Bigg Bossನ್ನ ವಿಶ್ವ ಮಟ್ಟದಲ್ಲಿ ಮಿಂಚಿಸೋ ತಾಕತ್​ ನಂಗಿದೆ, ಸುದೀಪ್​ ಕಂಡೆಮ್​ ಮಾಡಿದ್ರು- ​ ಡಾಗ್​ ಸತೀಶ್​ ಚಾಲೆಂಜ್​ ಹಾಕಿದ್ದೇನು?

ನೂರಾರು ಕೋಟಿ ರೂಪಾಯಿಗಳ ನಾಯಿಗಳಿಂದ ಡಾಗ್​ ಸತೀಶ್ ಎಂದೇ ಫೇಮಸ್​ ಆಗಿರೋ ಸತೀಶ್​ ಅವರು ಈಗ Bigg Boss ಸತೀಶ್​ ಆಗಿರುವ ಕಾರಣದಿಂದ ಸಕತ್​ ಡಿಮಾಂಡ್​ ಕುದುರಿಸಿಕೊಂಡಿದ್ದಾರೆ. ತಮ್ಮನ್ನು ತಾವು ಹ್ಯಾಂಡ್​ಸಮ್​, ನನಗೆ ವಯಸ್ಸಾಗಲ್ಲ, ವಯಸ್ಸು ಕಡಿಮೆಯಾಗುತ್ತಾ ಹೋಗುತ್ತದೆ, ಈಗಲೂ ನನ್ನ ಸೌಂದರ್ಯ ನೋಡಿ ಹೆಣ್ಣುಮಕ್ಕಳು ಬೀಳುತ್ತಾರೆ ಎನ್ನುತ್ತಲೇ ಮಾತನಾಡುವ ಡಾಗ್​ ಸತೀಶ್​ ಅವರಿಗೆ ತಮ್ಮ ರೂಪ ಮತ್ತು ಘನತೆಯ ಮೇಲೆ ಅತಿ ಹೆಚ್ಚು ಪ್ರೀತಿ ಇದೆ.

ಇದೀಗ ಅವರು, ಬಿಗ್​ಬಾಸ್​ನಲ್ಲಿ ತಮಗಾಗಿರುವ ಒಂದು ಕಹಿ ಘಟನೆಯನ್ನು ಬಾಸ್​ ಚಾನೆಲ್​ನಲ್ಲಿ ಹೇಳಿಕೊಂಡಿದ್ದಾರೆ. ​ಅದು ವರ್ಲ್ಡ್​ ನ್ಯೂಸ್​ ಮಾಡ್ತಾ ಇದ್ದೆ ಎಂದೋರು ಮೂರನೇ ವಾರಕ್ಕೇ ಹೊರಕ್ಕೆ ಹೋಗ್ತಾ ಇದ್ದೀರಿ ಎಂದು ಕಂಡೆಮ್​ ರೀತಿಯಲ್ಲಿ ಸುದೀಪ್​ ಅವರು ನನಗೆ ಹೇಳಿದ್ರು. ಅದಕ್ಕೆ ನಾನು ಒಂದೇ ನೈಟ್​ನಲ್ಲಿ ವರ್ಲ್ಡ್​ ನ್ಯೂಸ್​ ಮಾಡ್ತಾ ಇದ್ದೆ ಸರ್​ ಎಂದು ಹೇಳಿದೆ. ಅದಕ್ಕೆ ಸುದೀಪ್​ ಅವರು, ಹಾಗಿದ್ರೆ ನಮ್ಮ ಬಿಗ್​ಬಾಸ್​ ವೇಸ್ಟಾ, ನೀನೇನು ಕಿಲಾಡಿನಾ ಎನ್ನೋ ಅರ್ಥದಲ್ಲಿ ಕೇಳಿದ್ರು ಎಂದಿದ್ದಾರೆ.

