ಆಕೆ ಕಂಡ್ರೆ ನಂಗೆ ಹೊಟ್ಟೆ ಉರಿ, ತಪ್ಪು ತಪ್ಪು ಮಾತಾಡಿ ಫೇಮಸ್​ ಆಗೋದು ಸಾಧನೆನಾ? Bigg Boss ಜಾಹ್ನವಿ ಶಾಕಿಂಗ್​ ಹೇಳಿಕೆ

ಬಿಗ್​ಬಾಸ್​ ಮೂಲಕ ಹೈಪ್​ ಕ್ರಿಯೇಟ್​ ಮಾಡಿದ್ದ ಆ್ಯಂಕರ್​ ಜಾಹ್ನವಿ ಬಿಗ್​ಬಾಸ್​ ಮನೆಯಿಂದ ಹೊರಕ್ಕೆ ಬಂದಿರುವ ಕಾರಣ, ಹಲವಾರು ವಿಷಯಗಳನ್ನು ಶೇರ್​ ಮಾಡಿಕೊಳ್ಳುತ್ತಿದ್ದಾರೆ. ತಾವೇ ಫೈನಲಿಸ್ಟ್​ ಆಗಲು ಸೂಕ್ತ ಸ್ಪರ್ಧಿಯಾಗಿತ್ತು ಎಂದು ಈಗಲೂ ಅಂದುಕೊಂಡಿರುವ ಜಾಹ್ನವಿ ಅವರಿಗೆ ಎಲಿಮಿನೇಷನ್​ ಶಾಕ್​ ಕೊಟ್ಟಿದೆ.

ಅಷ್ಟಕ್ಕೂ ಜಾಹ್ನವಿ (Bigg Boss Jhanvi) ಅವರು ಬಿಗ್​ಬಾಸ್​ ಮನೆಯಲ್ಲಿ ಇದ್ದಾಗ ಕೆಲವು ಕಾರಣಗಳಿಂದ ವೀಕ್ಷಕರ ಅಸಮಾಧಾನಕ್ಕೆ ಕಾರಣವಾಗಿದ್ದು ಇದೆ. ಮಧ್ಯರಾತ್ರಿ ಗೆಜ್ಜೆ ಶಬ್ದ ಮಾಡುವ ಮೂಲಕ ರಕ್ಷಿತಾ ಶೆಟ್ಟಿಗೆ ತೊಂದರೆ ಕೊಟ್ಟಿದ್ದು ಒಂದಾದರೆ, ಅದಕ್ಕಿಂತಲೂ ಅವರಿಗೆ ಉಲ್ಟಾ ಹೊಡೆದದ್ದು ಸ್ಪಂದನಾ ಸೋಮಣ್ಣ ಅವರ ವಿಷಯದಲ್ಲಿ.

ಇದೀಗ ಬಿಗ್​ಬಾಸ್​​ ರಕ್ಷಿತಾ ಶೆಟ್ಟಿ (Bigg Boss Rakshita Shetty) ಸೇರಿದಂತೆ ಕೆಲವು ಸ್ಪರ್ಧಿಗಳ ಬಗ್ಗೆ ಮಾತನಾಡಿದ್ದು, ನೆಟ್ಟಿಗರಿಂದ ಭಾರಿ ಟೀಕೆಗಳೂ ಕೇಳಿಬರುತ್ತಿವೆ.

ಬಿಗ್​ಬಾಸ್ ಮನೆಯಲ್ಲಿ ಏನೇನೋ ಆಗತ್ತೆ. ಬಿಗ್​ಬಾಸ್​​ ಮನೆಯಲ್ಲಿ ಇರುವಾಗಲೇ ಹೊರಗೆ ಏನಾಗ್ತಿತ್ತು ಎನ್ನುವುದು ನನಗೆ ತಿಳಿದಿತ್ತು. ಹೊರಗೆ ವೀಕ್ಷಕರಿಗೆ ತೋರಿಸೋದು ಒಂದೂವರೆ ಗಂಟೆ ಮಾತ್ರ. ಅದೊಂದು ರೀತಿಯ ತುಘಲಕ್​ ದರ್ಬಾರ್​ ಇದ್ದ ಹಾಗೆ ಎಂದು ರೆಡ್​ ಎಫ್​ಎಂ ಗೆ ನೀಡಿರುವ ಸಂದರ್ಶನದಲ್ಲಿ ಜಾಹ್ನವಿ (Bigg Boss Jhanvi) ಹೇಳಿದ್ದಾರೆ.

