Bhagyalakshmi: ಶ್ರೇಷ್ಠಾ ನೀಚತನ ಬಯಲಾಯ್ತು! ಭಾಗ್ಯ-ಆದಿ ಒಂದಾಗೋ ಹೊತ್ತಲ್ಲೇ ತಾಂಡವ್​ ಬಾಳಲ್ಲಿ ಬಿರುಗಾಳಿ!

ಭಾಗ್ಯಲಕ್ಷ್ಮಿ (Bhagyalakshmi Serial) ಇದೀಗ ರೋಚಕ ತಿರುವಿನತ್ತ ಸಾಗಿದೆ. ಭಾಗ್ಯ ಮತ್ತು ಆದಿಯನ್ನು ಒಂದು ಮಾಡಲು ಕುಸುಮಾ ಹರಸಾಹಸ ಪಡುತ್ತಿದ್ದಾಳೆ. ಅಷ್ಟಕ್ಕೂ ಆದಿ ಮತ್ತು ಭಾಗ್ಯರಿಗೆ ಒಬ್ಬರ ಮೇಲೊಬ್ಬರಿಗೆ ಇನ್ನೂ ಲವ್​ ಏನೂ ಶುರುವಾಗಿಲ್ಲ. ಭಾಗ್ಯ ಕಂಡರೆ ಆದಿಗೆ ಅದೇನೋ ಸೆಳೆತ, ಒಂಥರಾ ಪ್ರೀತಿ ಅಷ್ಟೇ.

ಭಾಗ್ಯಳ ಗಂಡ ಯಾರು, ಏಕೆ ಡಿವೋರ್ಸ್​ ಆಗಿದ್ದು ಎಂದು ತಿಳಿಯುವ ಕುತೂಹಲ ಆದಿಗೆ. ಆದರೆ ಅದನ್ನು ನೇರವಾಗಿ ಕೇಳುವ ಧೈರ್ಯ ಅವನಿಗೆ ಇಲ್ಲ. ಹೋಗಿ ಹೋಗಿ ಶ್ರೇಷ್ಠಾಳ ಎದುರೇ ಭಾಗ್ಯ ಮತ್ತು ಗಂಡನನ್ನು ಒಂದು ಮಾಡುತ್ತೇನೆ ಎಂದಿದ್ದಾನೆ ಆದಿ. ಇದನ್ನು ಕೇಳಿ ಶ್ರೇಷ್ಠಾಳಿಗೆ ಶಾಕ್​ ಆಗಿ, ಆತ ಬೇರೆ ಮದುವೆಯಾಗಿದ್ದರೆ ಏನು ಮಾಡುತ್ತೀರಿ ಎಂದು ಪ್ರಶ್ನಿಸಿದ್ದಾಳೆ.

ಅದಕ್ಕೆ ಆದಿ, ಇದನ್ನು ನೋಡಿದರೇನೇ ತಿಳಿಯುತ್ತದೆ, ತಾಂಡವ್​ ಎಷ್ಟು ಕೆಟ್ಟ ಮನುಷ್ಯ ಹಾಗೂ ಆತನನ್ನು ಮದುವೆಯಾದವಳು ಇನ್ನೆಷ್ಟು ಕೆಟ್ಟವಳು ಎಂದು ಹೇಳಿದಾಗ ಶ್ರೇಷ್ಠಾಳ ಮೈಯೆಲ್ಲಾ ಉರಿದು ಹೋಗಿದೆ.

ಅದೇ ಇನ್ನೊಂದೆಡೆ, ತನ್ವಿಯನ್ನು ತನ್ನ ವಶದಲ್ಲಿ ಇಟ್ಟುಕೊಳ್ಳಲು ಶ್ರೇಷ್ಠಾ ಎಲ್ಲಾ ಪ್ರಯತ್ನ ಮಾಡಿದ್ದಳು. ಆದರೆ, ತನ್ವಿಗೆ ಶ್ರೇಷ್ಠಾಳ ಮೋಸದಾಟ ತಿಳಿದು ವಾಪಸ್​ ಮನೆಗೆ ಬಂದಿದ್ದಾಳೆ.

ಶ್ರೇಷ್ಠಾ ಒಳ್ಳೆಯವಳ್ಳ ಎಂದು ತಾಂಡವ್​ಗೆ ಮಗಳೇ ಬುದ್ಧಿ ಹೇಳಿದ್ರೂ ಅದನ್ನು ಆತ ಕೇಳಲು ರೆಡಿ ಇರಲಿಲ್ಲ. ಕೊನೆಗೆ ಫೋನ್​ ಕಾಲ್​ನಲ್ಲಿಯೇ ಶ್ರೇಷ್ಠಾ ಎಷ್ಟು ಕೆಟ್ಟವಳು ಎನ್ನುವುದನ್ನು ಸಾಬೀತು ಮಾಡಿದ್ದಾಳೆ ತನ್ವಿ. ತನ್ವಿ ತನ್ನಮಗಳಂತೆ ಎಂದು ತಾಂಡವ್​ ಎದುರು ನಾಟಕ ಆಡ್ತಿರೋ ಶ್ರೇಷ್ಠಾಳ ಮುಖವಾಡ ತಾಂಡವ್​ ಎದುರು ಕಳಚಿ ಬಿದ್ದಿದೆ.

ಅದೇ ಇನ್ನೊಂದೆಡೆ, ತನ್ವಿ ಕೂಡ ಪಪ್ಪಾ ನೀವು ತುಂಬಾ ಒಳ್ಳೆಯವರು. ಆದರೆ ಶ್ರೇಷ್ಠಾ ಆಂಟಿ ಜೊತೆ ಸೇರಿ ಹೀಗೆ ಆಗಿದ್ದೀರಿ. ಆಕೆಯ ಸಹವಾಸ ಮಾಡಬೇಡಿ ಎಂದಿದ್ದಾಳೆ. ಈಗ ಅದನ್ನು ಸಾಬೀತು ಕೂಡ ಮಾಡಿದ್ದಾಳೆ.

ಹಾಗಿದ್ರೆ ತಾಂಡವ್​ ವಾಪಸ್​ ಭಾಗ್ಯಳ ಬಳಿ ಬರ್ತಾನಾ? ಆದಿ ಮತ್ತು ಭಾಗ್ಯಳ ಮದುವೆ ಮಾಡಲು ಪ್ಲ್ಯಾನ್​ ಹಾಕ್ತಿರೋ ಕುಸುಮಾಳ ಮುಂದಿನ ನಡೆ ಏನು ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.

ವಿಡಿಯೋ ನೋಡಲು ಇದರ ಮೇಲೆ ಕ್ಲಿಕ್​ ಮಾಡಿ