Actor Childhood Photos: ಅಮೃತಧಾರೆ ಸೀರಿಯಲ್ ನಟನ ಬಾಲ್ಯದ ಅಪರೂಪ ಫೋಟೋಗಳು

ಅಮೃತಧಾರೆ ಸೀರಿಯುಲ್‌ನಲ್ಲಿ ನಟಿಸುತ್ತಿರುವ ಪ್ರತಿಯೊಂದು ಪಾತ್ರಗಳು ಜನಪ್ರಿಯವಾಗಿದೆ. ಧಾರಾವಾಹಿಯ ನಟನೋರ್ವ ಇನ್‌ಸ್ಟಾಗ್ರಾಂನಲ್ಲಿ ತಮ್ಮ ಬಾಲ್ಯದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇದೀಗ ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.

ಈ ಫೋಟೋ ನೋಡಿದ ನಟನ ಅಭಿಮಾನಿಗಳು, ಆಗಲೂ ಸಹ ನೀವು ತುಂಬಾ ಕ್ಯೂಟ್. ತಂದೆಯಂತೆಯೇ ನೀವು ಕಾಣಿಸುತ್ತೀರಿ. ಈ ಫೋಟೋದಲ್ಲಿರುವ ತಂದೆಯಂತೆ ಒಮ್ಮೆ ಫೋಟೋಶೂಟ್ ಮಾಡಿಸಿ ಎಂದು ಸಲಹೆ ನೀಡಿದ್ದಾರೆ.

ಅಮೃತಧಾರೆ ಸೀರಿಯಲ್‌ನ ಪಾರ್ಥ್ ಪಾತ್ರ ವೀಕ್ಷಕರಿಗೆ ಇಷ್ಟವಾಗುತ್ತಿದೆ. ಪಾರ್ಥ್ ಅಣ್ಣನಿಗೆ ತಕ್ಕ ತಮ್ಮ, ಅತ್ತಿಗೆಯ ಮುದ್ದಿನ ಮೈದುನ, ಹೆಂಡತಿಯ ಪ್ರೀತಿಯ ಗಂಡನಾಗಿ, ಅಜ್ಜಿಗೆ ತರಲೆ ಮೊಮ್ಮಗನಾಗಿ ನಟ ಕರಣ್ ಕೆಆರ್ ನಟಿಸುತ್ತಿದ್ದಾರೆ. ತಮ್ಮ ಬ್ಯುಸಿ ಶೆಡ್ಯೂಲ್‌ನಲ್ಲಿಯೂ ಕರಣ್, ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಆಕ್ಟಿವ್ ಆಗಿರುತ್ತಾರೆ.

ಕರಣ್ ಕೆಆರ್ ಶೇರ್ ಮಾಡಿಕೊಂಡಿರುವ ಫೋಟೋಗಳನ್ನು ಅವರ ಪೋಷಕರನ್ನು ಗಮನಿಸಬಹುದು. ಕರಣ್ ತಂದೆ-ತಾಯಿ ಮದುವೆ ಫೋಟೋ ಸಹ ಇದರಲ್ಲಿದೆ. ಕೈಯಲ್ಲಿ ಆಟಿಕೆ ಗನ್ ಹಿಡಿದುಕೊಂಡ ಪುಟ್ಟ ಪಾರ್ಥ್‌ನನ್ನು ಕಾಣಬಹುದಾಗಿದೆ.

