3 ಕೋಟಿ ಆಸ್ತಿ ಒಡತಿ ಆಗ್ತಿದ್ದಂತೆಯೇ ಬದಲಾಯ್ತು Karna Serial ನಿತ್ಯಾ ಲುಕ್​! ನಟಿಯ ಕ್ಯೂಟ್​ ಫೋಟೋಶೂಟ್​

ಕರ್ಣ ಸೀರಿಯಲ್​ (Karna Serial) ನಲ್ಲಿ ಸದ್ಯ ಟ್ವಿಸ್ಟ್​ ಮೇಲೆ ಟ್ವಿಸ್ಟ್​ ಸಿಕ್ಕಿದ್ದು, ಕರ್ಣ ಮತ್ತು ನಿತ್ಯಾಗೆ ತೊಂದರೆ ಕೊಡಲು ಹೋದ ಅಪ್ಪ ರಮೇಶ್​ಗೆ ತಿರುಗೇಟು ನೀಡಿದ್ದಾನೆ ಕರ್ಣ.

ಮ್ಯಾರೇಜ್​ ಸರ್ಟಿಫಿಕೇಟ್​ ಮಾಡಿಸಿಬಿಟ್ಟರೆ, ನಿತ್ಯಾ ಮತ್ತು ಕರ್ಣ ಗಂಡ- ಹೆಂಡತಿ ಎಂದು ಒಪ್ಪಿಕೊಂಡಂತಾಗುತ್ತದೆ ಎಂದು ಪ್ಲ್ಯಾನ್​ ಮಾಡಿದ್ದ ರಮೇಶ್​. ಇದಕ್ಕಾಗಿ ಪ್ರಾಪರ್ಟಿ ನಿಮ್ಮ ಹೆಸರಿಗೆ ಮಾಡಲು ಈ ಸರ್ಟಿಫಿಕೇಟ್​ ಬೇಕು ಎಂದಿದ್ದ. ಆದರೆ ಅವನ ಪ್ಲ್ಯಾನ್​ ಉಲ್ಟಾ ಮಾಡಿದ್ದ ಕರ್ಣ, ನಿತ್ಯಾಳ ನಕಲಿ ಸಹಿ ಹಾಕಿಸಿದ್ದ. ಆದರೆ 3 ಕೋಟಿ ರೂಪಾಯಿ ಆಸ್ತಿಯನ್ನು ನಿತ್ಯಾಳ ಹೆಸರಿಗೆ ಮಾಡುವಂತೆ ಹೇಳಿ ರಮೇಶ್​ನನ್ನು ಕಕ್ಕಾಬಿಕ್ಕಿ ಮಾಡಿದ್ದಾನೆ.

ಸೀರಿಯಲ್​ನಲ್ಲಿ ಇಷ್ಟು ಆಗುತ್ತಿದ್ದಂತೆಯೇ ಇತ್ತ ನಿತ್ಯಾ ಫುಲ್​ ಸ್ಟೈಲಿಷ್ ಆಗಿಬಿಟ್ಟಿದ್ದಾಳೆ. ಸೀರೆಯನ್ನು ಬಿಟ್ಟು ಮಾಡರ್ನ್​ ಡ್ರೆಸ್​​ ತೊಟ್ಟಿದ್ದಾಳೆ! ಅಂದಹಾಗೆ ಈ ಸೀರಿಯಲ್​ಗೂ, ನಿತ್ಯಾ ಪಾತ್ರಧಾರಿ ನಮ್ರತಾ ಗೌಡ ಅವರ ಸ್ಟೈಲಿಷ್​ ಲುಕ್​ಗೂ ಏನೂ ಸಂಬಂಧವಿಲ್ಲ. ಆದರೆ ಹೀಗೆ ಕಮೆಂಟ್​ ಮಾಡುವ ಮೂಲಕ ನಟಿಯ ಕಾಲೆಳೆಯುತ್ತಿದ್ದಾರೆ ಅಭಿಮಾನಿಗಳು.

ಅಂದಹಾಗೆ ನಮ್ರತಾ ಗೌಡ (Namratha Gowda) ಅವರು ಮಾಡರ್ನ್​ ಡ್ರೆಸ್​ನಲ್ಲಿ ಫೋಟೋಶೂಟ್​ ಮಾಡಿಸಿಕೊಂಡು, ಅದನ್ನು ಸೋಷಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಮದುಮಗಳಂತೆ ಅದರಲ್ಲಿ ಕಂಗೊಳಿಸುತ್ತಿದ್ದಾರೆ ನಟಿ.

ಇದನ್ನು ನೋಡಿದ ಅಭಿಮಾನಿಗಳು ಕರ್ಣ ಸೀರಿಯಲ್​​ಗೂ, ಈ ಲುಕ್​ಗೂ ಕನೆಕ್ಟ್​ ಮಾಡಿ, 3 ಕೋಟಿಯ ಆಸ್ತಿ ಬರುತ್ತಿದ್ದಂತೆಯೇ ಲುಕ್ಕೇ ಚೇಂಜಾಯ್ತು ಎಂದು ತಮಾಷೆ ಮಾಡುತ್ತಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಆ್ಯಕ್ಟೀವ್​ ಆಗಿರೋ ನಟಿ ನಮ್ರತಾ ಗೌಡ, ಆಗಾಗ್ಗೆ ಫೋಟೋಶೂಟ್​, ವಿಡಿಯೋಶೂಟ್​ ಮಾಡಿಸಿಕೊಳ್ಳುತ್ತಾರೆ. ಇದೀಗ ಅವರ ಲುಕ್​ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ​