ್ಮ ಮಗ ಅಖಿಲ್ ಮದುವೆಯನ್ನು ಸಂಪೂರ್ಣ ಖಾಸಗಿ ಸಮಾರಂಭವಾಗಿ ನಡೆಸಿದರು. ಯಾವುದೇ ಮಾಧ್ಯಮ ಪ್ರಸಾರಕ್ಕೆ ಅವಕಾಶ ನೀಡಲಿಲ್ಲ.

ಅದ್ದೂರಿಯಾಗಿ ಪ್ರಿ ವೆಡ್ಡಿಂಗ್ ಆಚರಣೆ ನಡೆಯಿತು. ಅಕ್ಕಿನೇನಿ ಕುಟುಂಬ ಭಾಗವಹಿಸಿತ್ತು. ನಾಗಚೈತನ್ಯ, ಶೋಭಿತಾ ಧೂಲಿಪಾಲ, ಸುಶಾಂತ್, ಸುಮಂತ್, ಅಕ್ಕಿನೇನಿ ವೆಂಕಟ್, ನಾಗಸುಶೀಲ, ಸುಪ್ರಿಯಾ ಮತ್ತು ಅವರ ಕುಟುಂಬ ಸದಸ್ಯರು ಭಾಗವಹಿಸಿದ್ದರು.

ತಮ್ಮನ ಮದುವೆಯನ್ನು ನಾಗಚೈತನ್ಯ ಸಖತ್ ಎಂಜಾಯ್ ಮಾಡಿದರು. ಬಾರಾತ್ ಕಾರ್ಯಕ್ರಮದಲ್ಲಿ ಡ್ಯಾನ್ಸ್‌ನೊಂದಿಗೆ ಮಿಂಚಿದರು. ಸುಶಾಂತ್ ಕೂಡ ಅದ್ಭುತವಾಗಿ ಡ್ಯಾನ್ಸ್ ಮಾಡಿದರು. ರಾಜಮೌಳಿ ಪುತ್ರ ಕಾರ್ತಿಕೇಯ ಅಖಿಲ್ ಮದುವೆಯ ಬಾರಾತ್‌ನಲ್ಲಿ ಡ್ಯಾನ್ಸ್ ಮಾಡಿದ್ದು ವಿಶೇಷವಾಗಿತ್ತು.

ಜೂನ್ 8 ರಂದು (ಭಾನುವಾರ) ಸಂಜೆ ಅದ್ದೂರಿಯಾಗಿ ಆರತಕ್ಷತೆ ಏರ್ಪಡಿಸಲಾಗಿದೆ. ತೆಲಂಗಾಣ ಸಿಎಂ ರೇವಂತ್ ರೆಡ್ಡಿ, ಆಂಧ್ರಪ್ರದೇಶ ಸಿಎಂ ಚಂದ್ರಬಾಬು ನಾಯ್ಡು, ಡಿಸಿಎಂ ಭಟ್ಟಿ ವಿಕ್ರಮಾರ್ಕ, ಇತರ ರಾಜಕೀಯ ಗಣ್ಯರು, ಚಿತ್ರರಂಗದ ನಟರು, ನಿರ್ದೇಶಕರು, ನಿರ್ಮಾಪಕರು ಮತ್ತು ಕೆಲವು ನಟಿಯರು ಭಾಗವಹಿಸುವ ಸಾಧ್ಯತೆ ಇದೆ. 

ನಾಗಚೈತನ್ಯ ಅವರು ಕೆಲ ತಿಂಗಳುಗಳ ಹಿಂದೆ ಶೋಭಿತಾ ಧುಲಿಪಾಲ ಅವರನ್ನು ಮದುವೆಯಾದರು. ಇದರ ಬೆನ್ನಲ್ಲೇ ತಮ್ಮನ ಮದುವೆ ಆಗಿದೆ. 

ಅಖಿಲ್‌ ಅಕ್ಕಿನೇನಿ ಕೂಡ ಈ ಹಿಂದೆ ಒಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಇದು ಕೂಡ ಮುರಿದ ಬಳಿಕ ಇನ್ನೊಂದು ಮದುವೆಗೆ ರೆಡಿ ಆಗಿದ್ದರು.