365 ದಿನಗಳಲ್ಲಿ ದೀಪಾವಳಿಗೆ ಮಾತ್ರ ತೆರೆಯುವ ಹಾಸನಾಂಬ ದೇವರ ಬಗ್ಗೆ ನಿಮಗೆಷ್ಟು ಗೊತ್ತು?

ಈ ವರ್ಷ ಹಾಸನಾಂಬ ದೇವಿಯ ದರ್ಶನಕ್ಕೆ 24 ಗಂಟೆಗಳ ಕಾಲ ಅವಕಾಶವಿದೆ. ಯಾವುದೇ ಅಡೆತಡೆಗಳಿಲ್ಲದೆ ಭಕ್ತರು ಸುಲಭವಾಗಿ ದರ್ಶನ ಪಡೆಯಬಹುದು.

ಹಾಸನ ಜಿಲ್ಲೆಯ ಆರಾಧ್ಯ ದೈವ ಶ್ರೀ ಹಾಸನಾಂಬ ದೇವಿಯ ದೇವಸ್ಥಾನದ ಬಾಗಿಲುಗಳು ಈ ವರ್ಷದ ಪಂಚಾಂಗದ ಪ್ರಕಾರ ನಿನ್ನೆ (ಗುರುವಾರ) ಮಧ್ಯಾಹ್ನ 12.15ಕ್ಕೆ ಗರ್ಭಗುಡಿಯ ಮುಂದೆ ಬಾಳೆಕಂದು ಕಡಿದು ತೆರೆಯಲಾಯಿತು. ನವೆಂಬರ್ 3 ರವರೆಗೆ ಭಕ್ತರಿಗೆ ದೇವಿಯ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ.

ಸನಾತನ ಧರ್ಮದಲ್ಲಿ ಹಲವು ಅದ್ಭುತಗಳು ಪುರಾತನ ಕಾಲದಿಂದಲೂ ಕಂಡುಬರುತ್ತವೆ. ಹಿಂದೂ ಧರ್ಮದ ಪ್ರಕಾರ ಪ್ರಸಿದ್ಧವಾದ ಅದ್ಭುತ ದೇವಾಲಯಗಳು ಹಲವಾರು ಇವೆ. ಅವುಗಳಲ್ಲಿ ಒಂದು ಕರ್ನಾಟಕದ ಹಾಸನ ಜಿಲ್ಲೆಯಲ್ಲಿರುವ ಹಾಸನಾಂಬ ದೇವಾಲಯ.

ವರ್ಷಕ್ಕೊಮ್ಮೆ ದೀಪಾವಳಿಯಂದು ತೆರೆದು 7 ದಿನಗಳ ನಂತರ ದೀಪ ಹಚ್ಚಿ, ಹೂವು ಮತ್ತು ಪ್ರಸಾದ ನೀಡಿ ದೇವಾಲಯದ ಬಾಗಿಲು ಮುಚ್ಚಲಾಗುತ್ತದೆ.

ಸಾಮಾನ್ಯವಾಗಿ ಹೂವು, ಪ್ರಸಾದ ಎಲ್ಲವೂ ಮರುದಿನ ಬಾಡಿ ಹೋಗುತ್ತದೆ. ಆದರೆ, ದೇವಾಲಯ ಒಂದು ವರ್ಷದ ನಂತರ ತೆರೆದರೂ ಹೂವು ಮತ್ತು ಪ್ರಸಾದ ಹಾಗೆಯೇ ಇರುವುದು ಅದ್ಭುತ.

ಪುರಾತನ ಕಾಲದಲ್ಲಿ ಅಂಧಕಾಸುರ ಎಂಬ ರಾಕ್ಷಸನಿದ್ದನೆಂದು ಮತ್ತು ಕಠಿಣ ತಪಸ್ಸಿನ ಫಲವಾಗಿ ಬ್ರಹ್ಮನಿಂದ ಅದೃಶ್ಯವಾಗುವ ವರವನ್ನು ಪಡೆದನೆಂದು ಕಥೆಗಳು ಹೇಳುತ್ತವೆ.

ಒಂದು ವರ್ಷದ ನಂತರವೂ ಹೂವುಗಳು ಹೊಸದಾಗಿರುತ್ತವೆ. ದೀಪ ಉರಿಯುತ್ತಲೇ ಇರುತ್ತದೆ. ದೀಪಾವಳಿಯಂದು ೭ ದಿನಗಳು ತೆರೆಯುವ ದೇವಾಲಯದಲ್ಲಿ ಬಲಿಪಾಡ್ಯಮಿ ಆಚರಿಸಿದ ೩ ದಿನಗಳ ನಂತರ ಮತ್ತೆ ಮುಚ್ಚಲಾಗುತ್ತದೆ.

ದೇವಾಲಯದ ಬಾಗಿಲು ಮುಚ್ಚಿದ ದಿನ ಗರ್ಭಗುಡಿಯಲ್ಲಿ ತುಪ್ಪದ ದೀಪ ಹಚ್ಚಲಾಗುತ್ತದೆ. ಗರ್ಭಗುಡಿಯನ್ನು ವರ್ಣರಂಜಿತ ಹೂವುಗಳಿಂದ ಅಲಂಕರಿಸಲಾಗುತ್ತದೆ.