ಸತ್ತರೂ ಬಿಡಲಿಲ್ಲ ನಂಟು: ಇಲ್ಲಿಂದ ಹಾರಿ ಅಲ್ಲಿ ಜೊತೆಯಾದ Puttakkana Makkalu ಸ್ನೇಹಾ- ಬಂಗಾರಮ್ಮ!

ಪುಟ್ಟಕ್ಕನ ಮಕ್ಕಳು (Puttakkana Makkalu) ಸೀರಿಯಲ್​ನಲ್ಲಿ ಸದ್ಯ ಬಂಗಾರಮ್ಮ ಕೂಡ ಸತ್ತು ಹೋಗಿದ್ದಾಳೆ. ಈ ಪಾತ್ರ ನಿರ್ವಹಿಸುತ್ತಿದ್ದ ಮಂಜು ಭಾಷಿಣಿ ಅವರು ಬಿಗ್​ಬಾಸ್​ಗೆ ಹೋದ ಬೆನ್ನಲ್ಲೇ ಈ ಪಾತ್ರವನ್ನೂ ಸಾಯಿಸಲಾಯಿತು. ಆದರೆ ವಿಚಿತ್ರ ಎಂದರೆ, ಅದಾಗಲೇ ಮಂಜು ಭಾಷಿಣಿ ಅವರು ಎಲಿಮಿನೇಟ್​ ಆಗಿ ಹೊರಕ್ಕೆ ಬಂದಾಗಿತ್ತು. ಆದರೆ ಶೂಟಿಂಗ್​ ಎಲ್ಲಾ ಮೊದಲೇ ಆಗುವ ಕಾರಣ, ಆ ಪಾತ್ರವನ್ನು ಸಾಯಿಸಲಾಗಿದೆ.

ಅದಕ್ಕಿಂತಲೂ ಮುಂಚಿನವಾಗಿ ಸ್ನೇಹಾ ಪಾತ್ರಧಾರಿಯಾಗಿದ್ದ ಸಂಜನಾ ಬುರ್ಲಿ ಅವರು ಉನ್ನತ ಶಿಕ್ಷಣದ ಕಾರಣ ನೀಡಿ ಸೀರಿಯಲ್​ ಬಿಟ್ಟು ಹೋದರು. ಈ ಪಾತ್ರಕ್ಕೆ ಬೇರೊಬ್ಬ ನಟಿ ತಂದರೆ ಲೀಡ್​ ಪಾತ್ರ ಚೆನ್ನಾಗಿರಲ್ಲ ಎಂದು ಡಿಸಿಯಾಗಿದ್ದ ಸ್ನೇಹಾಳನ್ನೂ ಸಾಯಿಸಲಾಗಿತ್ತು. ಒಟ್ಟಿನಲ್ಲಿ ಎರಡು ಲೀಡ್​ ರೋಲ್​ಗಳನ್ನು ವಿನಾಕಾರಣ ಸಾಯಿಸಲಾಗಿತ್ತು.

ಆದರೆ ಇದೀಗ ಪುಟ್ಟಕ್ಕನ ಮಕ್ಕಳುವಿನಲ್ಲಿ ಸತ್ತುಹೋದ ಸ್ನೇಹಾ ಮತ್ತು ಬಂಗಾರಮ್ಮ ಮತ್ತೆ ಒಂದಾಗಿದ್ದಾರೆ. ಆದರೆ ಸ್ವಲ್ಪ ಟ್ವಿಸ್ಟ್​ ಇದೆ ಇಲ್ಲಿ. ಜೀ ಕನ್ನಡದಿಂದ ಹಾರಿ ಇಬ್ಬರೂ ಕಲರ್ಸ್​ ಕನ್ನಡದಲ್ಲಿ ಒಂದಾಗಿದ್ದಾರೆ!

ಹೌದು. ಕಲರ್ಸ್​ ಕನ್ನಡದಲ್ಲಿ ಸ್ನೇಹಾ ಪಾತ್ರಧಾರಿಯಾಗಿದ್ದ ಸಂಜನಾ ಬುರ್ಲಿ (Sanjana Burli) ಅವರು ಗಂಧದ ಗುಡಿ ಸೀರಿಯಲ್​ನಲ್ಲಿ ಲೀಡ್​ ರೋಲ್​ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆ ಸೀರಿಯಲ್​ಗೆ ಈಗ ಮಂಜು ಭಾಷಿಣಿ ಅವರು ಎಂಟ್ರಿ ಕೊಟ್ಟಿದ್ದಾರೆ!

ದೊಡ್ಮನೆಯಿಂದ ಸೀದಾ ಗಂಧದ ಗುಡಿಗೆ ಬಂದಿರುವುದಾಗಿ ಹಿನ್ನೆಲೆಯಲ್ಲಿ ಬಿಗ್​ಬಾಸ್​ ಮ್ಯೂಸಿಕ್​ ಜೊತೆ ಮಂಜು ಭಾಷಿಣಿ ಎಂಟ್ರಿ ಕೊಟ್ಟಿದ್ದಾರೆ. ಈ ಮೂಲಕ ಗಂಧದ ಗುಡಿ (Gandhada Gudi) ಸೀರಿಯಲ್​ಗೆ ತಿರುವು ಸಿಕ್ಕಿದೆ.

ಈ ಸೀರಿಯಲ್​ನಲ್ಲಿ ಮಂಜು ಭಾಷಿಣಿ ಅವರು ಪಾತ್ರಧಾರಿಯಾಗಿದ್ದಾರೋ ಅಥವಾ ಅತಿಥಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೋ ಇನ್ನಷ್ಟೇ ನೋಡಬೇಕಿದೆ. ಅಂದಹಾಗೆ ಈ ಸೀರಿಯಲ್ ಕಥೆ ಶ್ರೀಮಂತರ ಮನೆಯ ಹೆಣ್ಣುಮಗಳು ಪರಿಸ್ಥಿತಿಗೆ ಸಿಕ್ಕು ಬಡವನ ಹೆಂಡತಿಯಾಗಿ ಅನುಭವಿಸುತ್ತಿರುವ ಕಷ್ಟದ ಬಗ್ಗೆ ಇದೆ.