ತಮ್ಮ ಮೊದಲ ಹುಟ್ಟುಹಬ್ಬ ಆಚರಣೆಯ ಫೋಟೋಗಳನ್ನು ಸಹ ಕರಣ್ ಶೇರ್ ಮಾಡಿಕೊಂಡಿದ್ದಾರೆ. ತಂದೆ ಕೈ ತುತ್ತು ತಿನ್ನಿಸುತ್ತಿರೋದು, ಅಜ್ಜಿಯರೊಂದಿಗೆ ಕುಳಿತಿರೋದನ್ನು ಫೋಟೋದಲ್ಲಿ ಕಾಣಬಹುದು. ಕೊನೆಯದಾಗಿ ಇತ್ತೀಚಿನ ಬರ್ತ್‌ ಡೇಯಂದು ಕೇಕ್ ಕತ್ತರಿಸುತ್ತಿರುವ ಚಿತ್ರವನ್ನು ಅಭಿಮಾನಿಗಳೊಂದಿಗೆ ಶೇರ್ ಮಾಡಿಕೊಂಡಿದ್ದಾರೆ ನಟ ಕರಣ್.

ಈ ಫೋಟೋಗೆ ಕಮೆಂಟ್ ಮಾಡಿರುವ ಕರಣ್ ಕೆಆರ್ ಅಭಿಮಾನಿಗಳು, ಇವೆಲ್ಲಾ ಜೀವನದ ಸುಂದರ ನೆನಪುಗಳು, ತಂದೆಯ ಪ್ರತಿರೂಪ ನೀವು ಹ್ಯಾಪಿ ಬರ್ತ್ ಡೇ ಎಂದು ಶುಭಾಶಯಗಳನ್ನು ತಿಳಿಸಿದ್ದಾರೆ. ತಂದೆಗೆ ತಕ್ಕ ಮಗ, ತದ್ರೂಪಿ, ಸ್ಪುರದ್ರೂಪಿ. ಏನ್ ಹೇಳ್ಬೇಕು ಗೊತ್ತಿಲ್ಲ, ಆದ್ರೆ ನಿಮ್ಮ ತಂದೆ ಸೂರ್ಯ ಆದ್ರೆ ನೀವು ಅವರ ಕಿರಣದ ತರ. ಇಬ್ರೂ ಬೆಳಗ್ತಾ ಇದೀರಾ, ಅವ್ರು ನಿಮ್ಮ ಮನೆ ಮನಸ್ಸನ್ನ, ನೀವು ಕಿರುತೆರೆ ಹಾಗೂ ಅಭಿಮಾನಿಗಳ ಮನಸನ್ನ. ಅಷ್ಟೇ ವ್ಯತ್ಯಾಸ ಎಂದು ಬರೆದು ಮೆಚ್ಚುಗೆ ಸೂಚಿಸಿದ್ದಾರೆ.

ಕರಣ್ ಕೆಆರ್ ಇನ್‌ಸ್ಟಾಗ್ರಾಂನಲ್ಲಿ 53 ಸಾವಿರಕ್ಕೂ ಅಧಿಕ ಫಾಲೋವರ್ಸ್‌ಗಳನ್ನು ಹೊಂದಿದ್ದಾರೆ. ಇತ್ತೀಚೆಗಷ್ಟೇ ಬಾತ್‌ರೂಮ್‌ನಲ್ಲಿಯ ಫೋಟೋಗಳನ್ನು ಅಪ್ಲೋಡ್ ಮಾಡಿಕೊಂಡು ಹೆಂಗಳೆಯರ ನಿದ್ದೆಯನ್ನು ಕದ್ದಿದ್ದರು. ಟವೆಲ್ ಸುತ್ತಿಕೊಂಡು ಕರಣ್ ಫೋಟೋ ಕ್ಲಿಕ್ಕಿಸಿಕೊಂಡಿದ್ದರು.

ಅಮೃತಧಾರೆ ಸೀರಿಯಲ್ ಶೂಟಿಂಗ್ ಬಿಡುವಿನ ವೇಳೆಯಲ್ಲಿ ಕಲಾವಿದರೊಂದಿಗೆ ಟ್ರೆಂಡಿಂಗ್ ಹಾಡುಗಳಿಗೆ ಕರಣ್ ಡ್ಯಾನ್ಸ್ ಮಾಡುತ್ತಿರುತ್ತಾರೆ.