Bigg Boss ಮನೆಯಲ್ಲಿ ಗಿಲ್ಲಿ ಈಗ ಕಿಲಕಿಲ! ಕಾವ್ಯಾ ಜೊತೆ ರೊಮಾನ್ಸ್​ಗೆ ಅವಕಾಶ ಕೊಟ್ಟೇ ಬಿಟ್ರಲ್ಲ

ಬಿಗ್​ಬಾಸ್​ 12 (Bigg Boss 12) ಮನೆಯಲ್ಲಿ ಗಿಲ್ಲಿ ಮತ್ತು ಕಾವ್ಯಾ ಶೈವ ಹವಾ ಜೋರಾಗಿ ನಡೆಯುತ್ತಿರುವ ನಡುವೆಯೇ, ಬಿಗ್​ಬಾಸ್​ ಫೆಸ್ಟಿವಲ್​ ಶುರುವಾಗಿದೆ. ಇದರಲ್ಲಿ ಸ್ಪರ್ಧಿಗಳು ತಮ್ಮ ಟ್ಯಾಲೆಂಟ್​ ತೋರಿಸಿದ್ದಾರೆ.

ಇದಾಗಲೇ ಕಾವ್ಯಾ ಶೈವ ಮತ್ತು ಸೂರಜ್​ ಸಿಂಗ್​ (Bigg Boss Suraj Singh) ಪ್ರೀತಿಯಲ್ಲಿ ಇರೋ ಸುಖ ಹಾಡಿಗೆ ಸ್ಟೆಪ್​ ಹಾಕಿದ್ರು. ಅತ್ತ ಸೂರಜ್​ ಕಾವ್ಯಾ ಜೊತೆ ರೊಮಾನ್ಸ್​ ಮಾಡ್ತಿರೋದನ್ನು ಸೂರಜ್​ ಮೇಲೆ ಪ್ರಾಣ ಇಟ್ಟುಕೊಂಡಿರೋ ರಾಶಿಕಾ ಮುಖ ನೋಡಲು ಆಗ್ತಿರಲಿಲ್ಲ. ಅದೇ ವೇಳೆ ಕಾವ್ಯಾಳನ್ನು ನೋಡಿ ಗಿಲ್ಲಿ ನಟ ಕೂಡ ಸಪ್ಪಗಾದ ಹಾಗೆ ತೋರಿಸಲಾಗಿತ್ತು.

ಇದೀಗ ಗಿಲ್ಲಿ ನಟನಿಗೆ ಬೇಸರ ಮಾಡಬಾರದು ಎನ್ನುವ ಕಾರಣಕ್ಕೆ ಇದೇ ಹಾಡಿಗೆ ಗಿಲ್ಲಿ ನಟನಿಗೂ ಕಾವ್ಯಾ ಜೊತೆ ಸ್ಟೆಪ್​ ಹಾಕಲು ಬಿಗ್​ಬಾಸ್​​ ಅವಕಾಶ ಕಲ್ಪಿಸಿದೆ.

ಬಿಗ್​ಬಾಸ್​ ಫೆಸ್ಟ್​ನಲ್ಲಿ (Bigg Boss Fest) ಭಾಗ್ಯಲಕ್ಷ್ಮಿಯ ಭಾಗ್ಯ ಅರ್ಥಾತ್​ ಸುಷ್ಮಾ ಕೆ. ರಾವ್​ ಮತ್ತು ನಟಿ ಅದಿತಿ ಆಚಾರ್​ ಅವರು ಎಂಟ್ರಿ ಕೊಟ್ಟಿದ್ದಾರೆ. ಇಲ್ಲಿರುವ ಸ್ಪರ್ಧಿಗಳಿಗೆ ಅವರು ಜಡ್ಜ್​ ಮಾಡುತ್ತಿದ್ದಾರೆ.

ಇನ್ನು ಗಿಲ್ಲಿ ಮತ್ತು ಕಾವ್ಯಾಳ ಜೋಡಿಯನ್ನು ನೋಡಿ ರಾಶಿಕಾ ಕೂಡ ಸ್ವಲ್ಪ ರಿಲ್ಯಾಕ್ಸ್​ ಆದ ಹಾಗಿದೆ. ನಿನ್ನೆ ಇಂಗು ತಿಂದ ಮಂಗನಂತಾಗಿತ್ತು ಮುಖ ಎಂದು ಹಲವರು ರಾಶಿಕಾ ಕಾಲೆಳೆದಿದ್ದರು. ಇವತ್ತು ಇವರಿಬ್ಬರ ಜೋಡಿಗೆ ಫ್ಯಾನ್ಸ್​ ಫಿದಾ ಆಗಿದ್ದಾರೆ.

ಅಷ್ಟಕ್ಕೂ ಸೂರಜ್​ ಮತ್ತು ರಾಶಿಕಾ ಲವ್​ಸ್ಟೋರಿ ಬಗ್ಗೆ ಭಾರಿ ಚರ್ಚೆಯಾಗುತ್ತಿದೆ. ತನ್ನ ಸೌಂದರ್ಯದಿಂದಲೇ ಅಭಿಮಾನಿಗಳನ್ನು ಸಂಪಾದಿಸಿಕೊಂಡಿದ್ದ ಸೂರಜ್‌ ಅವರು ರಾಶಿಕಾ ಶೆಟ್ಟಿ ಜೊತೆ ಸೇರಿ ಆಟವನ್ನು ಹಾಳು ಮಾಡಿಕೊಂಡರು ಎಂದು ವೀಕ್ಷಕರು ಹೇಳುತ್ತಿದ್ದಾರೆ. ರಾಶಿಕಾ ಆಟದ ಬಗ್ಗೆ ವೀಕ್ಷಕರಿಗೆ ಅಸಮಾಧಾನ ಇದೆ.

ಗಿಲ್ಲಿ-ಕಾವ್ಯಾ ಡಾನ್ಸ್​ ನೋಡಲು ಇದರ ಮೇಲೆ ಕ್ಲಿಕ್​ ಮಾಡಿ