ಬಿಗ್​ಬಾಸ್​ ತುಂಬಾ ದೊಡ್ಡ ವೇದಿಕೆ. ಒಂದು ನೈಟ್​ನಲ್ಲಿ ವರ್ಲ್ಡ್​ ಲೆವೆಲ್​ನಲ್ಲಿ ತಗೊಂಡು ಹೋಗ್ತಾ ಇದ್ದೆ ನಾನು. ಅದು ನಿಮಗೂ ಒಳ್ಳೆಯದು, ನನಗೂ ಒಳ್ಳೆಯದು ಆಗುತ್ತಿತ್ತು ಎಂದೆ. ಆದರೆ ಇಲ್ಲಿ ತುಳಿಯುತ್ತಾರೆ, ಬೆಳೆಸಲು ಬಿಡುವುದಿಲ್ಲ ಎಂದು ಸುದೀಪ್​ ಅವರಿಗೆ ಹೇಳಿದೆ ಎಂದೆ.

ಇದಕ್ಕೇ ಚಾಲೆಂಜಿಂಗ್​ ಆಗಿ ನವೆಂಬರ್​ 5ನೇ ತಾರೀಖು, ಒಂದು ದೊಡ್ಡ ವೇದಿಕೆಯಲ್ಲಿ ಸಿಎಂ, ಡಿಸಿಎಂ ಮುಂದೆನೇ ಲಾಂಚ್​ ಮಾಡುತ್ತಿದ್ದೇನೆ ಎಂದು ಅಲ್ಲಿಯೇ ಹೇಳಿದ್ದೇನೆ ಎಂದು ಸತೀಶ್​ ಹೇಳಿದ್ದಾರೆ.

ಅಲ್ಲಿ ಇದನ್ನು ಹೇಳಿದ್ದೇನೆ. ನನ್ನ ಮಾತನ್ನು ಕಟ್​ ಮಾಡದೇ ಹಾಕಿದ್ದರೆ ಗೊತ್ತಾಗತ್ತೆ. ಆದರೆ ನನ್ನ ಮಾತನ್ನು ಕಟ್​ ಮಾಡುತ್ತಾರೋ ಗೊತ್ತಿಲ್ಲ ಎಂದಿರುವ ಸತೀಶ್​​, ಬಿಗ್​ಬಾಸ್​​ಗೆ ಎಂಟ್ರಿ ಕೊಡುವ ಸಮಯದಲ್ಲಿ ತೋರಿಸಿರುವ ಪ್ರೊಮೋದಲ್ಲಿ ಮಹತ್ವದ ವಿಷಯವನ್ನೇ ಕಟ್​ ಮಾಡಿರುವುದಾಗಿ ಬೇಸರ ವ್ಯಕ್ತಪಡಿಸಿದ್ದಾರೆ.

ನಾನು, ಮಗ ಮತ್ತು ಹೊಸ ನಾಯಿಯದ್ದು ಪ್ರೊಮೋ ಶೂಟ್​ನಲ್ಲಿ ವಿಡಿಯೋ ಆಗಿತ್ತು. ಪೋಸ್ಟರ್​ ರೆಡಿ ಮಾಡಿದ್ದೆ. ಪ್ರೊಮೋ ಶೂಟ್​ನಲ್ಲಿ ಬರುತ್ತಿದ್ದಂತೆಯೇ, ಬಿಗ್​ಬಾಸ್​​ನಲ್ಲಿ ಕಾಲು ಇಡುತ್ತಿದ್ದಂತೆಯೇ ನ್ಯೂಸ್​ ಚಾನೆಲ್​ಗೆ ಕಳಿಸಿಬಿಡು ಎಂದು ಮಗನಿಗೆ ಹೇಳಿದ್ದೆ. ಜಗತ್ತಿನಾದ್ಯಂತ ಸುಮಾರು 300 ಚಾನೆಲ್​ಗಳವರು ನನಗೆ ಗೊತ್ತಿದ್ದಾರೆ. ಗ್ರೂಪ್​ನಲ್ಲಿ ಹಾಕು ಎಂದಿದ್ದೆ. 100 ಕೋಟಿಯ ನಾಯಿ ಅದಾಗಿತ್ತು. ಆದರೆ ಪ್ರೊಮೋದಲ್ಲಿ ಅದನ್ನು ತೋರಿಸಲೇ ಇಲ್ಲ ಎಂದಿದ್ದಾರೆ.

ಅವರ ಸಂದರ್ಶನಕ್ಕಾಗಿ ಇಲ್ಲಿ ಕ್ಲಿಕ್​  ಮಾಡಿ