ಎಲ್ಲರಿಗೂ Bigg Boss ಗೆಲ್ಲೋ ಚಿಂತೆಯಾದ್ರೆ, ರಕ್ಷಿತಾ ಶೆಟ್ಟಿಗೆ ಇನ್ನೇನೋ ಕನಸು: ಆಸೆ ಕೇಳಿದ್ರೆ ಹೀಗೇ ಹೇಳೋದಾ ಪುಟ್ಟಿ?

ರಕ್ಷಿತಾ ಶೆಟ್ಟಿ (Bigg Boss Rakshita Shetty) ಹವಾ ಬಿಗ್​ಬಾಸ್​ನಲ್ಲಿ ಜೋರಾಗಿಯೇ ನಡೆಯುತ್ತಿದೆ. ಈಕೆ ಫೈನಲಿಸ್ಟ್​ ಎಂದೇ ಈಗ ಎಲ್ಲರೂ ಮಾತನಾಡಿಕೊಳ್ಳುತ್ತಿದ್ದು, ರಕ್ಷಿತಾ ಅಭಿಮಾನಿಗಳ ಸಂಖ್ಯೆಯೂ ಅಷ್ಟೇ ದೊಡ್ಡದಾಗಿದೆ.

ಅಷ್ಟಕ್ಕೂ ರಕ್ಷಿತಾ ಶೆಟ್ಟಿ ಫೇಮಸ್​ ಆಗಿದ್ದೇ ಅರೆಬರೆ ಕನ್ನಡದ ಮೂಲಕ. ಮುಂಬೈನಲ್ಲಿ ಹುಟ್ಟಿ ಬೆಳೆದ ತುಳುನಾಡಿನ ಯುವತಿ ರಕ್ಷಿತಾ ಶೆಟ್ಟಿ, ಕನ್ನಡವನ್ನು ಕಲಿತು ಎಲ್ಲಾ ಭಾಷೆಗಳನ್ನು ಮಿಕ್ಸ್​ ಮಾಡಿ ಯುಟ್ಯೂಬ್​ ಮಾಡಿದ ಆರೇ ತಿಂಗಳಿನಲ್ಲಿ ಫೇಮಸ್​ ಆಗಿದ್ದಾರೆ ಎಂದರೆ ಅವರ ಜಾಣ್ಮೆ ಕಾಣಿಸುತ್ತದೆ. ಅದರಲ್ಲಿಯೂ ಮೀನಿನ ವಿಡಿಯೋಗಳಿಂದಲೇ ಈಕೆ ಫೇಮಸ್​​

ಯುಟ್ಯೂಬ್​ ಓಪನ್​ ಮಾಡಿ ಆರೇ ತಿಂಗಳಿನಲ್ಲಿ ಗಳಿಸಿದ ಖ್ಯಾತಿಯಿಂದ ಈಕೆ ಬಿಗ್​ಬಾಸ್​ ಮನೆಗೂ ಬಂದಿದ್ದಾರೆ. ಆದರೆ ಇವರ ಕನ್ನಡದ ಬಗ್ಗೆ ಉಳಿದ ಸ್ಪರ್ಧಿಗಳು ಡೌಟ್​ ಪಡುತ್ತಿದ್ದರೂ ರಕ್ಷಿತಾ ಫ್ಯಾನ್ಸ್​ಗೆ ಮಾತ್ರ ಆಕೆ ಮೇಲೆ ಇನ್ನಿಲ್ಲದ ಗೌರವ.

ಇದೀಗ ಬಿಗ್​ಬಾಸ್​ ಮನೆಯಲ್ಲಿ ನಾನ್​ ವೆಜಿಟೇರಿಯನ್ಸ್​ ಮೀನು, ಚಿಕನ್ನು ಎಲ್ಲಾ ಮಿಸ್​ ಮಾಡಿಕೊಳ್ತಿದ್ದಾರೆ. ರಕ್ಷಿತಾ ಶೆಟ್ಟಿಯನ್ನು ಫೇಮಸ್​ ಮಾಡಿದ್ದೇ ಮೀನು. ಮೀನಿನ ವಿಡಿಯೋ ಮಾತ್ರವಲ್ಲದೇ ಮೀನಿನ ಸಾಂಬಾರ್​ ಅನ್ನೂ ರಕ್ಷಿತಾ ಮಿಸ್ ಮಾಡಿಕೊಳ್ತಿದ್ದಾರೆ.

ಇದೀಗ ಅದೇ ಆಸೆಯನ್ನು ಅಶ್ವಿನಿ ಗೌಡ (Bigg Boss Ashwini Gowda) ಮತ್ತು ಸೂರಜ್​ ಮುಂದೆ ಇಟ್ಟಿದ್ದಾರೆ ರಕ್ಷಿತಾ ಶೆಟ್ಟಿ. ಮೀನು ತಿನ್ನಬೇಕು ಎನ್ನಿಸ್ತಾ ಇದೆ. ಒಂದು ವೇಳೆ ಬಿಗ್​ಬಾಸ್​​ ವಿಷ್​ ಕೇಳಿದ್ರೆ, ಒಂದಷ್ಟು ಕೆ.ಜಿ ಮೀನು ಕಳುಹಿಸಿಕೊಡಲು ಹೇಳ್ತೇನೆ ಎಂದಿದ್ದಾರೆ.

ಆಗ ಅಶ್ವಿನಿ ಗೌಡ, ತಂದು ಏನ್ ಮಾಡ್ತಿಯಾ ಕೇಳಿದಾಗ ಸಾಂಬಾರ್​ ಮಾಡಿ ತಿಂತೇನೆ ಎಂದಿದ್ದಾರೆ.ನಮಗೆ ಕೊಡಲ್ವಾ ಎಂದು ಅಶ್ವಿನಿ ಕೇಳಿದಾಗ, ಎಲ್ಲರಿಗೂ ಕೊಟ್ಟೇ ತಿನ್ನೋದು ಎಂದಿದ್ದಾರೆ. ಒಟ್ಟಿನಲ್ಲಿ, ಎಲ್ಲಿ ಹೋದ್ರೂ ರಕ್ಷಿತಾಗೆ ಮೀನಿಂದೇ ಚಿಂತೆಯಲ್ಲಾ ಎಂದು ಫ್ಯಾನ್ಸ್​ ಹೇಳಿಕೊಳ್ತಿದ್ದಾರೆ.

ಉಳಿದ ಎಲ್ಲರೂ ಬಿಗ್​ಬಾಸ್​ ಗೆಲ್ಲೋದು ಹೇಗೆ ಎನ್ನುವ ಚಿಂತೆಯಲ್ಲಿ ಇದ್ದರೆ ನಮ್​ ಪುಟ್ಟಿ ಮಾತ್ರ ಮೀನಿನ ಚಿಂತೆಯಲ್ಲಿ ಇದ್ದಾಳೆ ಎನ್ನುತ್ತಿದ್ದಾರೆ ಅಭಿಮಾನಿಗಳು