Bigg Boss ಸ್ಪಂದನಾ ಸೋಮಣ್ಣ ಹೊಟ್ಟೆಯಲ್ಲಿ ಮಗು? ದೊಡ್ಮನೆಯಲ್ಲಿ ಇದೇನಿದು ಧನುಷ್​ ಗಲಾಟೆ?

ಬಿಗ್​ಬಾಸ್​ (Bigg Boss) ವೀಕ್ಷಕರಿಗೆ ಕೆಲವೊಂದು ದೃಶ್ಯಗಳನ್ನು ಮಾತ್ರ ತೋರಿಸುತ್ತಿದ್ದರೆ, ದಿನದ 24 ಗಂಟೆಗಳು ನಡೆಯುವ ಕೆಲವೊಂದು ತುಣುಕುಗಳನ್ನು ವಾಹಿನಿ ಕಡೆಯಿಂದ ಸೋಷಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಲಾಗುತ್ತದೆ. ಇನ್ನೇನು ಬಿಗ್​ಬಾಸ್​ ಮುಗಿಯಲು ಒಂದೇ ತಿಂಗಳು ಬಾಕಿ ಇರುವ ನಡುವೆಯೇ, ಟಾಸ್ಕ್​ ಭರಾಟೆಯೂ ಜೋರಾಗಿಯೇ ನಡೆಯುತ್ತಿದೆ.

ಇಂಥ ಸಂದರ್ಭದಲ್ಲಿ ಯಾರೂ ಮನೆಯಿಂದ ಹೊರಕ್ಕೆ ಹೋಗಲು ಇಷ್ಟಪಡುವುದಿಲ್ಲವಾದ್ದರಿಂದ, ತಮ್ಮ ಸ್ಥಾನವನ್ನು ಗಟ್ಟಿ ಮಾಡಿಕೊಳ್ಳುವ ಸಲುವಾಗ ಜಗಳ, ಕಿತ್ತಾಟ ಎಲ್ಲವೂ ಸರ್ವೇ ಸಾಮಾನ್ಯ. ಇದರ ಹೊರತಾಗಿಯೂ ಅಲ್ಲಿ ಹಾಸ್ಯದ ಪ್ರಸಂಗಗಳು ನಡೆಯುತ್ತಿರುತ್ತವೆ.

ಇದೀಗ ಅಂಥದ್ದೇ ಒಂದು ಹಾಸ್ಯದ ತುಣುಕು ಜಿಯೋಸ್ಟಾರ್​ನಲ್ಲಿ ಶೇರ್​ ಮಾಡಲಾಗಿದೆ. ಇಲ್ಲಿ ಸ್ಪಂದನಾ ಸೋಮಣ್ಣ (Bigg Boss Spandana Somanna) ಅವರ ಹೊಟ್ಟೆಯಲ್ಲಿ ಮಗು ಇರುವ ಬಗ್ಗೆ ಚರ್ಚೆ ಮಾಡಲಾಗಿದೆ.

ಅಷ್ಟಕ್ಕೂ ಇದು ಕರಿಮಣಿ ಸೀರಿಯಲ್​ (Karimani Serial) ಸ್ಟೋರಿ. ಇದರಲ್ಲಿ ಸಾಹಿತ್ಯ ಪಾತ್ರದಲ್ಲಿ ಸ್ಪಂದನಾ ಸೋಮಣ್ಣ ನಟಿಸಿದ್ದರು. ತಾಯಿಯಿಲ್ಲದೆ ಬೆಳದಿರುವ ಹುಡುಗಿಯ ಪಾತ್ರ ಈಕೆಯದ್ದು. ಅವಳು ಶ್ರೀಮಂತ ಕುಟುಂಬದ ಕರ್ಣನನ್ನು ಮದುವೆಯಾಗುತ್ತದೆ. ಆ ಬಳಿಕ ನಡೆಯುವ ಕಥಾಹಂದರವನ್ನು ಈ ಸೀರಿಯಲ್​ ಹೊಂದಿತ್ತು.

ಆ ಸಮಯದಲ್ಲಿ ಸ್ಪಂದನಾ ಸೋಮಣ್ಣ ಅರ್ಥಾತ್​ ಸಾಹಿತ್ಯ ಗರ್ಭಿಣಿಯಾಗುತ್ತಾಳೆ. ಆಕೆ ಗರ್ಭಿಣಿಯಾಗಿದ್ದಾಗಲೇ ಫೈಟಿಂಗ್​ ಮಾಡುವ ದೃಶ್ಯವಿದೆ. ಇದನ್ನೇ ಈಗ ಧನುಷ್​ ಅವರು ತಮಾಷೆಯಾಗಿ ಆ್ಯಕ್ಟ್​ ಮಾಡಿ ತೋರಿಸಿದ್ದಾರೆ. ಹೊಟ್ಟೆಯನ್ನು ಹಿಡಿದುಕೊಂಡು ನನ್ನ ಮಗುವಿಗೆ ಏನೂ ಆಗಿಲ್ಲ ತಾನೆ ಎಂದು ಡಾಕ್ಟರ್​ ಮುಂದೆ ಸಾಹಿತ್ಯ ಗೋಳಾಡಿದ ಪರಿಯನ್ನು ಅವರು ತೋರಿಸಿದ್ದಾರೆ.

ಹೊಟ್ಟೆ ಹಿಡಿದುಕೊಂಡು ಫೈಟ್​ ಮಾಡಿದ್ದೇನು ಎಂದು ಧನುಷ್​ ಸ್ಪಂದನಾಗೆ ತಮಾಷೆ ಮಾಡಿದ್ದಾರೆ. ಅಲ್ಲಿ ಒಂದು ಸ್ವಲ್ಪ ಟಚ್​ ಮಾಡಿದ್ದು ಅಷ್ಟೇ, ಏನು ಬಿಲ್ಡ್​ಅಪ್​ ತೆಗೆದುಕೊಂಡ್ರಪ್ಪಾ ಎಂದಿದ್ದಾರೆ. ಚೈತ್ರಾ ಕುಂದಾಪುರ (Chaitra Kundapura) ಕೂಡ ಈ ಸೀರಿಯಲ್​ನಲ್ಲಿ ಸಕತ್​ ಆ್ಯಕ್ಟಿಂಗ್ ಇತ್ತು ಎಂದಿದ್ದಾರೆ.

ಕೊನೆಗೆ ಸ್ಪಂದನಾ ಕೂಡ ಹೊಟ್ಟೆ ಹಿಡಿದುಕೊಂಡು ತಮ್ಮದೇ ಆ್ಯಕ್ಟಿಂಗ್​ ಮಾಡಿದ್ದಾರೆ. ಇದನ್ನು ನೋಡಿ ಕಾವ್ಯಾ ಶೈವ ಸೇರಿದಂತೆ ಎಲ್ಲರೂ ಬಿದ್ದೂ ಬಿದ್ದೂ ನಕ್ಕಿದ್ದಾರೆ.