ಓವಲ್ ಟೆಸ್ಟ್‌ನಲ್ಲಿ ಭಾರತ ತಂಡದ ಎದುರು ಕೆಟ್ಟ ದಾಖಲೆ ಬರೆದ ಇಂಗ್ಲೆಂಡ್!

ಲಂಡನ್‌ನ ಓವಲ್ ಮೈದಾನದಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವಿನ 5ನೇ ಟೆಸ್ಟ್ ಪಂದ್ಯ ನಡೆಯುತ್ತಿದೆ. ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ 224 ರನ್‌ಗಳಿಗೆ ಆಲೌಟ್ ಆಯಿತು. ದೀರ್ಘ ವಿರಾಮದ ನಂತರ ಕಣಕ್ಕಿಳಿದ ಕರುಣ್ ನಾಯರ್ ಅರ್ಧಶತಕ (57 ರನ್) ಬಾರಿಸಿ ಮಿಂಚಿದರು. ಸಾಯಿ ಸುದರ್ಶನ್ 38 ರನ್ ಗಳಿಸಿದರು. ಇಂಗ್ಲೆಂಡ್ ತಂಡದ ಬೌಲರ್ ಗಸ್ ಅಟ್ಕಿನ್ಸನ್ 5 ವಿಕೆಟ್ ಪಡೆದರು. ಜೋಶ್ ಟಂಗ್ 3 ವಿಕೆಟ್ ಪಡೆದರು.

ಭಾರತದ ನಾಯಕ ಶುಭಮನ್ ಗಿಲ್ ಈ ಸರಣಿಯ ಎಲ್ಲಾ ಐದು ಪಂದ್ಯಗಳಲ್ಲೂ ಟಾಸ್ ಸೋತರು. ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಒಂದು ತಂಡದ ಸತತ ಟಾಸ್ ಸೋಲುಗಳಲ್ಲಿ ಇದು ವಿಚಿತ್ರ ದಾಖಲೆಯಾಗಿದೆ. ಇದಕ್ಕೂ ಮೊದಲು 1999 ರಲ್ಲಿ ವೆಸ್ಟ್ ಇಂಡೀಸ್ ತಂಡ ಸತತ 12 ಟಾಸ್ ಸೋತಿತ್ತು. ಅದೇ ರೀತಿ ಇಂಗ್ಲೆಂಡ್ ತಂಡ ಕೂಡ ವಿಚಿತ್ರ ದಾಖಲೆ ನಿರ್ಮಿಸಿದೆ.

ಇಂಗ್ಲೆಂಡ್ ತಂಡದವರು ಬೌಲಿಂಗ್‌ನಲ್ಲಿ ಎಕ್ಸ್‌ಟ್ರಾ ರೂಪದಲ್ಲಿ 38 ರನ್‌ಗಳನ್ನು ಬಿಟ್ಟುಕೊಟ್ಟರು. ಇದರಲ್ಲಿ 16 ವೈಡ್, 4 ನೋ ಬಾಲ್‌ಗಳು ಸೇರಿವೆ. ಬೈಸ್ ರೂಪದಲ್ಲಿ 12 ರನ್‌ಗಳು ಸೇರಿವೆ. ಇಂಗ್ಲೆಂಡ್ ಆಟಗಾರ ಜೋಸ್ ಟಂಗ್ 4 ವೈಡ್‌ಗಳನ್ನು ಸೇರಿದಂತೆ ಹೆಚ್ಚು ರನ್‌ಗಳನ್ನು ನೀಡಿದರು. ಇಲ್ಲಿ ಗಮನಾರ್ಹ ವಿಷಯವೆಂದರೆ ಭಾರತ ತಂಡದಲ್ಲಿ 2ನೇ ಅತಿ ಹೆಚ್ಚು ರನ್ ಎಕ್ಸ್‌ಟ್ರಾ. ಕರುಣ್ ನಾಯರ್ 56 ರನ್ ಮತ್ತು ಸಾಯಿ ಸುದರ್ಶನ್ 38 ರನ್ ಗಳಿಸಿದ್ದರು. ಇದರ ನಂತರ ಎಕ್ಸ್‌ಟ್ರಾ ರೂಪದಲ್ಲಿ 38 ರನ್‌ಗಳು ಬಂದಿವೆ.

ಇಂಗ್ಲೆಂಡ್ ವೇಗದ ಬೌಲರ್ ಕ್ರಿಸ್ ವೋಕ್ಸ್ ಭುಜದ ಗಾಯದಿಂದಾಗಿ 5ನೇ ಟೆಸ್ಟ್ ಪಂದ್ಯದಿಂದ ಹೊರಗುಳಿದಿದ್ದಾರೆ. ಐದನೇ ಟೆಸ್ಟ್‌ನ ಮೊದಲ ದಿನದಂದು ಭುಜಕ್ಕೆ ಗಾಯ ಮಾಡಿಕೊಂಡ ವೋಕ್ಸ್, ಟೆಸ್ಟ್ ಪಂದ್ಯದಲ್ಲಿ ಮುಂದೆ ಆಡುವುದಿಲ್ಲ ಎಂದು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ಹೇಳಿಕೆಯಲ್ಲಿ ತಿಳಿಸಿದೆ.