ಆ ಹುಡುಗಿ ಎಂದ್ರೆ ನನಗೆ ಇರಿಟೇಟ್​. ಈಗಲೂ ರಕ್ಷಿತಾ ಶೆಟ್ಟಿ ಎಂದ್ರೆ ನನಗೆ ಇಷ್ಟವಿಲ್ಲ ಎನ್ನುತ್ತಲೇ ತಪ್ಪು ತಪ್ಪು ಮಾತನಾಡಿ, ಹಾಡು ಹೇಳಿ ವೈರಲ್​ ಆಗುವವರು ಹೆಚ್ಚಾಗ್ತಿದ್ದಾರೆ. ಅವರಿಗೆ ಟೇಪ್​ ಕಟಿಂಗ್​ಗೂ ಕರೀತಾರೆ, ಮೀಡಿಯಾದವರು ಮೈಕೂ ಹಿಡೀತಾರೆ, ಅವರ ಸಾಧನೆ ಏನು? ನಾವೆಷ್ಟು ಸಾಧನೆ ಮಾಡಿ ಮೇಲೆ ಬಂದವರು ಎಂದು ರಕ್ಷಿತಾ ಶೆಟ್ಟಿಗೆ ಪರೋಕ್ಷವಾಗಿ ಟಾಂಗ್​ ಕೊಟ್ಟಿದ್ದಾರೆ ಜಾಹ್ನವಿ.

ಹೂವಿನ ಬಾಣದಂತೆ ಹುಡುಗಿಗೆ ರಕ್ಷಿತಾ ಶೆಟ್ಟಿ ಅವರನ್ನು ಹೋಲಿಕೆ ಮಾಡಿರುವುದು ಇದರಿಂದ ಸ್ಪಷ್ಟವಾಗಿದೆ. ಅದೇ ವೇಳೆ ಅಲ್ಲಿಯೇ ಸ್ಪಷ್ಟನೆಯನ್ನೂ ನೀಡಿದ ಜಾಹ್ನವಿ, ರಕ್ಷಿತಾ ಶೆಟ್ಟಿ ಬಿಡಿ ತನ್ನ ಯುಟ್ಯೂಬ್​ಗೆ ಏನೇನು ಬೇಕೋ ಅದನ್ನು ಮಾಡ್ತಾಳೆ. ಕಷ್ಟಪಟ್ಟು ಏನೇನೋ ಕಂಟೆಂಟ್​ ಮಾಡ್ತಾಳೆ ಎಂದೂ ಹೇಳಿದ್ದಾರೆ.

ಇದೇ ವೇಳೆ ರಕ್ಷಿತಾ ಶೆಟ್ಟಿ ಮಂಗಳೂರಿನವಳು. ಅವಳಿಗೆ ಇರುವ ಖ್ಯಾತಿ ನೋಡಿದ್ರೆ ನನಗೆ ಹೊಟ್ಟೆ ಉರಿಯಾಗುತ್ತದೆ. ನಾನೂ ಅಲ್ಲೇ ಹುಟ್ಟಿದ್ರೆ ನನ್ನನ್ನೂ ಜನ ಇಷ್ಟಪಡುವವರೇನೋ ಎಂದಿದ್ದಾರೆ!

ರಜತ್​ ಮತ್ತು ಚೈತ್ರಾ ಕುಂದಾಪುರ ಅವರನ್ನು ಕರೆಸಿದ್ದೇ ಅಶ್ವಿನಿ ಗೌಡ ಅವರನ್ನು ಟ್ರಿಗರ್​ ಮಾಡಲು ಎಂದೂ ಈ ಸಂದರ್ಭದಲ್ಲಿ ಜಾಹ್ನವಿ ಹೇಳಿದ್ದಾರೆ.