ತಿರುಪತಿಯಲ್ಲಿ ಉಚಿತ ವಿಐಪಿ ದರ್ಶನ

ತಿರುಮಲದ ಭಕ್ತರಿಗೆ ಟಿಟಿಡಿ ಒಂದು ಹೊಸ ಅವಕಾಶ ಕಲ್ಪಿಸಿದೆ. 25 ವರ್ಷದೊಳಗಿನ ಯುವಕರು ಒಂದು ಕೋಟಿ ಬಾರಿ “ಗೋವಿಂದ” ನಾಮ ಬರೆದರೆ, ಕುಟುಂಬದೊಂದಿಗೆ ಉಚಿತ ವೀಐಪಿ ಬ್ರೇಕ್ ದರ್ಶನ ಪಡೆಯಬಹುದು.

ಯುವಜನರಲ್ಲಿ ಆಧ್ಯಾತ್ಮಿಕತೆ ಬೆಳೆಸುವ ಉದ್ದೇಶದಿಂದ ಟಿಟಿಡಿ ಈ ಕಾರ್ಯಕ್ರಮ ಹಮ್ಮಿಕೊಂಡಿದೆ. ರಾಮಕೋಟಿಯಂತೆಯೇ ಈ ಗೋವಿಂದ ಕೋಟಿ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಕೆಲವು ನಿಯಮಗಳಿವೆ.

25 ವರ್ಷದೊಳಗಿನವರಿಗೆ ಮಾತ್ರ ಈ ಅವಕಾಶ. 1,00,01,11 ಬಾರಿ ಗೋವಿಂದ ನಾಮ ಬರೆಯಬೇಕು. ಪ್ರತಿ ಪುಸ್ತಕದಲ್ಲಿ ಸುಮಾರು 39,600 ನಾಮಗಳು ಬರೆಯಬಹುದು. ಒಟ್ಟು 26 ಪುಸ್ತಕಗಳು ಬೇಕು.

ಕರ್ನಾಟಕದ ಕೀರ್ತನ ಈ ಕಾರ್ಯಕ್ರಮ ಪೂರ್ಣಗೊಳಿಸಿದ ಮೊದಲ ವ್ಯಕ್ತಿ. ಅವರು ಮತ್ತು ಅವರ ಕುಟುಂಬ  ವಿಐಪಿ ಬ್ರೇಕ್ ದರ್ಶನ ಪಡೆದರು.

ಗೋವಿಂದ ಕೋಟಿ ಪುಸ್ತಕಗಳು ಟಿಟಿಡಿ ಮಾಹಿತಿ ಕೇಂದ್ರ, ಪುಸ್ತಕ ಮಾರಾಟ ಕೇಂದ್ರ ಮತ್ತು ಆನ್‌ಲೈನ್‌ನಲ್ಲಿ ಲಭ್ಯ. ಈ ಕಾರ್ಯಕ್ರಮಕ್ಕೆ ಕನಿಷ್ಠ ಮೂರು ವರ್ಷಗಳು ಬೇಕಾಗಬಹುದು.

ಬೇಸಿಗೆಯಲ್ಲಿ ಭಕ್ತರ ದಟ್ಟಣೆ ಹೆಚ್ಚಿದ್ದರಿಂದ ಶಿಫಾರಸು ಪತ್ರಗಳ ಮೇಲಿನ ಬ್ರೇಕ್ ದರ್ಶನವನ್ನು ತಾತ್ಕಾಲಿಕವಾಗಿ ನಿಲ್ಲಿಸಲಾಗಿತ್ತು. ಈಗ ಮತ್ತೆ ಆರಂಭವಾಗಲಿದೆ.