ವಿರಾಟ್ ಕೊಹ್ಲಿ ನಿವೃತ್ತಿ ಘೋಷಿಸಿದ್ರೆ 4ನೇ ಕ್ರಮಾಂಕಕ್ಕೆ ಅವರ ಸ್ಥಾನ ತುಂಬಲು ಈ ಐವರು ರೆಡಿ!

ಟೀಂ ಇಂಡಿಯಾದ ಮಾಡ್ರನ್ ಮಾಸ್ಟರ್ ವಿರಾಟ್ ಕೊಹ್ಲಿ ಟೆಸ್ಟ್ ಕ್ರಿಕೆಟ್ ನಿಂದ ನಿವೃತ್ತಿ ಸುದ್ದಿ ಅವರ ಅಭಿಮಾನಿಗಳಿಗೆ ಬೇಸರ ತಂದಿದೆ. ಕೆಲವು ಮಾಧ್ಯಮ ವರದಿಗಳ ಪ್ರಕಾರ ವಿರಾಟ್ ನಿವೃತ್ತಿಗೆ ಬಿಸಿಸಿಐಗೆ ಮನವಿ ಮಾಡಿದ್ದಾರಂತೆ.

ಜೂನ್‌ನಲ್ಲಿ ಟೀಂ ಇಂಡಿಯಾ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದೆ. 5 ಟೆಸ್ಟ್ ಪಂದ್ಯಗಳ ಸರಣಿ ಇದಾಗಿದೆ. ವಿರಾಟ್ ನಿವೃತ್ತಿ ಹೊಂದಿದ್ರೆ ಯಾರು ಆ ಸ್ಥಾನ ತುಂಬ್ತಾರೆ? 5 ಬ್ಯಾಟ್ಸ್‌ಮನ್‌ಗಳ ಬಗ್ಗೆ ತಿಳಿಯೋಣ.

ವಿರಾಟ್ ಟೆಸ್ಟ್‌ನಲ್ಲಿ 4ನೇ ಕ್ರಮಾಂಕದಲ್ಲಿ ಆಡ್ತಾರೆ. ಈಗ ಆ ಸ್ಥಾನಕ್ಕೆ ಸೂಕ್ತ ಬ್ಯಾಟ್ಸ್‌ಮನ್ ಶ್ರೇಯಸ್ ಅಯ್ಯರ್. ಫಾರ್ಮ್‌ನಲ್ಲಿರುವ ಅಯ್ಯರ್ ದೊಡ್ಡ ಇನ್ನಿಂಗ್ಸ್ ಆಡುವ ಸಾಮರ್ಥ್ಯ ಹೊಂದಿದ್ದಾರೆ. 14 ಟೆಸ್ಟ್‌ಗಳಲ್ಲಿ 36.86 ಸರಾಸರಿಯಲ್ಲಿ 811 ರನ್ ಗಳಿಸಿದ್ದಾರೆ. ಒಂದು ಶತಕವೂ ಸೇರಿದೆ.

ಸರ್ಫರಾಜ್ ಕಳೆದ ವರ್ಷ ಟೆಸ್ಟ್‌ಗೆ ಪದಾರ್ಪಣೆ ಮಾಡಿ ಉತ್ತಮ ಇನ್ನಿಂಗ್ಸ್ ಆಡಿದ್ರು. 6 ಟೆಸ್ಟ್‌ಗಳಲ್ಲಿ 37.10 ಸರಾಸರಿಯಲ್ಲಿ 371 ರನ್ ಗಳಿಸಿದ್ದಾರೆ. ಒಂದು ಶತಕ, 3 ಅರ್ಧಶತಕ ಸೇರಿದೆ. ಗರಿಷ್ಠ 150 ರನ್. ವಿರಾಟ್ ರೀತಿ ಮಧ್ಯಮ ಕ್ರಮಾಂಕದಲ್ಲಿ ಆಟ ಬದಲಾಯಿಸಬಲ್ಲರು.

ಎಡಗೈ ಬ್ಯಾಟ್ಸ್‌ಮನ್ ದೇವದತ್ ಪಡಿಕ್ಕಲ್ ಕೂಡ ವಿರಾಟ್ ಕೊಹ್ಲಿ ಸ್ಥಾನಕ್ಕೆ ಸಂಭಾವ್ಯ ಆಟಗಾರ. ಉತ್ತಮ ಟೆಕ್ನಿಕ್ ಹಾಗೂ ಶಾಟ್ ಆಯ್ಕೆ ಸಾಮರ್ಥ್ಯ ಹೊಂದಿದ್ದಾರೆ. 2 ಟೆಸ್ಟ್‌ಗಳಲ್ಲಿ 3 ಇನ್ನಿಂಗ್ಸ್‌ಗಳಿಂದ 90 ರನ್ ಗಳಿಸಿದ್ದಾರೆ.

ಐಪಿಎಲ್ 2025ರಲ್ಲಿ ಆರ್‌ಸಿಬಿ ನಾಯಕರಾಗಿ ರಜತ್ ಪಾಟೀದಾರ್ ಎಲ್ಲರನ್ನೂ ಪ್ರಭಾವಿಸಿದ್ದಾರೆ. ನಾಯಕತ್ವದ ಜೊತೆಗೆ ಬ್ಯಾಟಿಂಗ್‌ನಲ್ಲೂ ಉತ್ತಮ ಆಟಗಾರ. ಕೇವಲ 3 ಟೆಸ್ಟ್ ಆಡಿದ್ದರೂ ಭವಿಷ್ಯದಲ್ಲಿ ಉತ್ತಮ ಆಟಗಾರರಾಗಬಲ್ಲರು.

ಈಗ ವಿರಾಟ್ ಸ್ಥಾನಕ್ಕೆ ಸೂಕ್ತ ಬ್ಯಾಟ್ಸ್‌ಮನ್ ಕೆ.ಎಲ್. ರಾಹುಲ್. ಅನುಭವ, ತಂತ್ರ ಹಾಗೂ ದೊಡ್ಡ ಇನ್ನಿಂಗ್ಸ್ ಆಡುವ ಸಾಮರ್ಥ್ಯ ಹೊಂದಿದ್ದಾರೆ. 58 ಟೆಸ್ಟ್‌ಗಳಲ್ಲಿ 33.57 ಸರಾಸರಿಯಲ್ಲಿ 3,257 ರನ್, 8 ಶತಕ ಗಳಿಸಿದ್ದಾರೆ.